અમેરિકા અને ઈરાન વચ્ચે વધતા જીઓપોલિટિકલ તણાવ વચ્ચે અમેરિકાના વિદેશ વિભાગે ઈરાનમાં રહેતા પોતાના તમામ નાગરિકોને તાત્કાલિક દેશ છોડવાની સલાહ આપતી એડવાઈઝરી જાહેર કરી છે. છેલ્લા કેટલાક સમયથી બંને દેશો વચ્ચે રાજકીય અને સુરક્ષા મુદ્દાઓને લઈને તણાવ વધતો રહ્યો છે, જેમાં અમેરિકા તરફથી ઈરાનને વારંવાર ચેતવણી આપવામાં આવી રહી હતી. હવે તાજી એડવાઈઝરી બાદ વૈશ્વિક સ્તરે ચિંતા વધી છે.
ઈરાનમાં ગયા વર્ષના અંતમાં શરૂ થયેલા સત્તા વિરોધી આંદોલનો બાદ પરિસ્થિતિ વધુ તંગ બની ગઈ છે. ઈરાન સરકારે આંદોલનો પાછળ વિદેશી શક્તિઓનો હાથ હોવાનું જણાવ્યું છે અને ઘણા પ્રદર્શનકારીઓને આતંકવાદી ગણાવ્યા છે. બીજી તરફ અમેરિકાએ ચેતવણી આપી છે કે જો આંદોલનકારીઓ સામે હિંસક કાર્યવાહી કરવામાં આવશે તો તે ઈરાન સામે કડક પગલાં લઈ શકે છે. આ નિવેદનો બાદ બંને દેશો વચ્ચે વાકયુદ્ધ વધુ તીવ્ર બન્યું છે.
अमेरिका ने ईरान में मौजूद सभी अमेरिकी नागरिकों को तुरंत देश छोड़ने की चेतावनी जारी की है।
यूएस वर्चुअल एम्बेसी ने सुरक्षा अलर्ट में कहा कि आतंकवाद, अशांति, अपहरण और मनमानी हिरासत के खतरे के कारण ईरान न जाएं और अगर वहां हैं तो अब ही निकलें।
इंटरनेट ब्लैकआउट,… pic.twitter.com/yBv8yR1WZW
— One India News (@oneindianewscom) February 6, 2026
આંતરરાષ્ટ્રીય મીડિયા રિપોર્ટ્સ અનુસાર, ઈરાન સરકારે સુરક્ષા વધારવા માટે કેટલાક મુખ્ય રસ્તાઓ બંધ કર્યા છે અને હવાઈ મુસાફરી પર પણ મર્યાદા લાદી છે. અનેક આંતરરાષ્ટ્રીય એરલાઈન્સે ઈરાન તરફની ફ્લાઈટ્સ રદ કરી છે. ઈન્ટરનેટ અને મોબાઈલ નેટવર્કમાં અવરોધ ઉભા થવાના અહેવાલો પણ સામે આવ્યા છે, જેના કારણે પરિસ્થિતિ વધુ ગંભીર બની રહી છે.
અમેરિકાએ પોતાના નાગરિકોને સ્પષ્ટ સૂચના આપી છે કે તેઓ અમેરિકન સરકારના સહાય પર નિર્ભર ન રહે અને શક્ય તેટલી ઝડપથી હવાઈ, દરિયાઈ અથવા સડક માર્ગ દ્વારા ઈરાન છોડે. જરૂર પડે તો આર્મેનિયા અથવા તુર્કીયે જેવા પડોશી દેશોમાં પહોંચવાની સલાહ આપવામાં આવી છે. જો ઈરાન છોડવું શક્ય ન હોય તો ખોરાક અને પાણીનો જથ્થો તૈયાર રાખીને સુરક્ષિત સ્થળે રહેવા, ફોન ચાર્જ રાખવા અને પરિવાર સાથે સંપર્ક જાળવવા સૂચન કરવામાં આવ્યું છે.
નોંધનીય છે કે શુક્રવારે અમેરિકા અને ઈરાન વચ્ચે પરમાણુ મુદ્દે ઓમાનમાં મહત્વપૂર્ણ બેઠક યોજાવાની છે, જેમાં ટ્રમ્પના વિશેષ દૂત સ્ટીવ વિટકોફ ભાગ લેશે. આ બેઠક પહેલાં જ સુરક્ષા તણાવ વધતા વૈશ્વિક રાજકીય પરિસ્થિતિ પર સૌની નજર છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
