T20 વર્લ્ડ કપ 2026 માટે ક્રિકેટ ચાહકોમાં ઉત્સાહ શિખરે પહોંચ્યો છે અને આ વચ્ચે મેચોની ટિકિટનું વેચાણ પણ શરૂ થઈ ગયું છે. કોલકાતાના ઐતિહાસિક ઈડન ગાર્ડન્સ સ્ટેડિયમનું સંચાલન કરતી ક્રિકેટ એસોસિએશન ઓફ બંગાળ (CAB)એ બુધવાર, 17 ડિસેમ્બરે અહીં યોજાનારી T20 વર્લ્ડ કપ મેચોની ટિકિટની કિંમતો જાહેર કરી છે. ઈડન ગાર્ડન્સમાં ગ્રુપ સ્ટેજથી લઈને નોકઆઉટ મેચો રમાવાની હોવાથી વિવિધ મેચો માટે અલગ-અલગ કેટેગરીમાં ટિકિટના દર નક્કી કરવામાં આવ્યા છે. આ પ્રતિષ્ઠિત ટૂર્નામેન્ટની 10મી સીઝન 7 ફેબ્રુઆરીથી શરૂ થશે અને ખાસ વાત એ છે કે કેટલાક મેચો માટે ચાહકોને માત્ર 100 રૂપિયામાં પણ ટિકિટ ઉપલબ્ધ રહેશે, જોકે આ દરે ભારતની મેચોની ટિકિટ મળવાની નથી.
ક્રિકેટ પ્રેમીઓ માટે આ ટિકિટ પ્રાઇસિંગ જાણે લોટરી સમાન છે. બાંગ્લાદેશ vs ઈટાલી, ઈંગ્લેન્ડ vs ઈટાલી અને વેસ્ટ ઈન્ડિઝ vs ઈટાલી જેવી ગ્રુપ સ્ટેજ મેચો માટે ટિકિટના ભાવ તુલનાત્મક રીતે ઓછા રાખવામાં આવ્યા છે. આ મેચોમાં પ્રીમિયમ હોસ્પિટાલિટી (B પ્રીમિયમ) ટિકિટની કિંમત 4,000 રૂપિયા રાખવામાં આવી છે, જ્યારે લોઅર બ્લોક B અને L માટે 1,000 રૂપિયા ચૂકવવા પડશે. લોઅર બ્લોક C, F અને K તેમજ D, E, G, H અને J બ્લોક્સની ટિકિટ માત્ર 200 રૂપિયામાં મળશે. સૌથી સસ્તી ટિકિટ અપર બ્લોક B1, C1, D1, F1, G1, H1, K1 અને L1 માટે રાખવામાં આવી છે, જેની કિંમત માત્ર 100 રૂપિયા છે.
વેસ્ટ ઈન્ડિઝ vs બાંગ્લાદેશ અને ઈંગ્લેન્ડ vs બાંગ્લાદેશ જેવી ગ્રુપ મેચો માટે ચાહકોની ભીડ વધુ રહેવાની સંભાવનાને ધ્યાનમાં રાખીને ટિકિટના ભાવ થોડા વધારે નક્કી કરવામાં આવ્યા છે. આ મેચો માટે પ્રીમિયમ હોસ્પિટાલિટી (B પ્રીમિયમ) ટિકિટ 5,000 રૂપિયામાં મળશે, જ્યારે લોઅર બ્લોક B અને L માટે 1,500 રૂપિયા ચૂકવવા પડશે. લોઅર બ્લોક C, F અને Kની કિંમત 1,000 રૂપિયા, D, E, G, H અને J બ્લોક્સની કિંમત 500 રૂપિયા અને અપર બ્લોક B1, C1, D1, F1, G1, H1, K1 અને L1 માટે 300 રૂપિયા નક્કી કરવામાં આવ્યા છે.
ઈડન ગાર્ડન્સમાં યોજાનારી સુપર આઠ મેચો અને સેમિફાઈનલ માટે ટિકિટના દર સૌથી વધુ રાખવામાં આવ્યા છે. આ હાઈ-વોલ્ટેજ મેચો માટે પ્રીમિયમ હોસ્પિટાલિટી (B પ્રીમિયમ) ટિકિટની કિંમત 10,000 રૂપિયા રહેશે. લોઅર બ્લોક B અને L માટે 3,000 રૂપિયા, C, F અને K માટે 2,500 રૂપિયા અને D, E, G, H તથા J માટે 1,500 રૂપિયા ચૂકવવા પડશે. જ્યારે અપર બ્લોક B1, C1, D1, F1, G1, H1, K1 અને L1ની ટિકિટ 900 રૂપિયામાં મળશે. નોંધનીય છે કે ટીમ ઈન્ડિયા ઈડન ગાર્ડન્સમાં લીગ ફેઝ દરમિયાન કોઈ મેચ રમવાની નથી, છતાં પણ વિશ્વની ટોચની ટીમોની મેચો જોવા માટે ક્રિકેટ ચાહકોમાં ભારે ઉત્સાહ જોવા મળી રહ્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
