બોલીવૂડ એક્ટ્રેસ સારા અલી ખાન હાલ તેની આગામી ફિલ્મ ‘જરા હટકે જરા બચકે’ને લઈને ચર્ચામાં છે. આ ફિલ્મમાં સારા અને વિકી કૌશલ સાથે દેખાશે. ફિલ્મની રિલીઝ પહેલા સારા અલી ખાને ઉજ્જૈનમાં મહાકાલના દર્શન કર્યા અને ભસ્મ આરતીમાં પણ ભાગ લીધો હતો. સારા મહાકાલની ભક્ત છે અને જયારે પણ સમય મળે છે તે ભોલેનાથના દર્શન કરવા ઉજ્જૈન પહોંચી જાય છે. સારાનો મહાકાલ પ્રત્યે ભક્તિ દર્શાવતો એક વીડિયો સોશિયલ મીડિયા પર સામે આવ્યો છે.
અભિનેત્રી સારા અલી ખાન મહાકાલ મંદિરમાં ભસ્મ આરતીમાં ભાગ લઇ પ્રાર્થના કરી રહી છે. સારા અલી ખાન ભક્તિમાં મગ્ન થઇ મહાકાલ બાબાની પૂજા કરી રહી છે. સારાનો આ વીડિયો સોશ્યલ મીડિયા પર ઝડપથી વાયરલ થઈ રહ્યો છે.
#WATCH | Actress Sara Ali Khan offers prayers at Ujjain’s Mahakal temple in Madhya Pradesh pic.twitter.com/qdBYLZlYUK
— ANI MP/CG/Rajasthan (@ANI_MP_CG_RJ) May 31, 2023
સારા અલી ખાન હાલમાં જ ફિલ્મ ‘ગેસલાઈટ’માં જોવા મળી હતી. સારા હાલમાં વિકી કૌશલની જરા હટકે ઝરા બચકેમાં વ્યસ્ત છે, જે 2 જૂનના રોજ રિલીઝ થશે. સારાની આગામી ફિલ્મ ‘એ મેરે વતન કે લોગોં’ OTT પ્લેટફોર્મ પર રિલીઝ થશે. આ સિવાય સારા ‘મેટ્રો ઇન દિનો’ અને ‘મર્ડર મુબારક’માં પણ દેખાશે.
