બાંગ્લાદેશમાં હિન્દુ સમુદાય સામેની હિંસા સતત ગંભીર સ્વરૂપ લેતી જઈ રહી છે. તાજેતરમાં મંગળવારે ચિત્તાગોંગમાં ઉશ્કેરાયેલા ટોળાએ હિન્દુઓના ઘરોને નિશાન બનાવી આગચંપી કરી હોવાના આરોપો લાગ્યા છે. આ હિંસક ઘટનામાં અનેક પરિવારોને પોતાનો જીવ બચાવવા માટે ભારે સંઘર્ષ કરવો પડ્યો હતો. ચિત્તાગોંગમાં જયંતિ સંઘ અને બાબુ શુકુશીલના ઘરો પર હુમલો કરવામાં આવ્યો હતો, જ્યાં હુમલાખોરોએ ઘરના દરવાજા બહારથી બંધ કરી દીધા હતા. આગ ઝડપથી ફેલાતા પરિવારના સભ્યો જીવ બચાવવા માટે ઘરની વાડ કાપીને ભાગવા મજબૂર બન્યા હતા. આ આગમાં ઘરવખરી સંપૂર્ણપણે નષ્ટ થઈ ગઈ હતી અને પાલતું પશુઓના પણ મોત નીપજ્યા હતા. સ્થાનિક વહીવટીતંત્ર દ્વારા પીડિતોને માત્ર 25 કિલો ચોખા અને 5,000 ટકાની આર્થિક સહાય આપવામાં આવી હોવાને લઈને પણ નારાજગી જોવા મળી રહી છે.
Bangladeshi Radical Islamists tried to burn and kill a Hindu family by locking the doors from outside their houses and setting them on fire late at night in West Banik para, Sultanpur, Raozan, Chittagong. Many houses in village burnt.
Where is world media ? pic.twitter.com/Mw5AKz0aBV
— Megh Updates 🚨™ (@MeghUpdates) December 23, 2025
આ ઉપરાંત, 19 ડિસેમ્બરે લક્ષ્મીપુર સદર વિસ્તારમાં માનવતા કંપાવી દે તેવી ઘટના સામે આવી હતી. અજાણ્યા હુમલાખોરોએ એક હિન્દુ પરિવારના ઘરને બહારથી લોક કરી પેટ્રોલ છાંટી આગ લગાવી દીધી હતી. આ ભીષણ આગમાં 7 વર્ષની માસૂમ બાળકી જીવતી સળગી ગઈ હતી, જ્યારે પરિવારના અન્ય ત્રણ સભ્યો ગંભીર રીતે દાઝી ગયા હતા. આ ઘટનાએ સમગ્ર દેશમાં આક્રોશ ફેલાવ્યો છે.
તે પહેલાં 18 ડિસેમ્બરે ઢાકા નજીકના ભાલુક વિસ્તારમાં દીપુ ચંદ્ર નામના હિન્દુ યુવકની ટોળા દ્વારા નિર્મમ રીતે પીટાઈ કરીને હત્યા કરવામાં આવી હતી. દીપુ પર ફેસબુક પર ધાર્મિક લાગણીઓ દુભાવવાનો આરોપ મૂકવામાં આવ્યો હતો, પરંતુ તપાસમાં બહાર આવ્યું હતું કે તેણે આવી કોઈ પોસ્ટ કરી જ નહોતી. હકીકતમાં, ફેક્ટરીમાં કામકાજને લઈને થયેલા વિવાદને ધાર્મિક રંગ આપી તેને માર મારવામાં આવ્યો હતો.
આ તમામ ઘટનાઓમાં પોલીસે અજાણ્યા લોકો સામે કેસ નોંધ્યા છે, પરંતુ અત્યાર સુધી કોઈ મુખ્ય આરોપીની ધરપકડ ન થવાથી હિન્દુ સમુદાયમાં ભય અને અસંતોષ વ્યાપી ગયો છે. પ્રખ્યાત લેખિકા તસ્લીમા નસરીને સોશિયલ મીડિયા પર આ ઘટનાઓના પુરાવા રજૂ કરીને બાંગ્લાદેશમાં હિન્દુઓની સુરક્ષા અને કાયદો-વ્યવસ્થાની સ્થિતિ પર ગંભીર સવાલો ઉઠાવ્યા છે. આ ઘટનાઓએ બાંગ્લાદેશમાં અલ્પસંખ્યકોની સુરક્ષા અંગે ફરી એકવાર આંતરરાષ્ટ્રીય ચિંતા વધારી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
