Skip to content
રવિવાર, નવેમ્બર 22, 2026

અમરેલી : CM ભૂપેન્દ્ર પટેલે 1100 બેડની ગર્લ્સ હોસ્ટેલ અને ભોજનાલયનું ઉદ્ઘાટન કર્યું

અમરેલી : CM ભૂપેન્દ્ર પટેલે 1100 બેડની ગર્લ્સ હોસ્ટેલ અને ભોજનાલયનું ઉદ્ઘાટન કર્યું

ગુજરાતના મુખ્યમંત્રી ભૂપેન્દ્ર પટેલએ અમરેલી જિલ્લાના રાજુલા તાલુકાના દેવકા મુકામે સ્થિત દેવકા વિદ્યાપીઠમાં નવીન ગર્લ્સ હોસ્ટેલ અને આધુનિક ભોજનાલયનું ઉદ્ઘાટન કર્યું હતું. આ પ્રોજેક્ટ ગ્રામ્ય વિસ્તારની દીકરીઓને ગુણવત્તાયુક્ત શિક્ષણ સાથે સારી રહેઠાણ અને ભોજન સુવિધા પૂરી પાડવાના ઉદ્દેશ સાથે તૈયાર કરવામાં આવ્યો છે.

ભાગવત કથાકાર રમેશભાઈ ઓઝાના માર્ગદર્શન હેઠળ સંચાલિત દેવકા વિદ્યાપીઠ ખાતે 1,100 બેડની સુવિધાવાળી વિશાળ ગર્લ્સ હોસ્ટેલ તૈયાર કરવામાં આવી છે. સાથે જ 580 વિદ્યાર્થિનીઓની ક્ષમતા ધરાવતું આધુનિક ભોજનાલય પણ બનાવવામાં આવ્યું છે, જે વિદ્યાર્થીઓ માટે આરોગ્યપ્રદ અને સુવિધાસભર ભોજન વ્યવસ્થા પૂરી પાડશે.

આ નવી સુવિધાઓના કારણે ખાસ કરીને ગ્રામ્ય વિસ્તારોની દીકરીઓને શિક્ષણ માટે વધુ સારી તકો મળશે. રહેઠાણ અને ભોજન જેવી મૂળભૂત જરૂરિયાતોની સુવિધા મળવાથી વિદ્યાર્થીઓ હવે વધુ આરામદાયક અને સુરક્ષિત વાતાવરણમાં અભ્યાસ કરી શકશે.

કાર્યક્રમ દરમિયાન ભૂપેન્દ્ર પટેલએ પોતાના સંબોધનમાં “વિકસિત ભારત 2047”ના વિઝનનો ઉલ્લેખ કર્યો અને વડાપ્રધાન નરેન્દ્રભાઈ મોદીના માર્ગદર્શન હેઠળ દેશને આગળ વધારવા માટે દરેકને પોતાની જવાબદારી નિભાવવાની પ્રેરણા આપી.

આ પ્રસંગે કૌશિકભાઈ વેકરીયા, હીરાભાઈ સોલંકી, મહેશભાઈ કસવાળા, પૂર્વ ધારાસભ્ય અમરિશ ડેર સહિતના આગેવાનો તથા મોટી સંખ્યામાં વિદ્યાર્થીઓ અને વાલીઓ હાજર રહ્યા હતા. નોંધનીય છે કે મુખ્યમંત્રી ભૂપેન્દ્ર પટેલ 10 દિવસમાં બીજીવાર અમરેલી જિલ્લામાં આવ્યા હતા, જ્યાં તેમનું એરપોર્ટ પર ઉષ્માભેર સ્વાગત કરવામાં આવ્યું હતું.

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Amreli Gujarat

Share this story

Latest News

View all
All latest news

Explore Districts

News from every corner of Gujarat.