પંજાબમાં આતંકવાદી પ્રવૃત્તિઓ સામે કડક કાર્યવાહી કરતાં પંજાબ પોલીસ એ ISI સમર્થિત એક આતંકી મોડ્યુલનો પર્દાફાશ કર્યો છે. ગુરુવારે હાથ ધરાયેલા સંયુક્ત ઓપરેશન દરમિયાન પોલીસે એક આરોપીની ધરપકડ કરી છે, જ્યારે તેની પાસેથી 4 હેન્ડ ગ્રેનેડ, બે વિદેશી પિસ્તોલ અને ગોળાબારુદ જપ્ત કરવામાં આવ્યું છે.
સંયુક્ત ઓપરેશનમાં મોટી સફળતા
પંજાબ પોલીસના DGP ગૌરવ યાદવએ માહિતી આપતા જણાવ્યું કે અમૃતસર અને મોહાલીમાં સ્ટેટ સ્પેશિયલ ઓપરેશન સેલ (SSOC) તથા કાઉન્ટર ઇન્ટેલિજન્સ વિંગ દ્વારા સંયુક્ત ઓપરેશન હાથ ધરવામાં આવ્યું હતું.
પ્રાથમિક તપાસમાં સામે આવ્યું છે કે આરોપી વિદેશમાં બેઠેલા હેન્ડલર્સના નિર્દેશ પર કાર્યરત હતો અને ચંડીગઢમાં તાજેતરમાં થયેલા ગ્રેનેડ હુમલા સાથે જોડાયેલા નેટવર્ક સાથે તેની કડીઓ હોઈ શકે છે.
In a major breakthrough, the Counter Intelligence Wing busts a #Pakistan's ISI-backed cross-border terror module. In a joint operation, SSOC Amritsar & SSOC Mohali apprehend one accused and recovers 4 hand grenades and 2 foreign-made pistols along with ammunition.
Preliminary… pic.twitter.com/N3iwadXqYQ
— DGP Punjab Police (@DGPPunjabPolice) April 16, 2026
હથિયાર તસ્કરી ગેંગનો પણ પર્દાફાશ
આ ઉપરાંત અમૃતસર કમિશ્નરેટ પોલીસે સરહદ પારથી ગેરકાયદેસર હથિયારોની તસ્કરી કરતા ગેંગનો પણ ભાંડો ફોડ્યો છે। આ કેસમાં ત્રણ આરોપીઓને ઝડપી પાડવામાં આવ્યા છે અને તેમની પાસેથી 6 અદ્યતન પિસ્તોલ જપ્ત કરવામાં આવી છે.
સોશિયલ મીડિયા દ્વારા કનેક્શન
તપાસ દરમિયાન જાણવા મળ્યું છે કે આરોપીઓ સોશિયલ મીડિયા મારફતે પાકિસ્તાની તસ્કરોના સંપર્કમાં હતા અને ગેરકાયદેસર હથિયારો સ્થાનિક ગુનેગારો સુધી પહોંચાડતા હતા। તેઓ કન્સાઈનમેન્ટ મેળવીને પંજાબમાં ક્રિમિનલ નેટવર્કને સપ્લાય કરતા હતા.
કાયદેસરની કાર્યવાહી અને આગળની તપાસ
આ સમગ્ર મામલે અમૃતસરના પોલીસ સ્ટેશનમાં આર્મ્સ એક્ટ હેઠળ કેસ નોંધવામાં આવ્યો છે. પોલીસે જણાવ્યું છે કે સમગ્ર નેટવર્કને નષ્ટ કરવા માટે તપાસ તેજ કરવામાં આવી છે અને અન્ય સંકળાયેલા આરોપીઓને ઝડપી પાડવાના પ્રયાસો ચાલુ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
