ભારતમાં મેડિકલ પ્રવેશ માટેની સૌથી મહત્વપૂર્ણ પરીક્ષા NEET UG 2026ને લઈને મોટો નિર્ણય લેવામાં આવ્યો છે. નેશનલ ટેસ્ટિંગ એજન્સી (NTA)એ 3 મે 2026ના રોજ યોજાયેલી પરીક્ષાને પેપર લીકના ગંભીર આરોપોને કારણે સંપૂર્ણપણે રદ કરી દીધી છે. હવે NTA દ્વારા નવી તારીખ જાહેર કરવામાં આવી છે, જેમાં પરીક્ષા 21 જૂન 2026ના રોજ ફરીથી લેવામાં આવશે.
આ નિર્ણયથી લાખો વિદ્યાર્થીઓને ફરી તૈયારી કરવાની તક મળશે, પરંતુ સાથે સાથે માનસિક દબાણ પણ વધી ગયું છે.
21 જૂને ફરી પરીક્ષા : ફરી રજિસ્ટ્રેશનની જરૂર નથી
NTAએ સ્પષ્ટ કર્યું છે કે વિદ્યાર્થીઓને ફરીથી રજિસ્ટ્રેશન કરવાની કે કોઈ વધારાની ફી ચૂકવવાની જરૂર નથી. જે વિદ્યાર્થીઓએ પહેલાથી અરજી કરી છે, તેઓ સીધા જ નવી તારીખે પરીક્ષા આપી શકશે.
નવી એડમિટ કાર્ડ અને પરીક્ષા સંબંધિત વિગતો ટૂંક સમયમાં અધિકૃત વેબસાઇટ પર જાહેર કરવામાં આવશે.
📢 NEET (UG) 2026 — Examination Date Announced
The National Testing Agency, with the approval of the Government of India, has scheduled the re-examination of NEET (UG) 2026 on Sunday, 21 June 2026.
Candidates and parents are requested to rely only on the official channels of NTA.…
— National Testing Agency (@NTA_Exams) May 15, 2026
પેપર લીક મામલો : WhatsApp અને Telegram પર ફેલાયો ગેસ પેપર
તપાસમાં બહાર આવ્યું છે કે પરીક્ષા પહેલાં જ એક હેન્ડરિટન “ગેસ પેપર” WhatsApp અને Telegram જેવા પ્લેટફોર્મ પર વાયરલ થયું હતું. આ ગેસ પેપરમાંથી ઘણા પ્રશ્નો મૂળ પરીક્ષામાં મેચ થતા હોવાનું જાણવા મળ્યું છે.
રાજસ્થાન પોલીસ અને CBI દ્વારા કરવામાં આવેલી તપાસમાં આ કેસ સાથે જોડાયેલા કેટલાક આરોપીઓની ધરપકડ પણ કરવામાં આવી છે.
લાખો વિદ્યાર્થીઓ પર અસર
આ વર્ષે આશરે 22.8 લાખ વિદ્યાર્થીઓએ NEET UG 2026 માટે નોંધણી કરી હતી, જેમાંથી ગુજરાતના અંદાજે 80,000 વિદ્યાર્થીઓ પણ સામેલ હતા.
કેટલાક વિદ્યાર્થીઓએ પરીક્ષા કેન્દ્ર બદલવાની માંગ પણ કરી છે, જેને ધ્યાનમાં રાખીને NTA યોગ્ય નિર્ણય લઈ શકે છે.
NTAની અપીલ : અફવાઓથી દૂર રહો
NTAએ વિદ્યાર્થીઓને અપીલ કરી છે કે તેઓ માત્ર અધિકૃત વેબસાઇટ પરથી જ માહિતી મેળવે અને સોશિયલ મીડિયા પર ફેલાતી અફવાઓથી દૂર રહે.
વિદ્યાર્થીઓને યોગ્ય માહિતી અને પારદર્શિતા સાથે પરીક્ષા પ્રક્રિયા પૂર્ણ કરવામાં આવશે તેવી ખાતરી આપવામાં આવી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
