દક્ષિણપૂર્વ તાઇવાનમાં મંગળવારે (24 ડિસેમ્બર) સાંજે શક્તિશાળી ભૂકંપના આંચકા અનુભવાયા, જેના કારણે લોકોમાં ભય ફેલાયો હતો. સ્થાનિક સમય અનુસાર સાંજે 5:47 વાગ્યે ધરતી ધણધણી ઉઠી હતી અને લોકો ડરીને ઘરોની બહાર દોડી આવ્યા હતા. રિક્ટર સ્કેલ પર ભૂકંપની તીવ્રતા 6.1 નોંધાઈ હતી. આ ભૂકંપની અસર માત્ર તાઇવાન સુધી સીમિત ન રહી, પરંતુ તેના આંચકા ચીન, ફિલિપાઇન્સ અને જાપાનના કેટલાક વિસ્તારોમાં પણ અનુભવાયા હતા. સદનસીબે, અત્યાર સુધી કોઈ જાનહાનિ કે મોટા પ્રમાણમાં માલમત્તાના નુકસાનની માહિતી સામે આવી નથી.
તાઇવાનના કેન્દ્રીય મૌસમ પ્રશાસન (CWA) મુજબ ભૂકંપનું કેન્દ્ર તાઈતુંગ કાઉન્ટી હોલથી આશરે 10.1 કિલોમીટર ઉત્તર તરફ હતું અને તેની ઊંડાઈ લગભગ 11.9 કિલોમીટર નોંધાઈ હતી. તાઇવાનમાં ભૂકંપની તીવ્રતા 1થી 7ના સ્તર પર માપવામાં આવે છે. આ ભૂકંપ દરમિયાન તાઈતુંગ કાઉન્ટીમાં તીવ્રતા સ્તર 5 નોંધાયું હતું, જ્યારે હુઆલિયન અને પિંગતુંગ કાઉન્ટીમાં સ્તર 4ના આંચકા અનુભવાયા હતા. આ વિસ્તારોમાં થોડા સમય માટે લોકોમાં દહેશતનો માહોલ સર્જાયો હતો, જોકે સ્થિતિ બાદમાં સામાન્ય બની ગઈ.
A magnitude 5.8 #earthquake struck Taitung County in #Taiwan at 5:47pm on Dec 24, with a depth of 10km, according to the #China Earthquake Networks Center. pic.twitter.com/hqGulFJQGP
— Shanghai Daily (@shanghaidaily) December 24, 2025
ઉલ્લેખનીય છે કે તાઇવાન ભૂકંપ સંવેદનશીલ વિસ્તારમાં આવેલો દેશ છે અને અહીં વારંવાર ભૂકંપ આવે છે. એક વર્ષ અગાઉ 3 એપ્રિલ, 2024ના રોજ હુઆલિયન વિસ્તારમાં 7.4ની તીવ્રતાનો વિનાશકારી ભૂકંપ આવ્યો હતો, જે છેલ્લા 25 વર્ષમાં સૌથી શક્તિશાળી માનવામાં આવ્યો હતો. તે ભૂકંપ દરમિયાન પર્વતીય વિસ્તારોમાં ભારે ભૂસ્ખલન થયું હતું, જેમાં 19 લોકોના મોત થયા હતા અને 1100થી વધુ લોકો ઘાયલ થયા હતા. તાજેતરના 6.1 તીવ્રતાના ભૂકંપમાં કોઈ મોટી નુકસાનની ઘટના ન બનવી તાઇવાન માટે રાહતરૂપ માનવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
