વડા પ્રધાન નરેન્દ્ર મોદીએ તેમની બે દેશોની યાત્રાના પ્રથમ તબક્કાની શરૂઆત જાપાનથી કરી છે. તેઓ શુક્રવારે (29 ઑગસ્ટ) ટોક્યો એરપોર્ટ પર ઉતર્યા ત્યારે તેમનું ભવ્ય સ્વાગત થયું. એરપોર્ટ પર ભારતીય તિરંગા લહેરાઈ રહ્યા હતા અને મોટી સંખ્યામાં ભારતીય સમુદાય એકઠો થયો હતો, જેણે પરંપરાગત સંગીત, નૃત્ય અને નારા સાથે પીએમનું ગરમજોસીથી સ્વાગત કર્યું. માત્ર ભારતીય જ નહીં, પણ જાપાનના નાગરિકો પણ હાજર રહ્યા હતા, જેમણે પીએમ મોદીને ગાયત્રી મંત્ર અને વિવિધ વૈદિક મંત્રોનું પઠન કરીને આવકાર આપ્યો. ખાસ વાત એ રહી કે કેટલાક જાપાની લોકો રાજસ્થાની પરંપરાગત વેશભૂષામાં આવ્યા હતા અને લોકગીતો દ્વારા ભારતીય સંસ્કૃતિ પ્રત્યેની પોતાની લાગણી વ્યક્ત કરી હતી. આ દ્રશ્યે ભારત-જાપાન સાંસ્કૃતિક સબંધોને નવો ઉમંગ આપ્યો.
जापानी समुदाय के सदस्यों ने टोक्यो में प्रधानमंत्री नरेंद्र मोदी का स्वागत गायत्री मंत्र और अन्य पवित्र मंत्रों का पाठ करके किया जब वह जापान पहुंचे।#NarendraModi #JapanVisit #GayatriMantra #IndiaJapan #CulturalWelcome
[ Modi, Japan, Gayatri Mantra, Welcome, Tokyo ] pic.twitter.com/k3sarem2LA
— One India News (@oneindianewscom) August 29, 2025
પીએમ મોદીએ એક્સ (પૂર્વે ટ્વિટર) પર પોતાની યાત્રાની શરૂઆતની કેટલીક તસવીરો શેર કરીને લખ્યું કે ભારત અને જાપાન વચ્ચેની વ્યૂહાત્મક ભાગીદારી સતત મજબૂત બની રહી છે. તેમણે જણાવ્યું કે આ મુલાકાત દરમિયાન તેઓ જાપાનના વડા પ્રધાન ઇશિબા અને અન્ય મહત્વના નેતાઓ સાથે ચર્ચા કરવા આતુર છે. બંને દેશો વચ્ચે ચાલી રહેલા સહકારના નવા ક્ષેત્રો પર ખાસ ધ્યાન કેન્દ્રિત કરવામાં આવશે.
Landed in Tokyo. As India and Japan continue to strengthen their developmental cooperation, I look forward to engaging with PM Ishiba and others during this visit, thus providing an opportunity to deepen existing partnerships and explore new avenues of collaboration.… pic.twitter.com/UPwrHtdz3B
— Narendra Modi (@narendramodi) August 29, 2025
અટકળો મુજબ, પીએમ મોદીની આ મુલાકાત દરમિયાન જાપાન આવતા દાયકામાં ભારતમાં 10 ટ્રિલિયન યેનના ખાનગી રોકાણની જાહેરાત કરી શકે છે. આ રોકાણ મેન્યુફેક્ચરિંગ, ઈન્ફ્રાસ્ટ્રક્ચર, ટેકનોલોજી, સ્વચ્છ ઊર્જા અને ડિજિટલ ક્ષેત્ર જેવા મહત્વના ક્ષેત્રોમાં થવાનું માનવામાં આવે છે. જાપાન પહેલાથી જ ભારતના “મેક ઇન ઇન્ડિયા” અભિયાન અને “આત્મનિર્ભર ભારત” મિશનનો મોટો સમર્થક રહ્યો છે, અને આ વખતની ચર્ચાઓ આ સહકારને વધુ મજબૂત બનાવવા તરફ દોરી શકે છે.
સાથે જ, બંને દેશો સેમિકન્ડક્ટર ઉદ્યોગના વિકાસ, દુર્લભ ખનિજોના સંયુક્ત ઉપયોગ અને સપ્લાય ચેઇન સુરક્ષાને લઈને વ્યૂહાત્મક માળખું તૈયાર કરવાની દિશામાં આગળ વધી શકે છે. ગ્રીન એનર્જી, હાઈડ્રોજન ટેકનોલોજી અને કાર્બન ન્યુટ્રાલિટી જેવા મુદ્દાઓ પર પણ ચર્ચા થવાની સંભાવના છે. આ ઉપરાંત, રક્ષણ અને સુરક્ષા ક્ષેત્રમાં પણ બંને દેશો વચ્ચે સહકાર વધુ ઊંડો બની શકે છે, ખાસ કરીને ઈન્ડો-પેસિફિક ક્ષેત્રની સુરક્ષા અને સ્થિરતા માટે.
Deeply touched by the warmth and affection of the Indian community here in Tokyo. Their commitment to preserving our cultural roots while contributing meaningfully to Japanese society is truly commendable.
In a few hours from now, will be interacting with a group of business… pic.twitter.com/cqLIthLxF8
— Narendra Modi (@narendramodi) August 29, 2025
જાપાનની બે દિવસીય મુલાકાત પૂરી કર્યા બાદ વડા પ્રધાન મોદી ચીન જવાના છે, જ્યાં તેઓ શાંઘાઈ સહકાર સંગઠન (SCO)ના શિખર સંમેલનમાં ભાગ લેશે. આ સંમેલનમાં ક્ષેત્રીય સુરક્ષા, આતંકવાદ વિરોધી સહકાર, આર્થિક ભાગીદારી અને બહુપક્ષીય સંબંધો જેવા મુદ્દાઓ પર ચર્ચા થશે. ભારત માટે આ યાત્રા માત્ર દ્વિપક્ષીય સંબંધો મજબૂત કરવાની તક જ નહીં, પરંતુ એશિયા-પ્રશાંત ક્ષેત્રમાં તેની વ્યૂહાત્મક ભૂમિકા વધુ અસરકારક બનાવવા માટે પણ મહત્વપૂર્ણ ગણાય છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
