વડાપ્રધાન નરેન્દ્ર મોદી બે દિવસના સત્તાવાર પ્રવાસે મલેશિયા પહોંચ્યા, જ્યાં કુઆલાલંપુર એરપોર્ટ પર તેમના મલેશિયન સમકક્ષ વડાપ્રધાન અનવર ઇબ્રાહિમે વ્યક્તિગત રીતે તેમનું હાર્દિક સ્વાગત કર્યું. બંને નેતાઓ વચ્ચેના ઉષ્માભર્યા સંબંધોને દર્શાવતા આ સ્વાગતના ફોટોગ્રાફ્સ વડાપ્રધાન મોદીએ સોશિયલ મીડિયા પ્લેટફોર્મ X પર શેર કર્યા હતા. પોતાના સંદેશમાં મોદીએ જણાવ્યું કે તેઓ કુઆલાલંપુર પહોંચીને આનંદિત છે અને એરપોર્ટ પર મિત્ર અનવર ઇબ્રાહિમ દ્વારા મળેલા સન્માન માટે તેઓ આભારી છે.
Celebrating the India-Malaysia people-to-people connect!
PM Anwar Ibrahim and I are heading to the community programme in Kuala Lumpur.@anwaribrahim pic.twitter.com/wkMCYuatB6
— Narendra Modi (@narendramodi) February 7, 2026
આ પ્રવાસ દરમિયાન દ્વિપક્ષીય સંબંધોને વધુ મજબૂત બનાવવાના હેતુથી વેપાર, રોકાણ, ટેક્નોલોજી, સુરક્ષા અને સાંસ્કૃતિક સહકાર જેવા અનેક મુદ્દાઓ પર ચર્ચા થવાની શક્યતા છે. ભારત અને મલેશિયા વચ્ચેના આર્થિક તથા વ્યૂહાત્મક સંબંધોને નવી દિશા આપવા માટે આ મુલાકાત મહત્વપૂર્ણ માનવામાં આવી રહી છે.
મલેશિયામાં ભારતીય સમુદાયને સંબોધિત કરતાં વડાપ્રધાન મોદીએ જણાવ્યું કે 2026નું તેમનું આ પ્રથમ વિદેશ પ્રવાસ છે અને મલેશિયા આવવાનું આપેલું વચન તેમણે પૂર્ણ કર્યું છે. તેમણે ઉમેર્યું કે મલેશિયામાં ભારત માટે વિશેષ પ્રેમ અને સન્માન જોવા મળે છે અને અહીં મળેલું ઉષ્માભર્યું સ્વાગત ભારત હંમેશા યાદ રાખશે. મોદીએ વિશ્વાસ વ્યક્ત કર્યો કે આ મુલાકાત ભારત-મલેશિયા સંબંધોને વધુ મજબૂત બનાવશે અને બંને દેશો વચ્ચે સહકારના નવા દ્વાર ખુલશે.
Grateful for the warmth of the Indian diaspora in Kuala Lumpur. Our diaspora continues to serve as a strong bridge between India and Malaysia. Addressing a community programme.
https://t.co/U5FVR1YIV6— Narendra Modi (@narendramodi) February 7, 2026
નિષ્ણાતોના મતે આ પ્રવાસ ઇન્ડો-પેસિફિક ક્ષેત્રમાં ભારતની કૂટનીતિક સક્રિયતાને વધુ મજબૂત બનાવશે અને વેપાર તેમજ વ્યૂહાત્મક ભાગીદારી માટે નવા અવસર ઊભા કરશે. બંને દેશો વચ્ચે વેપાર વૃદ્ધિ, ડિજિટલ અર્થતંત્ર, ગ્રીન એનર્જી અને કનેક્ટિવિટી ક્ષેત્રોમાં સહકાર વધવાની સંભાવના વ્યક્ત કરવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
