Skip to content
સોમવાર, નવેમ્બર 23, 2026

ભાજપ કાર્યલય ‘નાવલી’ ખાતે પત્રકાર પરિષદ યોજાઈ

ભાજપ કાર્યલય ‘નાવલી’ ખાતે પત્રકાર પરિષદ યોજાઈ

દેશના નાણા મંત્રી નિર્મલા સીતારમન દ્વારા તાજેતરમાં રજૂ કરવામાં આવેલ કેન્દ્રીય બજેટ ૨૦૨૬ના મુખ્ય અંશો અને જનહિતલક્ષી નિર્ણયોને પ્રજા સુધી પહોંચાડવા માટે ભારતીય જનતા પાર્ટી દ્વારા વિશેષ અભિયાન હાથ ધરવામાં આવ્યું છે. જે અંતર્ગત આજે આણંદના નાવલી સ્થિત ભાજપ કાર્યાલય ખાતે જિલ્લા ભાજપ પ્રમુખ સંજય પટેલ અને બજેટ પ્રચાર-પ્રસારના જિલ્લા ઇન્ચાર્જ લાલસિંહજી વડોદીયાની અધ્યક્ષતામાં એક મહત્વપૂર્ણ પત્રકાર પરિષદ યોજાઈ હતી.

પત્રકાર પરિષદમાં સંજય પટેલે મીડિયાને સંબોધતા જણાવ્યું હતું કે, આ બજેટ વિકસિત ભારતની સંકલ્પનાને સાકાર કરનારું અને દરેક વર્ગને સ્પર્શતું બજેટ છે. તેમણે બજેટના મુખ્ય ૧૪ મુદ્દાઓ પર વિશેષ ભાર મૂકતા વિગતવાર માહિતી આપી હતી:

નવી ટેકનોલોજી અને ક્રિએટર્સ: ડેટા ક્લાઉડ સાથે જોડાયેલા વ્યવસાયોને પ્રોત્સાહન અને કન્ટેન્ટ ક્રિએટર્સ માટે લેવાયેલા નિર્ણયો ડિજિટલ ઇન્ડિયાને નવી ઊંચાઈએ લઈ જશે.

MSME અને ટેક્સટાઇલ: લઘુ ઉદ્યોગો (MSME) ના વિકાસ અને ટેક્સટાઇલ મેગા પાર્કની જાહેરાતથી રોજગારીની નવી તકો ઊભી થશે.

ટુરિઝમ ક્ષેત્રે ક્રાંતિ: પ્રવાસન ક્ષેત્રને વેગ આપવા દેશમાં ૧૫,૦૦૦ પ્રોફેશનલ ટૂરિસ્ટ ગાઈડ તૈયાર કરવા માટે વિશેષ તાલીમની જોગવાઈ કરવામાં આવી છે.

મધ્યમ વર્ગને રાહત: વિદેશ મુસાફરી પરના TCSમાં ઘટાડો અને વિદેશમાં ૨૦ લાખ સુધીના રોકાણ પર હવે દંડ વસૂલવામાં નહીં આવે, જે રોકાણકારો માટે મોટી રાહત છે.

શિક્ષણ અને સુરક્ષા: દેશના તમામ જિલ્લા મથકો પર કન્યા છાત્રાલય બનાવવાનો નિર્ણય દીકરીઓના શિક્ષણ અને સુરક્ષા માટે માઈલસ્ટોન સાબિત થશે.

આરોગ્ય અને બાયો-ફાર્મા: બાયો-ફાર્મા ક્ષેત્રે વિશેષ જોગવાઈ અને જરૂરી દવાઓ સસ્તી થવાથી સામાન્ય જનતાના સ્વાસ્થ્ય ખર્ચમાં ઘટાડો થશે.

ઇન્ફ્રાસ્ટ્રક્ચર અને ટ્રાન્સપોર્ટ: હાઈસ્પીડ રેલ કોરિડોરની કામગીરીમાં ગતિ અને વાહન અકસ્માતમાં TDS અંગેના નિયમોમાં સ્પષ્ટતા કરવામાં આવી છે.

શહેરી વિકાસ: ટીયર-૨ અને ટીયર-૩ શહેરોમાં કોર્પોરેટ ડેવલપમેન્ટ માટે વિશેષ માર્ગદર્શન અને પ્રોત્સાહન આપવામાં આવશે, જેથી નાના શહેરોનો વિકાસ પણ મહાનગરોની જેમ થાય.

NRI રોકાણ: NRI દ્વારા લિસ્ટેડ કંપનીઓની ઇક્વિટીમાં રોકાણની મર્યાદા વધારવામાં આવતા વિદેશી હુંડિયામણમાં વધારો થશે.

આ પ્રસંગે લાલસિંહજી વડોદીયાએ જણાવ્યું હતું કે ભાજપ સરકાર હંમેશા છેવાડાના માનવી સુધી સુવિધાઓ પહોંચાડવા કટિબદ્ધ છે અને આ બજેટ તેના પુરાવા સમાન છે.

આ પત્રકાર પરિષદમાં જિલ્લા ભાજપના હોદ્દેદારો અને મોટી સંખ્યામાં મીડિયા મિત્રો ઉપસ્થિત રહ્યા હતા.

 

ભાવેશ સોની (આણંદ)

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Anand Gujarat

Share this story

Latest News

View all
All latest news

Explore Districts

News from every corner of Gujarat.