ગૂગલએ પોતાની ફોટો એડિટિંગ સર્વિસમાં એક ક્રાંતિકારી નવું ફીચર લોન્ચ કર્યું છે, જેને ‘એડિટ બાય આસ્કિંગ’ નામ આપવામાં આવ્યું છે. આ ફીચરનો મુખ્ય ઉદ્દેશ્ય એ છે કે હવે કોઈપણ સામાન્ય યુઝરને પ્રોફેશનલ એડિટિંગ સ્કિલ્સની જરૂર નહીં રહે, કેમ કે ફક્ત પોતાના શબ્દોમાં કહીએ અથવા લખીએ તો ગૂગલ ફોટો આપમેળે એડિટ કરી આપશે. સૌથી પહેલાં આ ફીચર અમેરિકામાં લોન્ચ થનાર ગૂગલ પિક્સેલ 10 સ્માર્ટફોનમાં ઉપલબ્ધ રહેશે, અને ત્યાર બાદ ધીમે ધીમે તેને અન્ય દેશો અને તમામ ડિવાઇસમાં અપડેટ રૂપે આપવામાં આવશે.
આ ફીચરમાં ગૂગલની જેમિની AI ટેકનોલોજીનો ઉપયોગ કરવામાં આવશે, જે યુઝરની સામાન્ય ભાષાને સમજી શકે છે. ઉદાહરણ તરીકે, જો કોઈ યુઝર કમાન્ડ આપે કે “બેકગ્રાઉન્ડમાંથી વ્યક્તિ દૂર કરો”, તો ફક્ત થોડા સેકન્ડમાં એ ફેરફાર થઈ જશે. એટલું જ નહીં, જો કોઈને ફોટોને તેના મૂળ સ્વરૂપમાં પાછું લાવવું હોય તો તે પણ સરળતાથી શક્ય બનશે. યુઝર્સ ટેક્સ્ટ કમાન્ડ કે વોઇસ કમાન્ડ – બંને માધ્યમથી આ ફીચરનો ઉપયોગ કરી શકશે, જે તેને વધુ સુવિધાજનક બનાવે છે.
‘એડિટ બાય આસ્કિંગ’ ફીચરની મદદથી અનેક પ્રકારના એડિટિંગ ટાસ્ક શક્ય છે. જેમ કે – લાઇટ એડજસ્ટમેન્ટ, કલર સુધારણા, બેકગ્રાઉન્ડ રીમૂવલ, ઓબ્જેક્ટ ઉમેરવું કે કાઢવું, ફોટામાં એક્સ્ટ્રા વસ્તુઓ ઉમેરવી (જેમ કે ચશ્મા કે ટોપી) અથવા માત્ર એક સરળ કમાન્ડ આપીને ફોટોને વધુ આકર્ષક બનાવવું. જો યુઝરને ખબર નથી કે ફોટોમાં શું બદલાવ કરવો, તો તે ફક્ત કહી શકે છે કે “ફોટોને વધુ સારો બનાવો,” અને ગૂગલ આપમેળે શ્રેષ્ઠ એડિટિંગ કરવાનું નક્કી કરશે.
સુરક્ષા અને પારદર્શકતા સુનિશ્ચિત કરવા માટે ગૂગલ આ સાથે C2PA કન્ટેન્ટ ક્રેડેન્શિયલ સપોર્ટ પણ આપી રહ્યું છે. આ ટેક્નોલોજી યુઝરને બતાવશે કે ફોટામાં AI એડિટિંગ થયું છે કે ફોટો સંપૂર્ણ ઓરિજિનલ છે. એટલે કે કોઈપણ ફોટો જોતી વખતે તરત ખબર પડી જશે કે એ નેચરલ છે કે AI દ્વારા બદલાયેલો છે. શરૂઆતમાં આ સપોર્ટ પણ પિક્સેલ 10માં આવશે, પરંતુ પછી તમામ એન્ડ્રોઇડ અને આઇફોન યુઝર્સ માટે ગૂગલ ફોટોઝ એપ્લિકેશનમાં ઉપલબ્ધ થશે.
આ નવું ફીચર ખાસ કરીને તેવા લોકો માટે બહુ જ ઉપયોગી સાબિત થશે, જેમને ફોટો એડિટિંગ સોફ્ટવેરની જાણકારી નથી. ફક્ત બોલીને કે ટાઈપ કરીને ફોટોને પોતાની ઇચ્છા મુજબ બદલવાની સગવડ ગૂગલના યુઝર અનુભવને એક નવા સ્તરે લઈ જશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
