જમ્મુ કાશ્મીરથી એક મોટી અપડેટ સામે આવી છે. વિગતો મુજબ પાકિસ્તાન જમ્મુમાં સતત આતંકવાદી ઘટનાઓને અંજામ આપવાનો પ્રયાસ કરી રહ્યું છે. છેલ્લા કેટલાક મહિનામાં પાડોશી દેશની આ નાપાક પ્રવૃતિ પણ સફળ રહી છે. આ બધાની વચ્ચે હવે સુરક્ષા દળોએ જમ્મુમાંથી આતંકવાદીઓને ખતમ કરવા માટે સંપૂર્ણ યોજના તૈયાર કરી લીધી છે. સુરક્ષા દળોનું સમગ્ર ધ્યાન ખીણમાં ઘૂસણખોરી રોકવા અને આતંકવાદીઓના સ્થાનિક નેટવર્કને ખતમ કરવા પર છે.
https://twitter.com/ANI/status/181375940824739063
સુરક્ષા દળોના સૂત્રોનું કહેવું છે કે, પાકિસ્તાની સેના જમ્મુમાં સક્રિય આતંકવાદી સંગઠનોને વાટાઘાટો માટે હથિયારો, તાલીમ, હાઈ-ટેક ગેજેટ્સ અને અન્ય તમામ મદદ પૂરી પાડી રહી છે. સૂત્રોના જણાવ્યા અનુસાર સરહદ પાર આતંકવાદી ઈન્ફ્રાસ્ટ્રક્ચર હજુ પણ અકબંધ છે અને આતંકવાદીઓ ઘૂસણખોરીના નિયમિત પ્રયાસો કરી રહ્યા છે. જોકે ભારતીય સુરક્ષા દળોએ પણ તેમને તાજેતરના સમયમાં નિષ્ફળ બનાવ્યા છે.
પીરપંજાલ વિસ્તારમાં તાજેતરના સમયમાં આતંકવાદી ઘટનાઓમાં વધારો થવાનો ઉલ્લેખ કરતા સૂત્રોએ જણાવ્યું કે, જંગલ વિસ્તારમાં ઘણી ગુફાઓ અને છુપાયેલા સ્થળો છે જેનો આતંકવાદીઓ ઉપયોગ કરી રહ્યા છે. સૂત્રોના જણાવ્યા અનુસાર તાજેતરના આતંકવાદી હુમલા બાદ ઘણી જગ્યાએ સુરક્ષા દળોની સંખ્યામાં વધારો કરવામાં આવ્યો છે.
