ગાંધીનગરના નભોઇ ગામ નજીક નર્મદા કેનાલમાં સર્જાયેલા ભયાનક અકસ્માતમાં જીવ ગુમાવનાર લોકોના સંબંધમાં વધુ વિગતો સામે આવી રહી છે. એક કાળા રંગની કિયા સેલ્ટોસ કાર (નંબર GJ03 MR 4783) પૂરઝડપે આવી રહી હતી અને અચાનક સંતુલન ગુમાવી કેનાલમાં ખાબકી ગઈ હતી. કારમાં કુલ પાંચ લોકો સવાર હતાં. અત્યાર સુધીમાં ફાયર બ્રિગેડની ટીમે એક યુવતી સહિત ત્રણ મૃતદેહ બહાર કાઢ્યા છે, જ્યારે બાકીના બે વ્યક્તિઓની શોધખોળ માટે રાહત અને બચાવ કાર્ય ચાલુ છે.
પ્રાપ્ત વિગતો મુજબ, કારમાં સવાર યુવક હર્ષ બારોટ અમદાવાદનો રહેવાસી હતો, જ્યારે અન્ય મૃતદેહોની ઓળખ માટે કામગીરી ચાલી રહી છે. કાર કેવી રીતે કેનાલમાં ગઈ તે અંગે હજી સુધી સ્પષ્ટ માહિતી મળતી નથી. જોકે સ્થાનિક પ્રત્યક્ષદર્શીઓ મુજબ કાર ખૂબ જ ઝડપથી આવી રહી હતી અને સીધી કેનાલમાં ખાબકી ગઈ.
#WATCH | गुजरात: गांधीनगर में एक कार नहर में गिर गई।
बचाव कार्य जारी है।#Gujarat | #Gandhinagar | #CarAccident | #CanalRescue | #RescueOperation | #BreakingNews | #IndiaNews | #EmergencyResponse | #GujaratPolice | #SafetyFirst | pic.twitter.com/6YAFrwpGJR
— One India News (@oneindianewscom) July 1, 2025
હાથસામે આવી ગયેલા આ અકસ્માતને જોઈને આસપાસના લોકો દોડી આવ્યા હતા અને તરત જ બચાવ પ્રયાસ શરૂ કર્યો હતો. હોમગાર્ડના જવાને દોરડાંની મદદથી બચાવવાનો પ્રયાસ કર્યો હતો પણ પાણીના પ્રવાહને કારણે સફળતા મળી ન હતી. ત્યારબાદ ઘટના અંગે પોલીસ અને ફાયર બ્રિગેડને જાણ કરવામાં આવી હતી.
ફિલ્હાલ, નર્મદા કેનાલમાં ભારે પ્રવાહને લીધે શોધખોળ કામગીરીમાં પણ અડચણ આવી રહી છે. સ્થાનિક વહીવટી તંત્ર, ફાયર વિભાગ અને પોલીસની ટીમ ઘટનાસ્થળે હાજર રહી બચાવ અને તપાસ કામગીરીમાં વ્યસ્ત છે. સમગ્ર ઘટના ગામ અને આસપાસના વિસ્તારમાં ભારે ચકચાર સર્જી છે અને લોકોમાં શોક અને ભયનું માહોલ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
