અમેરિકાના કેલિફોર્નિયામાં બુધવારે ફરી એકવાર નૌકાદળનું એડવાન્સ્ડ ફાઈટર વિમાન F-35C દુર્ઘટનાગ્રસ્ત થયું છે. આ વિમાન નેવલ એર સ્ટેશન લેમૂર નજીક સવારે લગભગ 4:30 વાગ્યે ક્રેશ થયું હતું. નેવીના નિવેદન અનુસાર, દુર્ઘટનાના સમયે વિમાને તૈનાત પાયલટે સમયસૂચકતા દાખવી પેરાશૂટના બહાર નીકળી જતાં પોતાની જાન બચાવી હતી. પાયલટને તરત નજીકની હોસ્પિટલમાં દાખલ કરવામાં આવ્યો છે અને હાલ તેની હાલત સ્થિર હોવાનું જણાયું છે. નસીબજોગે આ દુર્ઘટનામાં કોઈ અન્ય વ્યક્તિને ઈજા થઈ નથી.
આ દુર્ઘટનામાં નાશ પામેલું વિમાન ફાઇટર સ્ક્વોડ્રન VF-125 “Rough Raiders” નો ભાગ હતું, જે નૌકાદળની ફ્લીટ રિપ્લેસમેન્ટ સ્ક્વોડ્રન (FRS) તરીકે કાર્યરત છે. FRSનું મુખ્ય કાર્ય નવા પાયલટ્સ અને એરક્રૂને એડવાન્સ્ડ ફાઈટર વિમાનો પર તાલીમ આપવાનું હોય છે. Nevyએ જણાવ્યું હતું કે ક્રેશ થનાર F-35C લેમૂરમાં આવેલી માસ્ટર સ્ટ્રાઈક ફાઈટર બેઝમાં તૈનાત હતું, જ્યાં F-35C ઉપરાંત F/A-18E/F જેવી જેટ પણ ઓપરેશનલ છે.
🚨#BREAKING: emergency officials are on the scene after a United States military f-35 jet has crash and burst into flames
At this time military officials and emergency crews are currently on scene at Lemoore Naval Air Station in Fresno County,… pic.twitter.com/XCRg0BUv2y
— R A W S A L E R T S (@rawsalerts) July 31, 2025
આ ઘટના બાદ તાત્કાલિક ફાયર બ્રિગેડના દળો ઘટનાસ્થળે પહોંચી ગયા હતા અને સુરક્ષિત પ્રકારે કાર્યવાહી હાથ ધરી હતી. સોશિયલ મીડિયામાં આ ઘટનાના ઘણા વીડિયોઝ વાયરલ થયા છે જેમાં ઘાટના વિસ્તારમાં ધુમાડાના ગોટા ઉડતા જોવા મળે છે. સીએનએનના રિપોર્ટ અનુસાર, નૌકાદળે ઘટના અંગે પ્રેસ સ્ટેટમેન્ટ જારી કર્યું છે, પણ ક્રેશ પાછળનું સાચું કારણ હજુ સુધી જાહેર કરાયું નથી. નૌકાદળે વધુ તપાસ શરૂ કરી દીધી છે.
ગૌરતલબ છે કે આ F-35 સીરીઝનું છેલ્લા કેટલાક મહિનાઓમાં સતત ત્રીજું મોટા પાયે દુર્ઘટનાનું ઉદાહરણ છે. આ પહેલા 28 જાન્યુઆરી 2025ના રોજ અલાસ્કામાં F-35A ક્રેશ થયું હતું જેમાં પાયલટ સુરક્ષિત રહ્યો હતો. ત્યારપછી 28 મે 2024ના રોજ ન્યૂ મેક્સિકોમાં F-35B ક્રેશ થયું હતું. સૌથી વધુ ચર્ચાસ્પદ ઘટના 17 સપ્ટેમ્બર 2023ની હતી, જ્યારે F-35Bનું વિમાન ક્રેશ થયું છતાં તે લગભગ 30 કલાક સુધી ગુમ રહ્યું હતું. તેના કાટમાળનો પત્તો 18 સપ્ટેમ્બરના રોજ મળ્યો હતો.
"An F-35 fighter jet crashed near Naval Air Station Lemoore in central California. The pilot successfully ejected and is safe. There are no additional affected personnel," reports Reuters, citing a statement from Naval Air Station Lemoore
— ANI (@ANI) July 31, 2025
F-35 જેવી અતિ આધુનિક અને મોંઘી સંવેદનશીલ ટેક્નોલોજી ધરાવતી સિરીઝમાં આવાં સતત અકસ્માતો અમેરિકન સેના માટે ચિંતાનું કારણ બની રહ્યા છે. ખાસ કરીને જ્યારે આ વિમાનોના એકમની કિંમત અનેક મિલિયન ડોલર સુધી પહોંચે છે અને અમેરિકાની યુદ્ધસામગ્રીની હડદીમાં તે અગ્રમૂખ્ય સ્થાન ધરાવે છે. આગામી સમયમાં આ ઘટનાની વિસ્તૃત તપાસ દ્વારા નૌકાદળ ભવિષ્યમાં આવી દુર્ઘટનાઓથી બચવા માટે પગલાં ભરી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
