ઓનલાઈન ફૂડ કંપની Swiggy અને Zomatoથી ઓર્ડર આપવો પડશે મોંઘો!

શું તમે પણ ઓનલાઈન ફૂડ ઓર્ડર કરવાનું પસંદ કરો છો, તો હવે તમારે Swiggy અને Zomatoની વધારાની ફી ભરવી પડશે છે. જેનો અર્થ છે કે હવે તમારે ફૂડ ઓર્ડર કરવા પર વધુ પૈસા ખર્ચવા પડશે. હા, ફૂડ ડિલિવરી એપ્સે તેમના ગ્રાહકોને મોટો ઝટકો આપ્યો છે.

કંપનીએ બેંગલુરુ અને દિલ્હી જેવા કેટલાક મોટા શહેરોમાં તેની પ્લેટફોર્મ ફી વધારી છે. કંપનીએ પ્લેટફોર્મ ફીમાં 20 ટકાનો વધારો કર્યો છે. શરૂઆતમાં, Zomato અને Swiggy બંને પરથી ઓર્ડર કરવા માટે 2 રૂપિયાની પ્લેટફોર્મ ફી હતી, પરંતુ હવે તેમાં સતત વધારો થઈ રહ્યો છે. હવે ગ્રાહકોએ દરેક ઓર્ડર પર 6 રૂપિયા સુધીની પ્લેટફોર્મ ફી ચૂકવવી પડશે.

જોકે, આ પ્રથમ વખત નથી જ્યારે Zomato અને Swiggyએ તેમની પ્લેટફોર્મ ફીમાં વધારો કર્યો હોય. ડિલિવરી કંપનીઓ માટે પ્લેટફોર્મ ફી ખૂબ જ મહત્વપૂર્ણ છે અને Zomato અને Swiggy બંને હવે તેમની કુલ આવક વધારવા માટે પ્લેટફોર્મ ફીમાં વધારો કરી રહી છે.

મળતી માહિતી અનુસાર, આ વર્ષની શરૂઆતમાં સ્વિગીએ કેટલાક પસંદગીના વપરાશકર્તાઓ માટે તેની પ્લેટફોર્મ ફી વધારીને 10 રૂપિયા કરી હતી, પરંતુ આ 10 રૂપિયાની ફી ગ્રાહકો પાસેથી લેવામાં આવી ન હતી, પરંતુ અંતિમ ચેકઆઉટ દરમિયાન ડિસ્કાઉન્ટ આપીને 5 રૂપિયા લેવામાં આવ્યા હતા. ઘણા વપરાશકર્તાઓ પાસેથી વસૂલવામાં આવતી આ ફી તે સમયે વસૂલવામાં આવતી રૂ. 3 પ્લેટફોર્મ ફી કરતાં ઘણી વધારે હતી. એટલું જ નહીં, એપ્રિલમાં ઝોમેટોએ દિલ્હી, મુંબઈ, હૈદરાબાદ, બેંગલુરુ અને લખનૌ સહિત ઘણા મોટા શહેરોમાં તેની પ્લેટફોર્મ ફી વધારીને ઓર્ડર દીઠ રૂ. 5 કરી દીધી હતી.