દિલ્હીના નરેલા વિસ્તારના લામપુર સ્થિત એમ.કે. સ્વિમિંગ પૂલમાં એક ચોંકાવનારી ઘટના સામે આવી છે, જેમાં નવ વર્ષની બે સગીર બાળકી પર કોન્ટ્રાક્ટર અને કેર ટેકરે મળીને સામૂહિક દુષ્કર્મ આચર્યું. મળેલી માહિતી મુજબ, આ બંને બાળકી સ્વિમિંગ કરવા માટે 5 ઑગસ્ટના રોજ પૂલ પર આવી હતી, જે સત્તાવાર રીતે હજી ખુલ્લો મુકાયો ન હતો, પરંતુ આસપાસના લોકો અહીં ચાર્જ વિના ન્હાવા આવતા હતા. ઘટનાના સમયે પૂલમાં આરોપી અનિલ (બિહારના સમસ્તીપુરનો રહેવાસી) અને કેર ટેકર મુનિલ (ઉત્તર પ્રદેશના આઝમગઢનો રહેવાસી) સિવાય કોઈ હાજર ન હતો. અનિલે પ્રથમ બાળકી પર દુષ્કર્મ કર્યું અને બાદમાં મુનિલે પણ એ જ કૃત્ય કર્યું. બાળકી પરિસરમાં આવેલા એક રૂમમાં બંધ કરી તેમને જાનથી મારી નાખવાની ધમકી આપવામાં આવી હતી. 7 ઑગસ્ટે પીડિતાએ પોતાની કાકીને ઘટના જણાવી, જેના દ્વારા આ બાબત માતાને ખબર પડી અને 8 ઑગસ્ટે નરેલા પોલીસ સ્ટેશનમાં ફરિયાદ નોંધાઈ.
પૂલ સત્તાવાર રીતે બંધ હતું
પ્રાપ્ત માહિતી અનુસાર, પૂલ સત્તાવાર ધોરણે હજી સુધી ઉપયોગ માટે ખુલ્લુ મુકાયુ ન હતું. તેમ છતાં અહીં આસપાસના લોકો કોઈપણ ચાર્જ વિના અને ઔપચારિક મંજૂરી સાથે ન્હાવા માટે આવતા હતા. પોલીસ તપાસમાં જાણવા મળ્યું કે, ઘટનાના સમયે પૂલનો ગેટ ખુલ્લો હોવાથી બંને બાળકીઓ ન્હાવા માટે આવી હતી. તે દરમિયાન અચાનક આ બે નરાધમો આવ્યા અને દુષ્કૃત્યને અંજામ આપ્યો. આઉટર-નોર્થ ડિસ્ટ્રિક્ટ ડેપ્યુટી કમિશનર ઓફ પોલીસ હરેશ્વર વી સ્વામીએ જણાવ્યું કે, આઠ ઓગસ્ટના રોજ નરેલા પોલીસ સ્ટેશનમાં એક મહિલાએ પોતાની નવ વર્ષીય બાળકી અને અન્ય એક નવ વર્ષની બાળકી પર લામપુર સ્થિત એમકે સ્વિમિંગ પૂલમાં પાંચ ઓગસ્ટના રોજ સામૂહિક દુષ્કર્મ થયુ હોવાની ફરિયાદ નોંધાવી હતી.
મેડિકલ તપાસ બાદ કરી ધરપકડ
મહિલાની ફરિયાદ પર પોલીસે બંને બાળકીઓની મેડિકલ તપાસ હાથ ધરી હતી. બાદમાં નવ ઓગસ્ટના રોજ નરેલા પોલીસ સ્ટેશનમાં બીએનએસની કલમ 70 (2) (સામૂહિક દુષ્કર્મ), 127 (ખોટી રીતે બંધક બનાવવા પર), 351 (ગુનાહિત ધમકી) અને પોક્સો અધિનિયમની કલમ 6 અને 10 હેઠળ કેસ નોંધ્યો હતો. આરોપીની ધરપકડ માટે નરેલા એસપી રાકેશ કુમાર અને એસએચઓ રાજેન્દ્રસિંહના નેતૃત્વમાં ટીમ બનાવી હતી. ટીમે બંને આરોપીની ધરપકડ કરી છે. અનિલ બિહારના સમસ્તીપુરનો રહેવાસી છે. જ્યારે આરોપી મુનિલ ઉત્તર પ્રદેશના આઝમગઢનો રહેવાસી છે.
બાળકીએ કાકીને આપી હતી માહિતી
પાંચ ઓગસ્ટની દુર્ઘટના બાદ સાત ઓગસ્ટના રોજ બાળકીએ પોતાની પડોશમાં રહેતી એક કાકીને આ અંગે જાણકારી આપી હતી. કાકીએ બાદમાં બાળકીની માતાને વાત કરી હતી. બાદમાં પીડિતાની માતા બંને બાળકી સાથે ફરિયાદ નોંધાવા પોલીસ સ્ટેશન આવી હતી. પોલીસે આ ઘટનાસ્થળ પર આ પ્રકારના અન્ય કૃત્યોને અંજામ આપવામાં આવ્યું હોવાની આશંકાના આધારે વધુ તપાસ હાથ ધરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
