અમેરિકાના કેલિફોર્નિયામાં એક ચોંકાવનારી ગોળીબારની ઘટના સામે આવી છે, જેમાં ઇસ્લામિક સેન્ટર ઑફ સીન ડિએગોની બહાર થયેલા હુમલામાં ત્રણ લોકોનાં મોત થયાં છે. પોલીસ અનુસાર, આ હુમલો બે યુવાન હથિયારધારીઓ દ્વારા કરવામાં આવ્યો હતો, જેમની ઉંમર 17 અને 19 વર્ષ હતી.
ઘટના બાદ બંને હુમલાખોરોએ પોતાને ગોળી મારી આત્મહત્યા કરી લીધી હોવાનું સામે આવ્યું છે. પોલીસે હાલ આ કેસની ‘હેટ ક્રાઇમ’ તરીકે તપાસ શરૂ કરી છે.
અચાનક ગોળીબારથી અફરાતફરી
સ્થાનિક સમય અનુસાર સોમવારે (18 મે) મસ્જિદ કૉમ્પ્લેક્સની બહાર અચાનક ગોળીબાર શરૂ થતા વિસ્તારમાં ભય અને અફરાતફરી ફેલાઈ ગઈ હતી. ગોળીબારમાં સિક્યુરિટી ગાર્ડ સહિત ત્રણ લોકોનાં મોત થયાં હોવાનું જણાવાયું છે.
ઘટના સમયે મસ્જિદમાં વિદ્યાર્થીઓ પણ હાજર હતા, જેમને પોલીસ દ્વારા સુરક્ષિત રીતે બહાર કાઢવામાં આવ્યા હતા.
પોલીસ અને FBIની તપાસ
ઘટનાની જાણ થતાં જ સ્થાનિક પોલીસ તાત્કાલિક સ્થળ પર પહોંચી ગઈ હતી અને સમગ્ર વિસ્તારને સીલ કરી દીધો હતો. તપાસમાં Federal Bureau of Investigation (FBI) પણ જોડાઈ છે.
પોલીસનું કહેવું છે કે આ હુમલો ‘હેટ ક્રાઇમ’ હોઈ શકે છે અને તેના પાછળના કારણો જાણવા માટે વિગતવાર તપાસ ચાલી રહી છે.
હુમલાખોરોના મૃતદેહ કારમાંથી મળ્યા
પોલીસને બાદમાં નજીકના પાર્કિંગ વિસ્તારમાં ઉભેલી એક કારમાંથી બંને હુમલાખોરોના મૃતદેહ મળી આવ્યા હતા. તપાસમાં સામે આવ્યું છે કે એક હુમલાખોર પોતાના માતા-પિતાના ઘરમાંથી બંદૂક લઈને આવ્યો હતો.
તેમજ ઘટનાસ્થળેથી એક સ્યુસાઇડ નોટ પણ મળી આવી છે, જેના આધારે તપાસ આગળ વધારવામાં આવી રહી છે.
મકસદ અંગે તપાસ ચાલુ
હાલ સુધી હુમલાનો ચોક્કસ મકસદ સામે આવ્યો નથી, પરંતુ ધર્મ આધારિત દ્વેષ (hate motive) હોવાની શક્યતા ધ્યાને રાખીને તપાસ કરવામાં આવી રહી છે.
સુરક્ષા એજન્સીઓ દ્વારા તમામ પાસાઓની ગંભીરતાથી તપાસ ચાલી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
