ભારત અને તાઈવાને તાઈપેઈમાં મજૂરોની અછત દૂર કરવાના પ્રયાસોમાં ભારતીય પ્રવાસી શ્રમિકોને દ્વીપ પર મોકલવા માટે શુક્રવારે એક કરાર પર હસ્તાક્ષર કર્યા છે. તાઇવાન સેમીકન્ડક્ટરના ઉત્પાદન માટે જાણીતું છે. પરંતુ તેની વસતિ વૃદ્ધ થઈ રહી છે અને વર્તમાનમાં વિયેટનામ, ઈન્ડોનેશિયા, ફિલિપાઈન્સ અને થાઈલેન્ડ જેવા દક્ષિણ પૂર્વના એશિયાઈ દેશોના પ્રવાસી શ્રમિકો પર નિર્ભર છે. આ શ્રમિકો મુખ્ય રીતે બાંધકામ ક્ષેત્રમાં કે વૃદ્ધોની દેખભાળ કરવા માટેના કામમાં કાર્યરત છે.
તાઇવાનના શ્રમ મંત્રાલયે કહ્યું કે, તાઈપેઈ અને દિલ્હીમાં વાસ્તવિક દૂતાવાસોની વચ્ચે કરારપત્ર પર હસ્તાક્ષર કરવામાં આવ્યા હતા, પરંતુ અમલીકરણની વિશિષ્ટ વિગતો પર હજુ કામ કરવું જરુરી છે. મંત્રાલયે સ્વીકાર કર્યો કે તાઈવાનના બાંધકામ, ઉત્પાદન, કૃષિ અને અન્ય ઉદ્યોગોમાં શ્રમિકોની માંગ
સતત વધી રહી છે, અને દેશ પોતાના બળ પર આ માંગ પૂર્ણ કરવા સમર્થ નથી. મંત્રાલયે એમ કહ્યું કે, ભારતીય શ્રમિકોની ગુણવત્તા સ્થિર છે, એ મહેનતુ છે અને સારા વિચારવાળા છે.
તાઈવાનના શ્રમ મંત્રાલયના કહેવા પ્રમાણે, આરંભમાં શરુઆતમાં એક નાના પ્રમાણમાં પાયલટ કાર્યક્રમ શરુ કરાશે અને સફળ થવા પર વધુ ભારતીય શ્રમિકોને તાઈવાનમાં પ્રવેશવાની મંજુરી મળશે. જોકે, શ્રમિકોની ચોક્કસ સંખ્યા હજુ નક્કી કરાઈ નથી.
તાઇવાને પહેલાંના રિપોર્ટોને ફગાવી દીધા છે, જેમાં કહેવામાં આવ્યું હતું કે 10000 સુધી ભારતીય શ્રમિકોને મંજૂરી મળશે.જોકે, ભારતના તાઈવાનની સાથે ઔપચારિક રાજદ્વારી સંબંધ નથી, પરંતુ એક મજબૂત વ્યાપારિક સંબંધ છે. ભારત સક્રિય રીતે તાઈવાનની ટેકનોલોજી કંપનીઓને ભારતમાં રોકાણ અને ઉત્પાદન કરવા માટે પ્રોત્સાહિત કરી છે. આ પગલું ચીનની સાથે ભારતના તણાવપૂર્ણ સંબંધોથી પણ પ્રભાવિત છે.
