આજે ભારત 25મો કારગિલ વિજય દિવસ ઉજવી રહ્યું છે. આ સમારોહમાં વડાપ્રધાન નરેન્દ્ર મોદીએ હાજરી આપી હતી. તેમણે દ્રાસમાં કારગિલ વોર મેમોરિયલ ખાતે યુદ્ધમાં પોતાના જીવનનું બલિદાન આપનારા સૈનિકોને શ્રદ્ધાંજલિ આપી હતી. પીએમ મોદીના હસ્તે શિંકુન લા ટનલ પ્રોજેક્ટ પર શુક્રવારથી જ કામ શરૂ થશે. આ પ્રોજેક્ટ લેહને સર્વ-હવામાન કનેક્ટિવિટી પ્રદાન કરશે અને જ્યારે પૂર્ણ થશે, ત્યારે તે વિશ્વની સૌથી ઊંચી ટનલ હશે. 25મી કારગિલ વિજય દિવસ 2024 પર વડાપ્રધાન નરેન્દ્ર મોદીએ કારગિલ યુદ્ધ સ્મારક પર કારગિલ યુદ્ધના નાયકોને શ્રદ્ધાંજલિ આપી.
વડાપ્રધાન નરેન્દ્ર મોદી કારગિલ વિજય દિવસના અવસરે શુક્રવારે લદ્દાખના દ્રાસમાં કારગિલ યુદ્ધ સ્મારકની મુલાકાત લીધી હતી. આ દરમિયાન વ્યૂહાત્મક રીતે મહત્વપૂર્ણ શિંકુન લા ટનલ પ્રોજેક્ટનો પ્રથમ વિસ્ફોટ પણ કર્યો હતો. PMO અનુસાર આ પ્રોજેક્ટ લેહને તમામ હવામાનમાં કનેક્ટિવિટી પ્રદાન કરશે અને જ્યારે તે પૂર્ણ થશે ત્યારે તે વિશ્વની સૌથી ઊંચી ટનલ હશે. અધિકારીઓએ જણાવ્યું હતું કે ‘પ્રથમ વિસ્ફોટ’ નોંધપાત્ર છે કારણ કે તે ટનલના નિર્માણની શરૂઆતને ચિહ્નિત કરે છે. વડાપ્રધાન આ કામ દ્રાસમાં કારગિલ વોર મેમોરિયલથી રિમોટના માધ્યમથી કર્યું હતું. PM મોદીએ આજે સવારે 9.20 વાગ્યે કારગિલ વિજય દિવસના અવસરે કારગિલ યુદ્ધ સ્મારકની મુલાકાત લીધી હતી અને ફરજની લાઇનમાં સર્વોચ્ચ બલિદાન આપનારા બહાદુરોને શ્રદ્ધાંજલિ આપી હતી.
#WATCH | Ladakh: Prime Minister Narendra Modi pays tribute to the heroes of the Kargil War at Kargil War Memorial on the occasion of 25th #KargilVijayDiwas2024 pic.twitter.com/one6GAoko3
— ANI (@ANI) July 26, 2024
કારગિલ વિજય દિવસની 25મી વર્ષગાંઠ પર વડાપ્રધાન નરેન્દ્ર મોદીએ કહ્યું કે, આજે લદ્દાખની આ મહાન ભૂમિ કારગિલ વિજયના 25 વર્ષ પૂર્ણ થયાનું સાક્ષી બની રહી છે. કારગિલ વિજય દિવસ આપણને કહે છે કે, રાષ્ટ્રીય ઉદ્દેશ્ય માટે આપેલા બલિદાન અમર છે. દિવસો, મહિનાઓ, વર્ષો, સદીઓ વીતી જાય છે, ઋતુઓ પણ બદલાય છે પણ રાષ્ટ્રની રક્ષા માટે જીવ જોખમમાં મૂકનારના નામ અમીટ રહે છે. આ દેશ આપણી સેનાના બહાદુર વીરોનો કાયમ ઋણી છે. કારગિલ યુદ્ધ દરમિયાન હું એક સામાન્ય દેશવાસીની જેમ મારા સૈનિકોમાં હતો. આજે જ્યારે હું ફરી કારગીલની ધરતી પર છું ત્યારે એ યાદો મારા મનમાં તાજી થઈ જાય એ સ્વાભાવિક છે. મને યાદ છે કે કેવી રીતે આપણા દળોએ આટલી ઊંચાઈએ આવી મુશ્કેલ લડાયક કામગીરી હાથ ધરી હતી. દેશને જીત અપાવનાર આવા તમામ બહાદુરોને હું આદરપૂર્વક સલામ કરું છું.
આજે કારગીલ વિજય દિવસ
આજે કારગીલ વિજય દિવસ છે. 26 જુલાઈ 1999ના રોજ ભારતીય સેનાના જવાનોએ ટાઈગર હિલ પર ત્રિરંગો ધ્વજ ફરકાવ્યો હતો અને કારગિલ યુદ્ધમાં પાકિસ્તાનને હરાવ્યું હતું. 84 દિવસ સુધી ચાલેલા આ યુદ્ધમાં ભારતીય સેનાના 527 જવાનો શહીદ થયા હતા, જ્યારે 1,363 ઘાયલ થયા હતા. પાકિસ્તાનના 400 થી વધુ સૈનિકો માર્યા ગયા. કારગિલ વિજય દિવસની 25મી વર્ષગાંઠ નિમિત્તે વડાપ્રધાન નરેન્દ્ર મોદી લદ્દાખના કારગિલ પહોંચ્યા છે. જ્યાં તેમણે 1999ના યુદ્ધના વીરોને શ્રદ્ધાંજલિ આપી હતી. PM મોદી શહીદોના પરિવારોને પણ મળ્યા હતા. નોંધનિય છે કે, કારગિલ વિજય દિવસની રજત જયંતી નિમિત્તે 24 થી 26 જુલાઈ દરમિયાન દ્રાસમાં કાર્યક્રમોનું આયોજન કરવામાં આવ્યું છે.
