વડાપ્રધાન નરેન્દ્ર મોદી બે દિવસના પ્રવાસે ગુજરાત આગામી સોમવારે આવી રહ્યા છે. અમદાવાદ એરપોર્ટથી ઉતરીને તેઓ સીધા જ અંબાજી જવા રવાના થશે. અંબાજી મંદિરે દર્શન કરીને વડાપ્રધાન મોદી મહેસાણા જિલ્લાના ખેરાલુ નજીક આવેલા ડભોડમાં જાહેર સંભા યોજશે. સોમવારે સવારે 11.30 કલાકે વડાપ્રધાન સભા સ્થળે પહોંચશે. જ્યાં પાંચ હજારથી વધુની ખર્ચના 16 વિકાસકાર્યોની ભેટ આપશે.
નરેન્દ્ર મોદીના આગમનને લઈ તૈયારીઓ તડામાર ચાલી રહી છે. વડાપ્રધાનના હેલિકોપ્ટરના કાફલાને માટે ત્રણ હેલીપેડ તૈયાર કરવામાં આવ્યા છે. વડાપ્રધાન મહેસાણાના 3724 કરોડના વિકાસકાર્યોની ભેટ મળનારી છે. મોદી 7 પ્રોજેક્ટનુ લોકાર્પણ અને 4 પ્રોજેક્ટનુ ખાતમુર્હૂત કરનાર છે.
