ગુજરાત પોલીસમાં મોટો વહીવટી ફેરફાર કરવામાં આવ્યો છે. રાજ્યના ગૃહ વિભાગે અલગ-અલગ જિલ્લાઓમાં ફરજ બજાવતા કુલ 68 પોલીસ ઇન્સ્પેક્ટર (PI)ને ડેપ્યુટી સુપરિન્ટેન્ડન્ટ ઓફ પોલીસ (DySP) તરીકે બઢતી આપવાનો હુકમ જાહેર કર્યો છે. સાથે જ 7 DySPની બદલીના આદેશ પણ બહાર પાડવામાં આવ્યા છે. આ ફેરફારો હથિયારી, બિન-હથિયારી તેમજ વાયરલેસ કેડરના અધિકારીઓને લગતા છે.
ગૃહ વિભાગ દ્વારા જારી કરાયેલા પરિપત્ર મુજબ, રાજ્યના અમદાવાદ, ગાંધીનગર, ખેડા, વડોદરા સહિતના વિવિધ જિલ્લાઓમાં ફરજ બજાવતા 47 બિન-હથિયારી PI, 9 હથિયારી PI અને 12 વાયરલેસ PIને DySP તરીકે બઢતી આપવામાં આવી છે. આ ઉપરાંત 7 હથિયારી અને બિન-હથિયારી DySPની વિવિધ જિલ્લાઓમાં બદલી કરવામાં આવી છે.
આ બઢતી અને બદલીથી રાજ્ય પોલીસ તંત્રમાં કાર્યક્ષમતા વધશે અને વહીવટી વ્યવસ્થામાં વધુ મજબૂતી આવશે તેવી અપેક્ષા વ્યક્ત કરવામાં આવી રહી છે. રાજ્ય સરકારના આ નિર્ણયને પોલીસ વિભાગમાં મહત્વપૂર્ણ માનવામાં આવી રહ્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
