ગુજરાતની સ્થાનિક સ્વરાજ્ય સંસ્થાઓની ચૂંટણીમાં BJPએ એકતરફી વિજય મેળવી રાજકીય દબદબો જમાવ્યો છે. રાજ્યની તમામ 15 મહાનગરપાલિકાઓમાં ભાજપે માત્ર જીત જ નહીં પરંતુ જંગી બહુમત સાથે સત્તા કબજે કરી છે.
આ પરિણામો બાદ હવે એવી સ્થિતિ સર્જાઈ છે કે 15માંથી 10 મહાનગરપાલિકામાં સત્તાવાર વિપક્ષ જ નહીં રહે, જે રાજ્યના રાજકારણમાં મહત્વપૂર્ણ ફેરફાર ગણાય છે.
વિપક્ષ માટે 10% બેઠકોનો નિયમ:
સામાન્ય રીતે મહાનગરપાલિકાઓમાં વિપક્ષનો દરજ્જો મેળવવા માટે કુલ બેઠકોમાંથી ઓછામાં ઓછા 10% બેઠકો મેળવવી ફરજિયાત હોય છે.
પરંતુ હાલ કોંગ્રેસ માત્ર પાંચ મહાનગરપાલિકાઓમાં જ આ મર્યાદા પાર કરી શકી છે.
કયા શહેરોમાં કોંગ્રેસે 10% પાર કર્યું:
અમદાવાદ, આણંદ, ભાવનગર, ગાંધીધામ અને વાપી—આ પાંચ શહેરોમાં કોંગ્રેસે 10%થી વધુ બેઠકો મેળવી છે.
- Ahmedabad: કોંગ્રેસ 32/192, ભાજપ 160
- Anand: કોંગ્રેસ 8/52, ભાજપ 43
- Bhavnagar: કોંગ્રેસ 8/52, ભાજપ 44
- Gandhidham: કોંગ્રેસ 11/52, ભાજપ 41
- Vapi: કોંગ્રેસ 11/52, ભાજપ 37
10 મહાનગરપાલિકામાં કોંગ્રેસ નબળી:
સુરત, વડોદરા, રાજકોટ, નડિયાદ, સુરેન્દ્રનગર, પોરબંદર, મોરબી, નવસારી, મહેસાણા અને જામનગર—આ 10 મહાનગરપાલિકાઓમાં કોંગ્રેસ 10% બેઠકો પણ મેળવી શકી નથી.
ખાસ કરીને મોરબી અને પોરબંદરમાં કોંગ્રેસનો સંપૂર્ણ સફાયો થયો છે.
AAPનું પણ નબળું પ્રદર્શન:
Aam Aadmi Partyનું પ્રદર્શન પણ ખાસ નોંધપાત્ર રહ્યું નથી.
AAPને સુરતમાં 4 અને જામનગરમાં 2—કુલ માત્ર 6 બેઠકો મળી છે. સુરતમાં કોંગ્રેસ અને AAPની બેઠકો મળીને પણ વિપક્ષ માટે જરૂરી 10% મર્યાદા પાર થઈ શકી નથી.
નિયમો સામે રાજકીય નિર્ણય શક્ય:
જોકે નિયમો અનુસાર 10% બેઠકો જરૂરી છે, પરંતુ અગાઉ એવા દાખલા જોવા મળ્યા છે કે શાસક પક્ષે ખાસ પરિસ્થિતિમાં ઓછા સભ્યો હોવા છતાં વિપક્ષને સત્તાવાર માન્યતા આપી છે.
આથી આવનારા સમયમાં ભાજપ કોંગ્રેસને વિપક્ષનો દરજ્જો આપે છે કે નહીં તે જોવાનું રહેશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
