Skip to content
રવિવાર, નવેમ્બર 22, 2026 Ahmedabad 29°C

દિલ્હી બ્લાસ્ટ પછી ગુજરાત DGPનો આદેશ, રાષ્ટ્રવિરોધી હિસ્ટ્રીશીટર્સનું 100 કલાકમાં વેરિફિકેશન

દિલ્હી બ્લાસ્ટ પછી ગુજરાત DGPનો આદેશ, રાષ્ટ્રવિરોધી હિસ્ટ્રીશીટર્સનું 100 કલાકમાં વેરિફિકેશન

દિલ્હી બ્લાસ્ટ બાદ ગુજરાતના રાજ્ય પોલીસ વડા વિકાસ સહાયે એક મહત્વપૂર્ણ અને કડક આદેશ પ્રગટ કર્યો છે, જેના હેતુ રાજ્યમાં રાષ્ટ્રવિરોધી પ્રવૃત્તિઓમાં સંકળાયેલા વ્યક્તિઓ પર ઝડપી અને અસરકારક નજર રાખવી છે. 17 નવેમ્બર 2025ના રોજ સ્ટેટ પોલીસ વડાએ રાજ્યના તમામ પોલીસ કમિશ્નરો અને જિલ્લા પોલીસ અધિક્ષકોને સૂચના આપી કે, છેલ્લા ત્રણ દાયકામાં રાષ્ટ્રવિરોધી પ્રવૃત્તિઓમાં ઝડપાયેલા હિસ્ટ્રીશીટર્સનું 100 કલાકની અંદર ડોઝિયર તૈયાર કરવું જરૂરી છે. આ ડોઝિયરમાં અરજીઓની ઓળખ, તેમની પૃષ્ઠભૂમિ, વર્તમાન પ્રવૃત્તિઓ, અને અગાઉના કેસની વિગતવાર ચકાસણી સામેલ હોવી જોઈએ.

આ આદેશ અનુસાર, દરેક શહેર અને જિલ્લા પોલીસ વડા તાત્કાલિક એવા આરોપીઓની સૂચિ તૈયાર કરશે, જેમને છેલ્લા 30 વર્ષમાં રાજ્યના કોઈપણ પોલીસ સ્ટેશનમાં રાષ્ટ્રવિરોધી પ્રવૃત્તિઓ સંબંધિત કેસોમાં નોંધણી કરવામાં આવી હોય. પ્રાથમિક સૂચિ તૈયાર થયા પછી દરેક વ્યક્તિની સ્થિતિ, વર્તમાન પ્રવૃત્તિ અને અગાઉની કાર્યવાહીઓની સંપૂર્ણ ચકાસણી કરવામાં આવશે. રાજ્ય પોલીસ વડા ખાસ ભારપૂર્વક કહે છે કે આ ચકાસણી પ્રક્રિયા સંપૂર્ણ હોવી જોઈએ, જેમાં રેકોર્ડ ચેક, ફિલ્ડ પૂછપરછ અને કેસ હિસ્ટ્રીની પુષ્ટિમાં કોઈ ખામી ન રહે.

ચકાસણી પૂરી થયા પછી દરેક યુનિટ અંતિમ સંકલિત ડોઝિયર તૈયાર કરશે, જેમાં અપડેટેડ પ્રોફાઇલ, કેસની વિગતવાર માહિતી અને અન્ય જરૂરી નોંધો સમાવિષ્ટ થશે. આ અંતિમ અહેવાલ રાજ્ય પોલીસ વડાને 100 કલાકની અંદર સુપરત કરવો ફરજિયાત રહેશે. એક ઉચ્ચ પોલીસ અધિકારીએ જણાવ્યું કે, આ કાર્યવાહીનો હેતુ માત્ર સૂરક્ષાને મજબૂત બનાવવાનો જ નથી, પરંતુ રાજ્ય-સ્તરના ડેટાબેઝને અપડેટ રાખવા, રાષ્ટ્રવિરોધી પ્રવૃત્તિઓ સાથે જોડાયેલા લોકોને નજરમાં રાખવા અને વિવિધ જિલ્લાઓમાં દેખરેખ અને નીતિ અમલને વધુ અસરકારક બનાવવા પણ છે. આ નિર્ણય રાષ્ટ્રીય સુરક્ષા દૃષ્ટિકોણથી મહત્વપૂર્ણ માનવામાં આવે છે અને તેની અસર આગામી દિવસોમાં રાજ્યના પોલીસ કામગીરી અને રાષ્ટ્રવિરોધી પ્રવૃત્તિઓની સામે કાર્યવાહી પર સ્પષ્ટ દેખાશે.

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Gujarat

Share this story

Latest News

View all
All latest news

Explore Districts

News from every corner of Gujarat.