કેન્દ્રીય કેબિનેટ દ્વારા વક્ફ સંશોધન બિલને મંજૂરી આપવામાં આવી છે. સંસદમાં બજેટ સત્રના બીજા ચરણમાં આ બિલ રજૂ કરવામાં આવે તેવી શક્યતા છે. સંસદમાં બજેટનું બીજું સત્ર 10મી માર્ચથી ચોથી એપ્રિલ સુધી ચાલશે. નોંધનીય છે કે અગાઉ 13મી ફેબ્રુઆરીએ વક્ફ બિલ મુદ્દે સંસદીય સમિતિનો રિપોર્ટ સંસદમાં રજૂ કરવામાં આવ્યો હતો. આ રિપોર્ટના આધારે જ બિલનો નવો ડ્રાફ્ટ તૈયાર કરવામાં આવ્યો છે, જેને આજે મોદી કેબિનેટે મંજૂરી આપી છે.
વક્ફ બિલ ગયા વર્ષે રજૂ કરવામાં આવ્યું હતું
વક્ફ સંશોધન બિલને 19 ફેમીબ્રુઆરીના રોજ યોજાયેલી કેબિનેટ બેઠકમાં મંજૂરી આપવામાં આવી હતી. સુધારાઓના આધારે બિલને મંજૂરી આપવામાં આવી છે. વક્ફ બિલ સૌપ્રથમ ગયા વર્ષે ઓગસ્ટ મહિનામાં રજૂ કરવામાં આવ્યું હતું. પરંતુ વિપક્ષના વિરોધને કારણે તેને સંસદીય સમિતિમાં મોકલવામાં આવ્યું. પાછળથી, કેટલાક સુધારાઓ પછી, જગદંબિકા પાલના નેતૃત્વ હેઠળની આ સમિતિએ સરકારને અહેવાલ સુપરત કર્યો.
વક્ફ બિલને લઈને સંસદમાં તીવ્ર ચર્ચા થઈ રહી છે. સંયુક્ત સંસદીય સમિતિ (JPC) દ્વારા 29મી જાન્યુઆરીએ નવી સુધારાઓ સાથેના અહેવાલને મંજૂરી આપવામાં આવી હતી, જેમાં 15 મત સમર્થનમાં અને 14 મત વિરોધમાં હતા.
મુખ્ય મુદ્દાઓ:
- 13મી ફેબ્રુઆરી: સંસદીય સમિતિએ તેની આખરી અહેવાલ સંસદમાં રજૂ કર્યો.
- વક્ફ બિલનો નવો ડ્રાફ્ટ તૈયાર થયો અને મોદી કેબિનેટે મંજૂરી આપી દીધી.
- બિલ બજેટ સત્રના બીજા ભાગમાં (10મી માર્ચ – 4મી એપ્રિલ) રજૂ થઈ શકે છે.
- BJP સાંસદોના સૂચવેલા ફેરફારોનો સમાવેશ કરવામાં આવ્યો.
- વિપક્ષી સાંસદોએ વિરોધ નોંધાવ્યો અને આને વક્ફ બોર્ડને નાબૂદ કરવાની કોશિશ ગણાવી.
વિવાદના મુદ્દા:
- “વક્ફ બાય યુઝર” જોગવાઈ દૂર કરવાનો વિવાદ – આ જોગવાઈ હેઠળ વક્ફની મિલકતના ઉપયોગ માટે કેટલાક વિશિષ્ટ અધિકાર હતાં, જેનો વિરોધ થયો.
- વિપક્ષે આ બિલને મુસ્લિમ સમુદાય સામેનો કાયદો ગણાવ્યો અને ભાજપ પર આરોપ મૂક્યો કે તે વક્ફ બોર્ડની શક્તિઓ ઘટાડવા માગે છે.
- સરકારે દલીલ કરી કે વક્ફ મિલકતો પર કાયદેસર નિયંત્રણ અને પારદર્શક વ્યવસ્થા લાવવી જરૂરી છે.
