જેલોમાં ક્ષમતા કરતા વધુ કેદી બંધ હોવાના કારણે ત્યાં ઘણા પ્રકારની મુશ્કેલીઓ ઊભી થાય છે તેમજ જેલોની સુરક્ષાને લઈને પણ સમયાંતરે પ્રશ્ન ઉઠતા રહે છે. સીએમ યોગી આદિત્યનાથે ગુરૂવારે લખનૌમાં જેલની તાજેતરની સ્થિતિને લઈને ઉચ્ચ સ્તરીય સમીક્ષા બેઠક કરી. સમીક્ષા બેઠકમાં સીએમ યોગી આદિત્યનાથે જેલોના સુધારાની દિશામાં ઘણા મહત્વપૂર્ણ પગલા ઉઠાવવાના આદેશ આપ્યા છે. સીએમ યોગી આદિત્યનાથે જેલોને સુધારગૃહ તરીકે સ્થાપિત કરવા અને પ્રદેશમાં નવો પ્રિઝન એક્ટ તૈયાર કરવાનો પણ આદેશ આપ્યો છે.
વર્તમાન સમયમાં જેલ અને જેલમાં કેદ કેદીઓના સંબંધમાં જેલ એક્ટ 1894 અને કેદી એક્ટ 1900 પ્રચલિત છે. બંને એક્ટ આઝાદી પહેલાના અંગ્રેજોના જમાનાથી પ્રચલિત છે. જેના કારણે તે બદલાતા વાતાવરણ અને કેદીઓના પુનર્વસનના સુધારાત્મક હેતુને અનુકુળ નથી. પ્રિઝન એક્ટ 1894નો હેતુ એ છે કે કેદીઓને જેલમાં શિસ્તબદ્ધ રીતે રાખવામાં આવે, પરંતુ વર્તમાન સમયમાં કેદીઓના જીવન સ્તરમાં સુધારો અને તેમના પુનર્વસન પર જોર આપવામાં આવી રહ્યુ છે. આ જ કારણ છે કે સીએમ યોગી આદિત્યનાથે જેલોને સુધારગૃહ તરીકે વિકસાવવા અને નવો પ્રિઝન એક્ટ તૈયાર કરવાની જરૂરિયાત જણાવી છે.
પ્રયાગરાજની નૈની સેન્ટ્રલમાં ક્ષમતા કરતા વધુ કેદી બંધ છે. નૈની સેન્ટ્રલ જેલની ક્ષમતા 2060 કેદીઓને રાખવા માટે છે પરંતુ વર્તમાન સમયમાં નૈની સેન્ટ્રલ જેલમાં 3520 કેદી બંધ છે, જેમાં 147 મહિલા કેદી, 1105 દોષ સિદ્ધ કેદી અને 2415 વિચારાધીન કેદી સામેલ છે. જેમાં અમુક ખૂંખાર કેદી પણ સામેલ છે. જમ્મુ કાશ્મીરના ઘણા આતંકવાદીઓને પણ નૈની સેન્ટ્રલ જેલમાં રાખવામાં આવ્યા છે, તો પૂર્વાંચલના ઘણા મોટા માફિયાઓના સાગરીતો પણ જેલમાં કેદ છે. દરમિયાન ક્ષમતા કરતા વધુ કેદીઓના જેલમાં હોવાથી જેલ તંત્રને પણ કોઈ અનહોનીની આશંકા રહે છે. જોકે રાહતની વાત એ છે કે હવે જેલ કર્મચારીઓની સંખ્યા વધી ગઈ છે.
