તાજેતરમાં સોશિયલ મીડિયા અને કેટલાક મીડિયા પ્લેટફોર્મ્સ પર એવી અફવાઓ ઝડપથી ફેલાઈ રહી હતી કે કેન્દ્ર સરકાર વિદેશ પ્રવાસ કરનારા નાગરિકો પર નવો ટેક્સ અથવા વધારાનો ચાર્જ લગાવવાની તૈયારીમાં છે. આ સમાચાર સામે આવતા જ લોકોમાં ચિંતા અને ગેરસમજનો માહોલ સર્જાયો હતો. જોકે હવે વડા પ્રધાન નરેન્દ્ર મોદીએ ખુદ આ અફવાઓને સંપૂર્ણપણે ખોટી ગણાવીને સ્પષ્ટતા કરી છે.
વડા પ્રધાને સોશિયલ મીડિયા પ્લેટફોર્મ X પર પોસ્ટ કરીને જણાવ્યું હતું કે આ પ્રકારના કોઈપણ ટેક્સ અથવા પ્રતિબંધ લગાવવાનો સરકારનો કોઈ ઇરાદો નથી. તેમના નિવેદન બાદ આ મુદ્દે ચાલી રહેલી તમામ અટકળો પર પૂર્ણવિરામ લાગી ગયો છે.
This is totally false.
Not an iota of truth in this.
There is no question of putting such restrictions on foreign travel.
We remain committed to improving ‘Ease of Doing Business’ and ‘Ease of Living’ for our people. https://t.co/9lxjbxz0nV
— Narendra Modi (@narendramodi) May 15, 2026
અફવાઓ કેવી રીતે શરૂ થઈ?
આ સમગ્ર વિવાદની શરૂઆત એક અગ્રણી બિઝનેસ ન્યૂઝ ચેનલ CNBCના રિપોર્ટથી થઈ હતી. તેમાં દાવો કરવામાં આવ્યો હતો કે વૈશ્વિક પરિસ્થિતિઓ, ખાસ કરીને યુદ્ધ અને ક્રૂડ ઓઈલના વધતા ભાવોને ધ્યાનમાં રાખીને સરકાર વિદેશ પ્રવાસ પર વધારાનો ટેક્સ લગાવવાની વિચારણા કરી રહી છે.
આ રિપોર્ટ સોશિયલ મીડિયા પર ઝડપથી વાયરલ થયો અને લોકોમાં આર્થિક બોજ વધવાની ચિંતા ફેલાઈ.
PM મોદીની સ્પષ્ટતા
વડા પ્રધાન નરેન્દ્ર મોદીએ તરત જ આ મુદ્દે હસ્તક્ષેપ કરીને અફવાઓને ખંડન કર્યું. તેમણે સ્પષ્ટ શબ્દોમાં કહ્યું કે:
“આ વાત સંપૂર્ણપણે અસત્ય છે. આ સમાચારોમાં રતીભર પણ સત્ય નથી. વિદેશ પ્રવાસ પર કોઈપણ નવો કર લાદવાનો પ્રશ્ન જ ઊભો થતો નથી.”
તેમણે નાગરિકોને વિશ્વાસ અપાવ્યો કે સરકાર સામાન્ય લોકો પર બિનજરૂરી આર્થિક બોજ નાખવાની વિરુદ્ધ છે.
સરકારની નીતિ પર ભાર
PM મોદીએ વધુમાં જણાવ્યું કે સરકાર દેશના નાગરિકો માટે ‘Ease of Living’ અને વેપાર માટે ‘Ease of Doing Business’ વધારવા માટે પ્રતિબદ્ધ છે.
સરકારની પ્રાથમિકતા લોકોના જીવનને સરળ બનાવવાની છે, ન કે તેમના પર વધારાનો ટેક્સ લાદવાની.
CNBCનો યુ-ટર્ન
PM મોદીના નિવેદન બાદ CNBCએ પોતાના ભ્રામક રિપોર્ટને તમામ ડિજિટલ પ્લેટફોર્મ્સ પરથી હટાવી દીધો હતો. આ પગલાથી સ્પષ્ટ થયું કે પહેલાનો અહેવાલ આધારહીન હતો અને તેનાથી ગેરસમજ ફેલાઈ હતી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
