ભારતના વડાપ્રધાન નરેન્દ્ર મોદીની સ્વીડન યાત્રા ભારતીય કૂટનીતિ માટે ઐતિહાસિક સાબિત થઈ છે. સ્વીડન સરકારે પીએમ મોદીને તેમના દેશના સર્વોચ્ચ અને પ્રતિષ્ઠિત શાહી સન્માન ‘Royal Order of Polar Star, Commander Grand Cross’ થી સન્માનિત કર્યા છે. આ સન્માન માત્ર વ્યક્તિગત સિદ્ધિ નહીં, પરંતુ ભારતના વૈશ્વિક પ્રભાવ અને પ્રતિષ્ઠાનો પરિચય કરાવે છે.
‘રોયલ ઓર્ડર ઓફ પોલાર સ્ટાર’ સ્વીડનનું સદીઓ જૂનું સન્માન છે, જે મુખ્યત્વે વિદેશી રાષ્ટ્રપ્રમુખો અથવા સરકારના વડાઓને આપવામાં આવે છે. પીએમ મોદીને આ એવોર્ડ આપવો એ ભારત અને સ્વીડન વચ્ચેના મજબૂત રાજદ્વારી સંબંધોને દર્શાવે છે. આ સાથે, વૈશ્વિક સ્તરે ભારતની વધતી શક્તિ અને વિશ્વસનીયતાનો પણ સંકેત મળે છે.
A short while ago, I was conferred with the ‘Royal Order of the Polar Star, Degree Commander Grand Cross.’ This is not just an honour for me, but for the 140 crore people of India. It’s equally a tribute to all our friends in Sweden who have enriched India-Sweden relations and… pic.twitter.com/5AKtEAbqIe
— Narendra Modi (@narendramodi) May 17, 2026
આ સન્માન સાથે પીએમ મોદીએ એક અનોખો રેકોર્ડ પણ પોતાના નામે કર્યો છે. સ્વીડન તરફથી મળેલો આ એવોર્ડ તેમનો 31મો આંતરરાષ્ટ્રીય સન્માન છે, જે કોઈપણ ભારતીય વડાપ્રધાન માટે એક ઐતિહાસિક સિદ્ધિ માનવામાં આવે છે. અગાઉ અમેરિકા, ફ્રાન્સ, રશિયા, યુએઈ, સાઉદી અરેબિયા, ઇજિપ્ત અને ભૂટાન જેવા દેશો પણ તેમને તેમના સર્વોચ્ચ નાગરિક સન્માનથી નવાજી ચૂક્યા છે.
પીએમ મોદીની આ મુલાકાત માત્ર સન્માન પૂરતી સીમિત નહોતી, પરંતુ દ્વિપક્ષીય સંબંધોને મજબૂત બનાવવાની દિશામાં મહત્વપૂર્ણ પગલું સાબિત થઈ છે. ભારત અને સ્વીડન વચ્ચે ગ્રીન એનર્જી, ક્લાઈમેટ ચેન્જ, ટેક્નોલોજી અને સ્ટાર્ટઅપ ક્ષેત્રે સહકાર વધારવાનો નિર્ણય લેવાયો છે. આ સાથે, સ્વીડનની ટોચની કંપનીઓના CEO સાથે થયેલી બેઠકો ભારત માટે નવા વિદેશી રોકાણના દ્વાર ખોલશે.
વૈશ્વિક રાજકીય તણાવ વચ્ચે પીએમ મોદીની કૂટનીતિ વિશ્વભરમાં સ્વીકાર પામી રહી છે. સ્વીડનથી મળેલ આ 31મો આંતરરાષ્ટ્રીય એવોર્ડ ‘નવા ભારત’ની વૈશ્વિક ઓળખને વધુ મજબૂત બનાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
