નાણામંત્રી નિર્મલા સીતારમણ શનિવારે 1 ફેબ્રુઆરી 2025 ના રોજ સવારે 11 વાગ્યે રેકોર્ડ આઠમું સતત કેન્દ્રીય બજેટ રજૂ કરશે. બજેટ 2025 સાથે નાણામંત્રી નિર્મલા સીતારમણની પહેલી તસવીર સામે આવી છે.
નિર્મલા સીતારમણ આજના બજેટ રજૂઆત સમયે પહેરેલી સાડી ખાસ ધ્યાન ખેંચી રહી છે. આ સાડી પર મધુબની પેઇન્ટિંગ છે, જેની બોર્ડર પર માછલીઓના આકૃતિઓ છે.મધુબની ચિત્રકામ એ બિહારની પ્રાચીન કલા છે, જે સામાન્ય રીતે હસ્તકલા દ્વારા હાથથી દોરવામાં આવે છે અને તેમાં પ્રાકૃતિક તત્વો, દૈવી પ્રતીકો અને પૌરાણિક દૃશ્યો દર્શાવાય છે.
માછલી હિન્દૂ સંસ્કૃતિમાં શુભતા અને સંપત્તિનું પ્રતીક માનવામાં આવે છે. એવું માનવામાં આવે છે કે દેવી લક્ષ્મીનું મત્સ્ય અવતારથી સંબંધ છે, અને માછલી શુભ સંકેત છે, જે ધન અને સમૃદ્ધિનું પ્રતીક માને છે. ઘરમાં માછલીના ચિત્ર કે મૂર્તિ રાખવાથી પણ સૌભાગ્ય અને શાંતિ મળે છે તેવી માન્યતા છે.
કેન્દ્રીય નાણામંત્રી નિર્મલા સીતારમણે આજના બજેટ દરમિયાન પહેરેલી મધુબની સાડી દ્વારા પ્રખ્યાત ચિત્રકાર દુલારી દેવીને શ્રદ્ધાંજલિ આપી છે. દુલારી દેવી 2021માં પદ્મશ્રીથી સન્માનિત મધુબની ચિત્રકાર છે, જેમણે બિહારની મિથિલા કલા પર પોતાની છાપ મૂકી છે.
મધુબની કલા મિથિલા વિસ્તારની લોકચિત્રકલા છે, જે પૌરાણિક દ્રશ્યો, દેવી-દેવતાઓ, પ્રકૃતિ અને લોકજીવનની ઝલક આપે છે. નિર્મલા સીતારમણની સાડી પર વિશેષ કરીને માછલીઓના ચિત્રો જોવા મળ્યા, જે હિન્દૂ સંસ્કૃતિમાં સંપત્તિ અને શૃંગારનું પ્રતીક છે.
આ સાડી દ્વારા નાણામંત્રીએ માત્ર ભારતીય કલા અને હસ્તકલા માટે ગૌરવ વ્યક્ત કર્યું નથી, પરંતુ મહિલાઓ દ્વારા સાહિત્ય અને કળાના ક્ષેત્રમાં મળેલા યોગદાનને પણ માન અપાવ્યું છે.
નાણામંત્રી નિર્મલા સીતારમણ જ્યારે ક્રેડિટ આઉટરીચ પ્રોગ્રામ માટે મધુબની, બિહાર ગયા હતા, ત્યારે તેમની મુલાકાત પદ્મશ્રી વિજેતા દુલારી દેવી સાથે થઈ હતી. આ મુલાકાત દરમિયાન, તેમણે મધુબની ચિત્રકલા વિશે દુલારી દેવી સાથે ચર્ચા કરી અને બિહારમાં આ કલા વિક્સાવવા માટે વિચારોનું આદાન-પ્રદાન કર્યું હતું.
દુલારી દેવી, જે મધુબની ચિત્રકલાક્ષેત્રમાં જાણીતી છે, નાણામંત્રીને એક વિશેષ સાડી ભેટ આપીને કહ્યું હતું કે તે બજેટ રજૂઆતના દિવસે પહેરે. આજની રજૂઆતમાં નિર્મલા સીતારમણે એ જ મધુબની સાડી પહેરી, જે બોર્ડર પર માછલીઓના ચિત્રો દર્શાવતી હતી.
આ ઘટનાનો મહત્વ એટલાં માટે છે કે નાણામંત્રી મહિલા કલા સાહિત્ય અને હસ્તકલા ક્ષેત્રમાં યોગદાન આપનારાઓને પ્રોત્સાહન આપી રહ્યા છે. આ સાડી માત્ર એક પરિધાન નથી, પણ ભારતીય લોકકલા અને હસ્તકલા માટે માન-સન્માનનું પ્રતિક છે
