ઇઝરાયેલ-હમાસ યુદ્ધ વચ્ચે અમેરિકી રાષ્ટ્રપતિ જો બિડેન બુધવારે તેલ અવીવ જશે. અમેરિકાના વિદેશ મંત્રી એન્ટની બ્લિંકને આ માહિતી આપી હતી. મંગળવારે વહેલી સવારે તેલ અવીવમાં મીડિયાને સંબોધતા બ્લિંકને કહ્યું કે આ ઈઝરાયેલ, મધ્ય પૂર્વ અને વિશ્વ માટે ખૂબ જ નાજુક ક્ષણ છે. તેને ધ્યાનમાં રાખીને રાષ્ટ્રપતિ બિડેન બુધવારે ઈઝરાયેલની મુલાકાત લેશે.
#WATCH | Israel: US Secretary of State, Antony Blinken says "US President Joe Biden will visit Israel on Wednesday. He is coming here at a critical moment for Israel, for the region, and for the world. President Biden will reaffirm the United States' solidarity with Israel.… pic.twitter.com/fdWaEhma3K
— ANI (@ANI) October 17, 2023
બાઈડેનના ઈઝરાયેલ પ્રવાસ અંગે પુષ્ટિ
આજે વહેલી સવારે ઈઝરાયેલમાં બ્લિંકને આ વાતની પુષ્ટિ મીડિયા સામે કરી હતી. તેમને કહ્યું કે, હાલનો સમય ઈઝરાયેલ, મધ્ય પૂર્વ ઉપરાંત આખા વિશ્વ માટે નાજુક ક્ષણ છે. જેને ધ્યાને લઇને રાષ્ટ્રપતિ બાઈડેન બુધવારે ઈઝરાયેલની મુલાકાત લેશે.
બાઇડને ઇઝરાયેલને ચેતવણી આપી
અમેરિકાના રાષ્ટ્રપતિએ અગાઉ કહ્યું હતું કે, ઇઝરાયેલ યુદ્ધના નિયમો અનુસાર કાર્ય કરશે અને નિર્દોષ નાગરિકોને દવા, ભોજન અને પાણી પહોંચાડશે. તેમજ વધુમાં કહ્યું કે, ઇઝરાયેલે લાંબા સમય સુધી વિસ્તારને નિયંત્રિત ના કરવો જોઇએ, તેની જગ્યાએ વિસ્તારને પેલેસ્ટિનિયન ઓથોરિટી દ્વારા સંચાલિત કરવું જોઇએ. ઇઝરાયેલને ચેતવણી આપતા કહ્યું કે તેમના માટે ગાઝા પર ફરી કબજો કરવો એક મોટી ભૂલ હશે. મહત્ત્વપૂર્ણ છે કે 1967ના મધ્ય પૂર્વ યુદ્ધમાં ઇઝરાયેલે વેસ્ટ બેંક, ગાઝા અને પૂર્વી જેરૂસલેમ પર કબજો કરી લીધો હતો.
યુદ્ધમાં અત્યાર સુધીમાં 4000થી વધુના મોત
ઈઝરાયેલ અને હમાસના યુદ્ધને 10 દિવસ વિતિ ગયા છે, ત્યારે ઈઝરાયેલી સેનાના જણાવ્યા મુજબ ગાઝામાં 199 લોકોને બંધક બનાવાયા છે. આ સંખ્યા વધુ પણ હોઈ શકે છે. બંને દેશો વચ્ચેના યુદ્ધમાં અત્યાર સુધીમાં 4 હજારથી વધુ લોકોના મોત થયા છે, જ્યારે સેંકડો લોકો ઈજાગ્રસ્ત થયા છે. હમાસ શાસિત ગાઝા પટ્ટીમાં લગભગ 23 લાખ લોકો રહે છે, જ્યાં સંપૂર્ણ ઘેરાબંધી કરવામાં આવી છે. ઈઝરાયેલના સંરક્ષણ મંત્રી યોવ ગૈલેન્ટે સોમવારે કહ્યું કે, ગાઝાની સંપૂર્ણ ઘેરાબંધી કરવામાં આવશે.
