PM મોદીએ દિલ્હીમાં ફૂંક્યું ચૂંટણીનું બ્યુગલ, આપી 4500 કરોડની ભેટ

આવતા મહિને દિલ્હીમાં વિધાનસભાની ચૂંટણી યોજાવા જઈ રહી છે. વડાપ્રધાન નરેન્દ્ર મોદીએ આજથી એટલે કે 3 જાન્યુઆરીથી ભાજપનો ચૂંટણી પ્રચાર શરૂ કર્યો છે. આ દરમિયાન તેમણે વર્ષ 2025ને નવી સંભાવનાઓનું વર્ષ ગણાવ્યું. પીએમ મોદીએ કહ્યું, “વર્ષ 2025 ભારતના વિકાસ માટે ઘણી નવી સંભાવનાઓ લઈને આવી રહ્યું છે. વિશ્વની ત્રીજી સૌથી મોટી આર્થિક શક્તિ બનવા તરફની અમારી યાત્રા આ વર્ષે વેગવંતી બનવા જઈ રહી છે. આજે ભારત અને વિશ્વમાં રાજકીય અને આર્થિક સ્થિરતા છે. તે ભારતનું પ્રતીક બની ગયું છે, ભારતની આ ભૂમિકા 2025માં વધુ મજબૂત બનશે.

વડાપ્રધાન નરેન્દ્ર મોદીએ વધુમાં કહ્યું કે, “હું પણ શીશનો મહેલ બનાવી શક્યો હોત, પરંતુ મારા માટે મારું સપનું છે કે દેશવાસીઓને ઘર મળે. આજે નહીં તો કાલે તેમના માટે પાકુ ઘર બનશે, દેશ સારી રીતે જાણે છે કે મોદીજીએ ક્યારેય પોતાના માટે પાકુ ઘર નથી બનાવ્યું, પરંતુ છેલ્લા 10 વર્ષમાં હું અહીંયા 4 કરોડથી વધુ લોકોના સપના પૂરા કર્યા છે. હું તમારા બધાની ખુશીઓમાં તમારા ઉત્સવમાં હિસ્સો બનવા માટે આજે આવ્યો છું.

આ પ્રોજેક્ટનો ઉદ્દેશ્ય દિલ્હીમાં જેજે ક્લસ્ટરોના રહેવાસીઓને પર્યાપ્ત સુવિધાઓથી સજ્જ વધુ સારું અને સ્વસ્થ રહેણાંક વાતાવરણ પૂરું પાડવાનો છે. કેન્દ્ર સરકાર દ્વારા ફ્લેટના નિર્માણ પાછળ 25 લાખ રૂપિયાનો ખર્ચ કરવામાં આવે છે. પાત્ર લાભાર્થીઓ કુલ રકમના સાત ટકાથી ઓછી રકમ ચૂકવે છે, જેમાં નજીવા યોગદાન તરીકે રૂ. 1.42 લાખ અને પાંચ વર્ષની જાળવણી માટે રૂ. 30,000નો સમાવેશ થાય છે.