ક્રિસમસ તહેવારની ઉજવણીને લઈને રાજસ્થાનના શ્રીગંગાનગર જિલ્લામાં શિક્ષણ વિભાગે મહત્વપૂર્ણ પરિપત્ર જાહેર કર્યો છે. એડિશનલ ડિસ્ટ્રિક્ટ એજ્યુકેશન ઑફિસર (ADEO) દ્વારા 22 ડિસેમ્બરે જારી કરાયેલા આ પરિપત્રમાં તમામ ખાનગી શાળાઓને સ્પષ્ટ સૂચના આપવામાં આવી છે કે વિદ્યાર્થીઓને સાન્ટા ક્લોઝ બનવા અથવા ક્રિસમસ સંબંધિત પ્રવૃત્તિઓમાં ભાગ લેવા માટે કોઈપણ પ્રકારનું દબાણ ન કરવામાં આવે. પરિપત્રમાં જણાવાયું છે કે જો વાલી અને વિદ્યાર્થીની સ્વેચ્છા અને સહમતિ હોય તો આવી પ્રવૃત્તિઓ યોજવામાં શિક્ષણ વિભાગને કોઈ વાંધો નથી, પરંતુ બળજબરી કે માનસિક દબાણની ફરિયાદ મળી આવશે તો શાળા સંચાલન સામે કડક કાર્યવાહી કરવામાં આવશે.
શિક્ષણ વિભાગે સ્પષ્ટ કર્યું છે કે શાળાઓએ તમામ ધર્મો અને સમુદાયોની લાગણીઓનું સન્માન કરવું ફરજિયાત છે અને બાળકો કે વાલીઓ પર તેમની ઇચ્છા વિરુદ્ધ કોઈ સાંસ્કૃતિક કે ધાર્મિક પ્રવૃત્તિ લાદી ન શકાય. આ પરિપત્ર પાછળનું કારણ સમજાવતા ADEOએ જણાવ્યું હતું કે વિભાગને કેટલીક શાળાઓ સામે ફરિયાદો મળી હતી, જેમાં બાળકોને સાન્ટા ક્લોઝ બનવા માટે મજબૂર કરવામાં આવતા હોવાની વાત સામે આવી હતી. આવી સ્થિતિ ફરી ન સર્જાય અને શાળાઓમાં સૌહાર્દપૂર્ણ વાતાવરણ જળવાઈ રહે તે હેતુથી આ આદેશ આપવામાં આવ્યો છે. શિક્ષણ વિભાગે શાળાઓને ચેતવણી પણ આપી છે કે આ સૂચનાઓનું પાલન ન કરનાર સંસ્થાઓ સામે નિયમ મુજબ કાર્યવાહી કરવામાં આવશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
