અમેરિકાના રાષ્ટ્રપ્રમુખ ડોનાલ્ડ ટ્રમ્પએ 1 એપ્રિલ 2026ના રોજ વ્હાઇટ હાઉસમાંથી દેશને સંબોધન કરતા ઈરાન સામે ચાલી રહેલા યુદ્ધ અને ‘ઓપરેશન એપિક ફ્યુરી’ વિશે મહત્વપૂર્ણ માહિતી આપી હતી. આશરે 20 મિનિટના આ ભાષણમાં ટ્રમ્પે દાવો કર્યો કે આ સૈન્ય કાર્યવાહી માત્ર અમેરિકાની જ નહીં પરંતુ સમગ્ર વિશ્વની સુરક્ષા માટે જરૂરી છે.
પ્રમુખ ટ્રમ્પે જણાવ્યું કે ઈરાન સમર્થિત જૂથો દ્વારા કરવામાં આવેલા હુમલાઓમાં અનેક અમેરિકી સૈનિકોના મોત થયા હતા, જેને ધ્યાનમાં રાખીને આ કાર્યવાહી શરૂ કરવામાં આવી હતી. તેમણે આને “પ્રોક્સી વૉર”નો જવાબ ગણાવ્યો અને કહ્યું કે ઈરાનને કાબૂમાં રાખવું અને તેની આતંકવાદી પ્રવૃત્તિઓને રોકવી એ આ ઓપરેશનનો મુખ્ય હેતુ છે.
#WATCH | Addressing the nation, US President Donald Trump says, "The situation has been going on for 47 years and should have been handled long before I arrived in office. I did many things during my two terms in office to stop the quest for nuclear weapons by Iran first. And… pic.twitter.com/5ODh8ySPKf
— ANI (@ANI) April 2, 2026
ટ્રમ્પે દાવો કર્યો કે યુદ્ધ હવે તેના અંતિમ તબક્કામાં છે અને આગામી બે થી ત્રણ અઠવાડિયામાં અમેરિકા નિશ્ચિત જીત મેળવશે. તેમના મુજબ અમેરિકન સૈન્યએ ઈરાનના નૌકાદળને લગભગ નષ્ટ કરી દીધું છે અને વાયુસેનાને પણ ભારે નુકસાન પહોંચાડ્યું છે. તેમણે વધુમાં કહ્યું કે ઈરાનની મિસાઈલ ક્ષમતા હવે ઘણી ઘટી ગઈ છે, જેના કારણે તે આતંકવાદી સંગઠનોને સહાય કે પરમાણુ હથિયારો બનાવવાની ક્ષમતા ગુમાવી રહ્યું છે.
આ દરમિયાન અમેરિકામાં વધતા ગેસના ભાવ અંગે પણ ટ્રમ્પે પોતાની ચિંતાઓ વ્યક્ત કરી. તેમણે કહ્યું કે આ વધારો ઈરાન દ્વારા તેલ ટેન્કરો અને પડોશી દેશો પર કરવામાં આવેલા હુમલાઓનું પરિણામ છે. જોકે, તેમણે અમેરિકન નાગરિકોને વિશ્વાસ અપાવ્યો કે દેશમાં પૂરતો ગેસ સ્ટોક ઉપલબ્ધ છે અને આ સમસ્યા ટૂંકા ગાળાની છે.
#WATCH | Addressing the nation, US President Donald Trump says, "Because of our 'Drill, Baby, Drill' program, America has plenty of gas… Under my leadership, we are the number one producer of oil and gas on the planet, without even discussing the millions of barrels that we're… pic.twitter.com/eRGwPE8Rb4
— ANI (@ANI) April 2, 2026
ટ્રમ્પે Strait of Hormuz અંગે સ્પષ્ટતા કરતાં કહ્યું કે અમેરિકા તેના પર નિર્ભર નથી. તેમણે અન્ય દેશોને સલાહ આપી કે તેઓ પોતાની ઉર્જા સુરક્ષા માટે વિકલ્પો શોધે, જેમાં અમેરિકાથી તેલ ખરીદવું પણ સામેલ છે. સાથે જ તેમણે ચેતવણી આપી કે જો જરૂરી બનશે તો અમેરિકા ઈરાનના તેલ ઈન્ફ્રાસ્ટ્રક્ચરને નિશાન બનાવી શકે છે.
પ્રમુખ ટ્રમ્પે વધુમાં જણાવ્યું કે અમેરિકાનું લક્ષ્ય ઈરાનમાં સત્તા પરિવર્તન (રેજીમ ચેન્જ) કરવાનું નથી, પરંતુ તેને પરમાણુ હથિયારો અને આતંકવાદી પ્રવૃત્તિઓથી દૂર રાખવાનું છે. તેમણે દાવો કર્યો કે આ લક્ષ્યો મોટા ભાગે પૂર્ણ થઈ ચૂક્યા છે અને અમેરિકા જલ્દી જ આ ઓપરેશન સમેટી શકે છે.
#WATCH | Addressing the nation, US President Donald Trump says, "The countries that can't get fuel, many of which refuse to get involved in the decapitation of Iran, we had to do it ourselves. I have a suggestion. Number one, buy oil from the United States of America. We have… pic.twitter.com/UJM05uLyhB
— ANI (@ANI) April 2, 2026
તેમ છતાં, ટ્રમ્પ દ્વારા કરવામાં આવતા સતત દાવાઓને લઈને આંતરરાષ્ટ્રીય સ્તરે ચર્ચા ચાલી રહી છે. વિશ્લેષકો માને છે કે મેદાનની હકીકતો અને રાજકીય નિવેદનો વચ્ચે તફાવત હોઈ શકે છે, જેના કારણે આ દાવાઓની વિશ્વસનીયતા પર સવાલો ઊભા થઈ રહ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
