દેશમાં સોશિયલ મીડિયા અને કેટલાક અહેવાલોમાં ફેલાઈ રહેલી મંદિરોનાં સોનાને મોનેટાઇઝ કરવાની વાતોને લઈને નાણાં મંત્રાલયએ સ્પષ્ટતા આપી છે. મંત્રાલયે જણાવ્યું છે કે સરકાર સમક્ષ એવી કોઈ દરખાસ્ત નથી કે જેમાં દેશભરના મંદિરો અથવા ધાર્મિક સંસ્થાઓ પાસે રહેલા સોનાનો ઉપયોગ ગોલ્ડ મોનેટાઇઝેશન અથવા ગોલ્ડ બોન્ડ યોજના માટે કરવામાં આવે.
મંત્રાલયે કડક શબ્દોમાં કહ્યું છે કે આવી તમામ અફવાઓ સંપૂર્ણપણે ખોટી અને પાયાવિહોણી છે અને લોકોમાં ગેરસમજ ફેલાવવાનો પ્રયાસ છે.
ગોલ્ડ મોનેટાઇઝેશન યોજનાના દાવાઓ નકારાયા
તાજેતરમાં સોશિયલ મીડિયા પર દાવો કરવામાં આવી રહ્યો હતો કે સરકાર મંદિર ટ્રસ્ટો પાસે રહેલા સોનાના આધાર પર ગોલ્ડ બોન્ડ જારી કરવાની યોજના બનાવી રહી છે. આ અંગે સ્પષ્ટતા કરતા નાણાં મંત્રાલયએ જણાવ્યું કે આવી કોઈ યોજના પર વિચારણા પણ કરવામાં આવી રહી નથી.
મંત્રાલયે જણાવ્યું કે મંદિરોનાં સોનાને મોનેટાઇઝ કરવાની વાતો સંપૂર્ણપણે ખોટી છે અને કોઈ સત્તાવાર નીતિનો ભાગ નથી.
👉 Clarification on false claims on monetisation of temple gold holdings
👉 Speculation and rumours suggesting that the Government is planning to introduce monetisation scheme for Gold held by temple trusts, or any religious institution, across the country are completely false,… pic.twitter.com/BcuGaogGM7
— Ministry of Finance (@FinMinIndia) May 19, 2026
‘સ્ટ્રેટેજિક ગોલ્ડ રિઝર્વ’ અંગેના દાવાઓ પણ ખોટા
કેટલાક વાયરલ દાવાઓમાં એવો પણ ઉલ્લેખ હતો કે મંદિરોનાં શિખરો, દરવાજા અને અન્ય ભાગોમાં લગાવવામાં આવેલ સોનાને દેશના ‘સ્ટ્રેટેજિક ગોલ્ડ રિઝર્વ’ તરીકે ગણવામાં આવશે.
મંત્રાલયે આ દાવાઓને પણ ભ્રામક ગણાવીને સ્પષ્ટ કર્યું કે આ પ્રકારની કોઈ નીતિ કે વિચારણા સરકાર પાસે નથી.
અફવાઓથી સાવધાન રહેવાની અપીલ
નાણાં મંત્રાલયે નાગરિકોને અપીલ કરી છે કે તેઓ કોઈપણ અપ્રમાણિત માહિતી પર વિશ્વાસ ન કરે અને તેને શેર પણ ન કરે. મંત્રાલયે જણાવ્યું કે ખોટી માહિતીના પ્રસારથી ગેરસમજ અને ગૂંચવણ ફેલાય છે.
સત્તાવાર માહિતી પર જ વિશ્વાસ રાખો
મંત્રાલયે યાદ અપાવ્યું કે સરકારની કોઈપણ નવી નીતિ અથવા યોજના અંગેની માહિતી માત્ર સત્તાવાર માધ્યમો દ્વારા જ જાહેર કરવામાં આવે છે. લોકો સત્તાવાર વેબસાઇટ, પ્રેસ રિલીઝ અને વેરિફાઇડ સ્ત્રોતો પરથી જ માહિતી મેળવે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
