ભારતના ચૂંટણી માહોલમાં આજે મહત્વપૂર્ણ દિવસ છે, કારણ કે તમિલનાડુ અને પશ્ચિમ બંગાળમાં જંગી મતદાન ચાલી રહ્યું છે. બંને રાજ્યોમાં કરોડો મતદારો લોકશાહી તહેવારમાં ઉત્સાહપૂર્વક ભાગ લઈ રહ્યા છે, જ્યારે ગુજરાતમાં પણ પેટાચૂંટણી યોજાઈ રહી છે.
પશ્ચિમ બંગાળમાં પ્રથમ તબક્કાનું મતદાન
પશ્ચિમ બંગાળમાં 2 તબક્કાની ચૂંટણી પૈકી આજે પ્રથમ તબક્કાનું મતદાન 16 જિલ્લાની 152 બેઠકો પર થઈ રહ્યું છે. આમાં મુર્શિદાબાદ સહિત ઉત્તર બંગાળના મહત્વપૂર્ણ વિસ્તારોનો સમાવેશ થાય છે.
અંદાજે 3.6 કરોડ મતદારો 1,478 ઉમેદવારોના રાજકીય ભાગ્યનો નિર્ણય કરી રહ્યા છે. મુખ્ય ટક્કર તૃણમૂલ કોંગ્રેસ (TMC) અને ભારતીય જનતા પાર્ટી (BJP) વચ્ચે છે.
#WATCH | West Bengal Elections 2026 | Long queues of voters formed outside a polling station in Asansol as polling for the first phase of State Assembly elections gets underway. pic.twitter.com/IsaBE2PTNt
— ANI (@ANI) April 23, 2026
ભાજપ દ્વારા ભ્રષ્ટાચાર અને કાયદો-વ્યવસ્થા મુખ્ય મુદ્દા બનાવવામાં આવ્યા છે, જ્યારે TMC માટે આ ચૂંટણી પ્રતિષ્ઠાનો પ્રશ્ન બની છે. ચૂંટણી દરમિયાન હિંસા અટકાવવા માટે કડક સુરક્ષા વ્યવસ્થા ગોઠવવામાં આવી છે.
સુવેંદુ અધિકારીનો કટાક્ષ:
ભાજપના ઉમેદવાર અધિકારીએ જણાવ્યું કે જો મતદાર યાદીમાં બોગસ મતદારો અને ઘૂસણખોરો ન હોય તો મમતા બેનર્જીની જીતની કોઈ શક્યતા નથી.
#WATCH | West Bengal Elections 2026 | Suvendu Adhikari, State LoP & BJP Candidate from Nandigram & Bhabanipur says, "…We are Hindus, we are Sanatanis. I offered prayers, offered a 'naman'…. I spoke to polling agents of my constituency…Polling should be held peacefully."… pic.twitter.com/KhghWrutFR
— ANI (@ANI) April 23, 2026
તમિલનાડુમાં એક જ તબક્કામાં મતદાન
બીજી તરફ, તમિલનાડુમાં તમામ 234 બેઠકો માટે એક જ તબક્કામાં મતદાન થઈ રહ્યું છે. અહીં લગભગ 5.73 કરોડ મતદારો પોતાના મતાધિકારનો ઉપયોગ કરી રહ્યા છે.
રાજ્યમાં આ વખતે ત્રિપાંખિયો જંગ જોવા મળી રહ્યો છે, જેમાં દ્રવિડા મુનેત્ર કઝગમ (DMK) ગઠબંધન, NDA (AIADMK-BJP) અને તમિલાગા વેટ્ટ્રી કઝગમ (TVK) વચ્ચે સીધી ટક્કર છે.
આ ચૂંટણી ખાસ છે કારણ કે અભિનેતા વિજયની પાર્ટી TVK પ્રથમ વખત ચૂંટણી મેદાનમાં છે.
#WATCH | Tamil Nadu Elections 2026 | Superstar Rajinikanth goes for a morning walk. The state is going to polls today. He will cast his vote at Stella Maris College in Chennai. pic.twitter.com/9aPyXhwscC
— ANI (@ANI) April 23, 2026
સેલિબ્રિટીઓ અને નેતાઓએ કર્યું મતદાન
મતદાનના માહોલમાં વહેલી સવારથી જ લોકોમાં ઉત્સાહ જોવા મળ્યો હતો. દક્ષિણના સુપરસ્ટાર રજનીકાંત અને કમલ હાસનએ પોતાના મતાધિકારનો ઉપયોગ કર્યો.
પશ્ચિમ બંગાળમાં ભાજપના નેતા શુભેન્દુ અધિકારીએ પણ મતદાન કર્યું.
આ ઉપરાંત, વડાપ્રધાન નરેન્દ્ર મોદીએ યુવાનો અને મહિલાઓને વધુમાં વધુ મતદાન કરવા અપીલ કરી છે.
ગુજરાતમાં પેટાચૂંટણી
ગુજરાતમાં પણ ચૂંટણી પ્રક્રિયા ચાલી રહી છે. ઉમરેઠ વિધાનસભા બેઠક પર પેટાચૂંટણી યોજાઈ રહી છે.
આ બેઠક ભાજપના ધારાસભ્ય ગોવિંદભાઈ પરમારના નિધન બાદ ખાલી પડી હતી. ભાજપે આ વખતે તેમના પુત્રને ઉમેદવાર બનાવ્યો છે.
આણંદ જિલ્લાના ઉમરેઠ વિધાનસભા બેઠકની પેટાચૂંટણીમાં ભાજપના હર્ષદ પરમાર અને કોંગ્રેસના ભૃગુરાજસિંહ ચૌહાણ વચ્ચે કાંટેની ટક્કર જામેલી છે, જ્યાં કુલ 2.45 લાખ મતદારો ઉત્સાહપૂર્વક પોતાના મતાધિકારનો ઉપયોગ કરી રહ્યા છે. સમગ્ર વિસ્તારમાં શાંતિપૂર્ણ માહોલ વચ્ચે કડક પોલીસ બંદોબસ્ત ગોઠવવામાં આવ્યો છે, જેથી મતદાન પ્રક્રિયા નિષ્પક્ષ અને સુચારૂ રીતે પૂર્ણ થાય.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
