Skip to content
સોમવાર, નવેમ્બર 23, 2026 Ahmedabad 24°C

રાજકોટ સાયબર ફ્રોડ કેસમાં મોટો ખુલાસો: યસ બેન્કના 3 અધિકારીઓની ધરપકડ, 2500 કરોડના ટ્રાન્ઝેક્શન તપાસ હેઠળ

રાજકોટ સાયબર ફ્રોડ કેસમાં મોટો ખુલાસો: યસ બેન્કના 3 અધિકારીઓની ધરપકડ, 2500 કરોડના ટ્રાન્ઝેક્શન તપાસ હેઠળ

રાજકોટ જિલ્લા સાયબર ક્રાઈમ પોલીસે દેશવ્યાપી કરોડો રૂપિયાના સાયબર ફ્રોડ કેસમાં મોટી કાર્યવાહી કરી છે. આ કેસમાં Yes Bank સાથે સંકળાયેલા ત્રણ અધિકારીઓની ધરપકડ કરવામાં આવી છે. આરોપીઓમાં મૌલિક રામજી કમાણી (કાલાવડ તાલુકા), કલ્પેશ વિઠ્ઠલભાઈ ડાંગરીયા (જામનગર) અને અનુરાગ ચંદુભાઈ બાલધાનો સમાવેશ થાય છે.

આ ત્રણેયમાંથી મૌલિક હાલમાં યસ બેન્કમાં કાર્યરત છે, જ્યારે બાકીના બે આરોપીઓ અન્ય બેન્કોમાં નોકરી કરે છે. પોલીસ દ્વારા તેમને કોર્ટમાં રજૂ કરી 2 દિવસના રિમાન્ડ મેળવવામાં આવ્યા છે.

આ સાયબર ફ્રોડ કેસની શરૂઆત પડધરી પોલીસ મથકમાં નોંધાયેલા ગુનાથી થઈ હતી, જેને બાદમાં રાજકોટ સાયબર ક્રાઈમ પોલીસને સોંપવામાં આવ્યો હતો. તપાસ દરમિયાન શરૂઆતમાં 1500 કરોડ રૂપિયાના ટ્રાન્ઝેક્શન સામે આવ્યા હતા, જેમાંથી અંદાજે 23 કરોડ સાયબર ફ્રોડના હોવાનું સામે આવ્યું હતું.

હાલની તપાસમાં આ આંકડો વધીને 2500 કરોડ સુધી પહોંચી ગયો છે. આ રકમ કુલ 85 બેન્ક ખાતાઓમાં ટ્રાન્સફર કરવામાં આવી હતી, જેમાંથી 74 કરોડથી વધુ રકમ સાયબર ફ્રોડ સાથે સંબંધિત હોવાનું જાણવા મળ્યું છે. આ મામલે દેશભરમાંથી કુલ 535 ફરિયાદો નોંધાઈ છે.

સાયબર ક્રાઈમ પોલીસ દ્વારા અત્યાર સુધીમાં કુલ 17 આરોપીઓની ધરપકડ કરવામાં આવી છે. સાથે જ આ કેસમાં વધુ તપાસ માટે ચાર્ટર્ડ એકાઉન્ટન્ટની નિમણૂક કરવામાં આવી છે, જે 35 જેટલી પેઢીઓ અને 85 બેન્ક એકાઉન્ટની વિગતવાર તપાસ કરી રહ્યા છે.

પોલીસ સૂત્રોના જણાવ્યા મુજબ, આ કૌભાંડનો આંક આગળ વધવાની શક્યતા છે અને આગામી દિવસોમાં વધુ મોટા ખુલાસાઓ થઈ શકે છે.

અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો

Like, Share and Subscribe our YouTube channel

🔗 https://www.youtube.com/@oneindianewscom

🔗 https://www.youtube.com/@oneindianewscom-Gujarat

Filed under Rajkot Gujarat

Share this story

Latest News

View all
All latest news

Explore Districts

News from every corner of Gujarat.