વડાપ્રધાન નરેન્દ્ર મોદીએ નવી દિલ્હીના યશોભૂમિ ખાતે ‘Semicon India 2026’નું ઉદ્ઘાટન કર્યું. 17થી 19 સપ્ટેમ્બર, 2026 દરમિયાન યોજાનારી આ ત્રણ દિવસીય પરિષદ અને પ્રદર્શનની થીમ ‘Silicon to Systems: Building the Ecosystem’ રાખવામાં આવી છે. સેમિકન્ડક્ટર અને ઇલેક્ટ્રોનિક્સ ક્ષેત્રે ભારતને વૈશ્વિક હબ બનાવવાના પ્રયાસોની વચ્ચે આ આયોજનને મહત્ત્વપૂર્ણ માનવામાં આવી રહ્યું છે.
સેમિકોનઈન્ડિયા 2026માં સેમિકન્ડક્ટર અને ઇલેક્ટ્રોનિક્સ વેલ્યુ ચેઇન સાથે જોડાયેલી ભારતીય તેમજ વૈશ્વિક કંપનીઓ, નીતિ-નિર્ધારકો, રોકાણકારો, સંશોધકો, સ્ટાર્ટઅપ્સ, શૈક્ષણિક સંસ્થાઓ અને વિદ્યાર્થીઓ એક જ મંચ પર આવ્યા છે. કાર્યક્રમમાં ભારત સહિત 52 દેશોની કંપનીઓ ભાગ લઈ રહી હોવાનું જણાવવામાં આવ્યું છે.
સેમિકોનઈન્ડિયા 2026માં PM મોદીએ ભારતની આર્થિક તાકાતનો કર્યો ઉલ્લેખ
સેમિકોનઈન્ડિયા 2026ને સંબોધતાં વડાપ્રધાન નરેન્દ્ર મોદીએ ભારતની આર્થિક પ્રગતિ અને વૈશ્વિક સ્તરે વધી રહેલી વિશ્વસનીયતાનો ઉલ્લેખ કર્યો. તેમણે તાજેતરના ત્રિમાસિક GDPના આંકડાનો ઉલ્લેખ કરતાં કહ્યું કે પડકારજનક વૈશ્વિક પરિસ્થિતિ વચ્ચે પણ ભારતે 7.8 ટકા વૃદ્ધિ દર નોંધાવીને પોતાની આર્થિક ક્ષમતા દર્શાવી છે.
વડાપ્રધાને પોતાના સંબોધનમાં ટેકનોલોજી, ઈન્ફ્રાસ્ટ્રક્ચર, ફિનટેક અને સેમિકન્ડક્ટર જેવા ક્ષેત્રોમાં ભારત ઝડપથી આગળ વધી રહ્યું હોવાનું જણાવ્યું.
#WATCH | Delhi | SEMICON India 2026 | Prime Minister Narendra Modi says, "In this very month of September, exactly 10 days ago, the Global FinTech Fest took place in Mumbai. In it, discussions were held on inclusive finance through Agentic AI, tokenisation, and quantum… pic.twitter.com/1S8ftcNRDr
— ANI (@ANI) September 17, 2026
BRICS Summitમાં જોવા મળ્યો ભારત પ્રત્યેનો ભરોસો: PM Modi
વડાપ્રધાન મોદીએ BRICS સમિટનો ઉલ્લેખ કરતાં કહ્યું કે ભારતે તેનું સફળ આયોજન કર્યું અને સભ્ય દેશોના સહયોગથી ‘નવી દિલ્હી ઘોષણાપત્ર’નો સ્વીકાર ભારતની વૈશ્વિક વિશ્વસનીયતાનો વધુ એક પુરાવો છે.
તેમણે જણાવ્યું કે આવી મહત્ત્વપૂર્ણ વૈશ્વિક સિદ્ધિઓ વચ્ચે સેમિકોનઈન્ડિયાનું આયોજન થવું ભારતની ટેકનોલોજીકલ અને ઔદ્યોગિક યાત્રામાં વધુ એક મહત્ત્વપૂર્ણ સીમાચિહ્ન છે.
Global FinTech Festથી Agentic AI સુધીનો ઉલ્લેખ
PM મોદીએ જણાવ્યું કે સપ્ટેમ્બર મહિનામાં જ મુંબઈમાં ‘Global FinTech Fest’નું આયોજન કરવામાં આવ્યું હતું. આ કાર્યક્રમમાં Agentic AI, Tokenisation અને Quantum Technology જેવી નવી ટેકનોલોજીના ઉપયોગથી સર્વસમાવેશી નાણાકીય વ્યવસ્થાને કેવી રીતે વધુ મજબૂત બનાવી શકાય તે અંગે ચર્ચા કરવામાં આવી હતી.
આ ઉલ્લેખ દ્વારા વડાપ્રધાને ભારત માત્ર પરંપરાગત ઉદ્યોગોમાં જ નહીં પરંતુ AI, ક્વોન્ટમ ટેકનોલોજી અને ડિજિટલ ફાઇનાન્સ જેવા ભવિષ્યના ક્ષેત્રોમાં પણ ઝડપથી પોતાની ક્ષમતા વધારી રહ્યું હોવાનો સંદેશ આપ્યો.
#WATCH | Delhi | SEMICON India 2026 | Prime Minister Narendra Modi says, "India successfully concluded the BRICS Summit. The adoption of the New Delhi Declaration with everyone's support is one more piece of evidence of India's global credibility. And SEMICON India being held… pic.twitter.com/TArKI3gu8A
— ANI (@ANI) September 17, 2026
Dedicated Freight Corridorનો લગભગ 3,000 કિમીનો હિસ્સો કાર્યરત
વડાપ્રધાન મોદીએ દેશના ઈન્ફ્રાસ્ટ્રક્ચર વિકાસની ચર્ચા કરતાં Dedicated Freight Corridorનો પણ ઉલ્લેખ કર્યો. તેમણે જણાવ્યું કે આ જ સમયગાળા દરમિયાન દેશમાં લગભગ 3,000 કિલોમીટરનો Dedicated Freight Corridor સંપૂર્ણપણે કાર્યરત થયો છે.
ફ્રેટ કોરિડોર જેવી ઈન્ફ્રાસ્ટ્રક્ચર યોજનાઓ ઉત્પાદન અને લોજિસ્ટિક્સ ક્ષેત્ર માટે મહત્ત્વપૂર્ણ માનવામાં આવે છે. સેમિકન્ડક્ટર અને ઇલેક્ટ્રોનિક્સ મેન્યુફેક્ચરિંગ જેવા ક્ષેત્રોના વિસ્તરણ માટે મજબૂત સપ્લાય ચેઇન અને લોજિસ્ટિક્સ નેટવર્ક પણ જરૂરી છે.
#WATCH | Delhi | SEMICON India 2026 | Prime Minister Narendra Modi says, "In this very month of September, exactly 10 days ago, the Global FinTech Fest took place in Mumbai. In it, discussions were held on inclusive finance through Agentic AI, tokenisation, and quantum… pic.twitter.com/1S8ftcNRDr
— ANI (@ANI) September 17, 2026
Semiconductor Mission 2.0 માટે $13.5 બિલિયનનું લક્ષ્ય
સેમિકોનઈન્ડિયા 2026માં વડાપ્રધાન મોદીએ ભારતના સેમિકન્ડક્ટર મિશનના બીજા તબક્કા અંગે પણ મોટી જાહેરાત કરી. તેમણે જણાવ્યું કે સેમિકન્ડક્ટર મિશનના પ્રથમ તબક્કાનું મૂલ્ય આશરે 8 બિલિયન ડોલર હતું, જ્યારે બીજા તબક્કા માટે 13.5 બિલિયન ડોલરનું લક્ષ્ય રાખવામાં આવ્યું છે.
આગામી તબક્કામાં સેમિકન્ડક્ટર ઉત્પાદનની સાથે ડિઝાઇન, પેકેજિંગ, સપ્લાય ચેઇન, રિસર્ચ, સ્ટાર્ટઅપ અને સમગ્ર ઇલેક્ટ્રોનિક્સ ઇકોસિસ્ટમને વધુ મજબૂત બનાવવાનો પ્રયાસ કરવામાં આવશે.
#WATCH | Delhi | SEMICON India 2026 | Prime Minister Narendra Modi says, "… From the manufacturing of various compound semiconductors to integrating silicon photonics into the ecosystem—all of this is essential for AI-enabling infrastructure, and we must move forward together… https://t.co/cm3AJW0oDv pic.twitter.com/G6Pe18bVvp
— ANI (@ANI) September 17, 2026
આંતરરાષ્ટ્રીય કંપનીઓ અને ભારતીય સ્ટાર્ટઅપ્સ વચ્ચે સહયોગને પ્રોત્સાહન
PM મોદીએ જણાવ્યું કે સરકાર ‘Reform Express’ પર આગળ વધતાં સેમિકન્ડક્ટર ક્ષેત્રમાં વધુ સુધારા કરી રહી છે. નવા માળખા હેઠળ આંતરરાષ્ટ્રીય કંપનીઓ માટે ભારતીય સ્ટાર્ટઅપ્સ, સ્થાનિક ડિઝાઇન કંપનીઓ અને પાત્ર સંસ્થાઓ સાથે સહયોગની તકો વધારવામાં આવી રહી છે.
આ પ્રકારના સહયોગથી ભારતીય સ્ટાર્ટઅપ્સને વૈશ્વિક ટેકનોલોજી અને રોકાણ સાથે જોડાવાની તક મળવાની સાથે સ્થાનિક સેમિકન્ડક્ટર ઇકોસિસ્ટમને પણ વેગ મળવાની અપેક્ષા છે.
‘પ્રોજેક્ટ્સની સફળતા માટે સરકાર જરૂરી પગલાં લેશે’
વડાપ્રધાન મોદીએ સેમિકન્ડક્ટર ઉદ્યોગ સાથે જોડાયેલી કંપનીઓ અને રોકાણકારોને સરકારના સહયોગનો વિશ્વાસ અપાવ્યો. તેમણે કહ્યું કે નીતિ, ફંડિંગ હોય કે નિયમનકારી માળખું—ભારત સરકાર પ્રોજેક્ટ્સની સફળતા માટે જરૂરી પગલાં લેવા પ્રતિબદ્ધ છે.
સરકારનો હેતુ સેમિકન્ડક્ટર કંપનીઓ માટે ભારતમાં રોકાણ, ઉત્પાદન અને સંશોધન માટે અનુકૂળ ઇકોસિસ્ટમ ઊભું કરવાનો છે. વૈશ્વિક કંપનીઓ સાથે સ્થાનિક કંપનીઓ અને સ્ટાર્ટઅપ્સના જોડાણ દ્વારા ભારત સમગ્ર સેમિકન્ડક્ટર વેલ્યુ ચેઇનમાં પોતાની હાજરી મજબૂત કરવા માગે છે.
#WATCH | Delhi | SEMICON India 2026 | Prime Minister Narendra Modi says, "Our government has set a target to train 1 lakh engineering students for the semiconductor industry, and we have already trained over 70,000 of them… I call upon the youth—whether they are conducting… pic.twitter.com/Iy1gWrjRTR
— ANI (@ANI) September 17, 2026
52 દેશોની ભાગીદારીથી સેમિકોનઈન્ડિયા 2026 બન્યું વૈશ્વિક પ્લેટફોર્મ
52 દેશોની કંપનીઓની ભાગીદારીને કારણે સેમિકોનઈન્ડિયા 2026 માત્ર ભારતીય ઉદ્યોગ માટેનું પ્રદર્શન નહીં પરંતુ વૈશ્વિક સેમિકન્ડક્ટર ઉદ્યોગ માટે એક મહત્ત્વપૂર્ણ પ્લેટફોર્મ તરીકે સામે આવ્યું છે.
ત્રણ દિવસ દરમિયાન સેમિકન્ડક્ટર મેન્યુફેક્ચરિંગ, ચિપ ડિઝાઇન, ઇલેક્ટ્રોનિક્સ, સપ્લાય ચેઇન, AI, રિસર્ચ અને ડેવલપમેન્ટ, રોકાણ તથા વૈશ્વિક ભાગીદારી જેવા મુદ્દાઓ ચર્ચાના કેન્દ્રમાં રહેશે.
#WATCH | Delhi | SEMICON India 2026 | Prime Minister Narendra Modi says, "The semiconductor industry is facing numerous challenges. Amidst these challenges, the world is in dire need of new and reliable manufacturing hubs—and I say this with full responsibility. I assure you that… pic.twitter.com/CzsPDrnisL
— ANI (@ANI) September 17, 2026
‘Silicon to Systems’ દ્વારા સંપૂર્ણ ઇકોસિસ્ટમ પર ભારતનું ફોકસ
સેમિકોનઈન્ડિયા 2026ની ‘Silicon to Systems: Building the Ecosystem’ થીમ ભારતની સેમિકન્ડક્ટર નીતિના વ્યાપક અભિગમને રજૂ કરે છે. તેનો હેતુ માત્ર ચિપ ઉત્પાદન સુધી મર્યાદિત રહેવાને બદલે ડિઝાઇનથી લઈને ઉત્પાદન અને અંતિમ ઇલેક્ટ્રોનિક સિસ્ટમ સુધીની સંપૂર્ણ વેલ્યુ ચેઇનને દેશમાં મજબૂત કરવાનો છે.
સેમિકન્ડક્ટર મિશનના બીજા તબક્કા માટે નક્કી કરવામાં આવેલું $13.5 બિલિયનનું લક્ષ્ય અને વૈશ્વિક કંપનીઓ સાથે સહયોગ વધારવાના પ્રયાસો ભારતની સેમિકન્ડક્ટર ક્ષેત્રે લાંબા ગાળાની મહત્ત્વાકાંક્ષાને દર્શાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
