‘ટાઈગર 3’નું ધમાકેદાર ફર્સ્ટ લુક પોસ્ટર આવ્યું સામે, સલમાન-કેટરીનાનો જબરદસ્ત એક્શન અંદાજ

બોલીવૂડના ભાઈજાન સલમાન ખાનના ફેન્સ માટે મોટા સમાચાર આવી રહ્યા છે. આ સમાચાર સલમાન ખાન અને કેટરીના કૈફની મોસ્ટ અવેટેડ ફિલ્મ ટાઈગર-3ને લઈને છે. ‘ટાઇગર-3’ના મેકર્સે સલમાનના ફેન્સને એક મોટી ગિફ્ટ આપી છે. આજે સવારે મેકર્સે ફિલ્મ ‘ટાઈગર-3’નો ફર્સ્ટ પોસ્ટર લોન્ચ કર્યો છે. આ સાથે જ તેમણે ફિલ્મ ક્યારે સિનેમાઘરોમાં રિલીઝ થવાની છે તેની પણ માહિતી આપી દીધી છે.

Aa raha hoon! #Tiger3 on Diwali 2023. Celebrate #Tiger3 with #YRF50 only at a big screen near you. Releasing in Hindi, Tamil and Telugu. #KatrinaKaif | #ManeeshSharma | @yrf pic.twitter.com/3bMBWyPVGm

— Salman Khan (@BeingSalmanKhan) September 2, 2023

સલમાને ‘ટાઈગર 3’નું ફર્સ્ટ લુક પોસ્ટર કર્યું લોન્ચ

સલમાન ખાને પોતાના સોશ્યલ મીડિયા હેંડલ પર ‘ટાઈગર-3’નું ફર્સ્ટ લુક પોસ્ટર લોન્ચ કર્યું અને ફિલ્મની રિલીઝ ડેટ પણ જાહેર કરી હતી. તેણે ટ્વિટ કરતા લખ્યું, ‘આવી રહ્યું છું! ટાઈગર 3 દિવાળી 2023 પર. ટાઇગર 3ને YRF50 સાથે માત્ર પોતાની નજીકના સિનેમાઘરોમાં સેલિબ્રેટ કરજો. ફિલ્મ હિન્દી, તમિલ અને તેલુગુમાં રિલીઝ થઇ રહી છે.’ લોન્ચ કરાયેલા પોસ્ટરમાં સલમાન અને કેટરીના બંદુકો સાથે જબરદસ્ત અવતારમાં જોવા મળી રહ્યા છે. આ પોસ્ટરને જોઇને કહી શકાય છે કે ‘ટાઈગર-3’, ટાઇગર ફ્રેન્ચાઈઝીની મોટી અને શાનદાર ફિલ્મ હશે.

અગાઉ બંને ફિલ્મોએ કરી છે ધૂમ કમાણી

ટાઇગર ફ્રેન્ચાઈઝીની પહેલી ફિલ્મ ‘એક થા ટાઈગર’એ વર્ષ 2012માં બોક્સ ઓફિસ પર ધમાલ મચાવી દીધી હતી. સલમાન અને કેટરીનાની ઓન સ્ક્રીન કેમેસ્ટ્રીએ સિલ્વર સ્ક્રીન પર આગ લગાવી દીધી હતી. ત્યાર પછી સલમાન-કેટરીનાની જોડીએ વર્ષ 2017માં ‘ટાઈગર જિન્દા હૈ’ નામથી આ ફિલ્મના સિકવલ સાથે મોટા પડદા પર કમબેક કર્યું હતું. આ ફિલ્મે પણ બોક્સ ઓફિસ પર કમાણીના ઘણાં રેકોર્ડ તોડ્યા હતા. ટાઇગર-3 YRFના સ્પાઈ યુનિવર્સની પાંચમી ફિલ્મ છે અને 6 વર્ષ પછી સલમાન અને કેટરીના ટાઇગર અને જોયાના રૂપમાં કમબેક કરી રહ્યા છે.