ભિલોડા તાલુકાની મૂનાઈ ગામની સાબરકાંઠા બેન્કના મેનેજર તથા તેમના સેવક સાથે ભિલોડા હેડ બ્રાન્ચ થી બાઈક પર રૂપિયા 25 લાખ ની કેશ લઈને તેમની હોમ બ્રાન્ચ મૂનાઈ તરફ જઈ રહ્યા હતા.
તે દરિમિયાન ત્રણ અજાણ્યા યુવકો પલ્સર બાઈક 220 હાઈ સ્પીડ બાઈક પર આવી મેનેજર ની આંખ માં મરચાની ભૂકી નાખી પરંતુ મેનેજરે હેલ્મેટ પહેરેલું હોવાથી આંખ માં મરચું પડ્યું નહિ. પરંતુ આ ત્રણ ઈસમોએ બાઈક સવાર મેનેજર સાથે ઝપાજપી કરી ખંજર તેમજ બંદૂક બતાવી લૂંટ કરવાનો પ્રયાસ કર્યોં હતો.પરંતુ બેન્ક ના બાહોશ કર્મચારીઓ એ પણ તેમના આ લૂંટના પ્રયાસ ને નિષ્ફળ બનાવ્યો હતો.લૂંટારુઓએ બેન્ક ના કર્મચારી ના હાથ પર ખંજર માર્યું હતું.
આ ઘટના ની જાણ બેન્ક ના પૂર્વ વાઇસ ચેરમેન રાજેન્દ્રસિંહ ભાટી ને થતાં તેમણે આ બનાવ સંદર્ભે ભિલોડા પોલીસ સ્ટેશન ના પી. આઈ. એચ. પી. ગામીત ને લૂંટારુઓને વહેલી તકે ઝડપી લેવા ભારપૂર્વક રજુઆત કરી હતી.અને સાબરકાંઠા બેન્ક ના મેનેજર મહેશભાઈ વાલાભાઇ પ્રજાપતિ તથા સેવક ધ્રુવકુમાર ડાહ્યાભાઈ ચૌધરી ના ખબર અંતર પૂછી હુંફ આપી હતી.
