ફ્રાંસમાં 17 વર્ષના કિશોરની પોલીસના ફાયરિંગમાં થયેલા મોત બાદ ફાટી નીકળેલા રમખાણો કાબૂમાં આવી રહ્યા નથી. ફ્રાંસમાં હવે ગૃહ યુધ્ધ જેવી સ્થિતિ છે.
સૌથી ચોંકાવનારી વાત પોલીસ ફોર્સમાં ફ્રાંસની સરકાર સામે ફેલાયેલો અસંતોષ છે અને બે અધિકારીઓએ તો ધમકી આપી છે કે, જો ફ્રાંસના પ્રમુખ દરમિયાનગીરી નહીં કરે તો અમે બળવો કરીશું.
#Nahel #Montpellier la boutique Orange grand rue Jean-Moulin est n'a plus de vitrine. Plusieurs interpellations ont déjà eu lieu dans la soirée, selon la police pic.twitter.com/zm41kvwZXO
— Midi Libre Montpellier (@MLMontpellier) June 30, 2023
ફ્રાંસમાં અત્યાર સુધીમાં પેરિસ તેમજ બીજા શહેરોમાં આગચંપીની 6000 કરતા વધારે ઘટનાઓ બની ચુકી છે. સંખ્યાબંધ વિડિયોમાં પોલીસ જવાનો તોફાનીઓ સામે ઝઝૂમતા નજરે પડી રહ્યા છે. શુક્રવારની રાતે પણ તોફાનીઓએ દુકાનોના કાચ તોડ્યા હતા તેમજ વાહનો સળગાવ્યા હતા. ફ્રાંસમાં તોફાનોના કારણે હવે ટુરિઝમ સેક્ટનરે નુકસાન થાય તેવી આશંકા છે. ફ્રાંસના એક શહેરમાં તોફાનીઓએ બેન્ક પણ સળગાવી દીધી છે.
મોતને ભેટેલા સગીરના અંતિમ સંસ્કાર શનિવારે છે અને તેના કારણે તોફાનો વધારે ભડકે તેવી આશંકા સેવાઈ રહી છે.
