ભારત અને અમેરિકાના ઉચ્ચસ્તરીય પ્રતિનિધિઓ વચ્ચે યોજાયેલી મહત્વપૂર્ણ બેઠકમાં પ્રાદેશિક સુરક્ષા, આતંકવાદ વિરોધી કાર્યવાહી અને રક્ષા સહકાર જેવા અનેક મહત્વપૂર્ણ મુદ્દાઓ પર વિસ્તૃત ચર્ચા થઈ હતી. આ બેઠકમાં ભારત તરફથી અજીત ડોભાલ અને એસ.જયશંકર હાજર રહ્યા હતા, જ્યારે અમેરિકાની તરફથી માર્કો રુબિયો જોડાયા હતા.
આતંકવાદ મુદ્દે ભારતનો કડક અભિગમ
ચર્ચા દરમિયાન અજિત ડોભાલે આતંકવાદ અંગે ભારતનું સ્પષ્ટ અને દૃઢ વલણ રજૂ કર્યું. તેમણે જણાવ્યું કે આતંકવાદ માત્ર એક વિચારધારા નથી, પરંતુ એક સંપૂર્ણ “ઇકોસિસ્ટમ” છે, જે વિવિધ નેટવર્ક અને માળખાઓ દ્વારા સંચાલિત થાય છે.
ડોભાલે ખાસ કરીને પાકિસ્તાનમાં સક્રિય આતંકી નેટવર્ક્સ અંગે ચિંતા વ્યક્ત કરી અને કહ્યું કે આ નેટવર્ક્સ અફઘાનિસ્તાન અને સમગ્ર દક્ષિણ એશિયાની સ્થિરતા માટે સતત ખતરો ઉભો કરે છે.
US Embassy in India- "Secretary Rubio joined an important meeting with NSA Doval focused on counterterrorism cooperation, regional stability, and strengthening US-India strategic coordination in the Indo-Pacific. Our partnership continues to grow stronger in support of shared… https://t.co/YX5sAAvPQ1 pic.twitter.com/nJk1z4mKHS
— ANI (@ANI) May 24, 2026
રક્ષા સહકારમાં નવા માપદંડ
આ બેઠકમાં ભારતે સ્પષ્ટ સંદેશ આપ્યો કે હવે તે માત્ર ચેતવણી આપનાર દેશ તરીકે નહીં, પરંતુ જરૂરી હોય ત્યારે સીધી કાર્યવાહી કરનાર દેશ તરીકે આગળ વધશે.
બંને દેશો વચ્ચે રક્ષા સહકારને વધુ મજબૂત બનાવવા માટે ‘iCET’ હેઠળ ટેકનોલોજી ટ્રાન્સફર, સંયુક્ત વિકાસ (Joint Development) અને કો-પ્રોડક્શન પર ખાસ ધ્યાન કેન્દ્રિત કરવામાં આવ્યું.
આ બદલાવ પછી ભારત હવે માત્ર રક્ષા સાધનોનો ખરીદદાર નહીં રહે, પરંતુ અમેરિકાની સાથે મળીને આધુનિક રક્ષા ટેકનોલોજીનો સહ-સર્જક (Co-creator) બનશે.
વેપાર, AI અને સપ્લાય ચેઇન પર પણ ચર્ચા
આ પહેલાં યોજાયેલી એક અન્ય ઉચ્ચસ્તરીય બેઠકમાં નરેન્દ્ર મોદી અને માર્કો રૂબિયો વચ્ચે પણ ચર્ચા થઈ હતી. તેમાં ડોનાલ્ડ ટ્રમ્પના સંદેશ સાથે વિવિધ ક્ષેત્રોમાં સહકાર વધારવા પર ભાર મૂકાયો હતો.
બંને દેશોએ નીચેના ક્ષેત્રોમાં સહકાર મજબૂત કરવાની દિશામાં ચર્ચા કરી:
- આર્ટિફિશિયલ ઇન્ટેલિજન્સ (AI)
- ગ્લોબલ સપ્લાય ચેઇન
- ઊર્જા અને વેપાર
- અદ્યતન ટેકનોલોજી અને રક્ષા ક્ષેત્ર
PM મોદીને વ્હાઇટ હાઉસનું આમંત્રણ
આ બેઠક દરમિયાન માર્કો રૂબિયોએ અમેરિકાના રાષ્ટ્રપતિ ડોનાલ્ડ ટ્રમ્પ તરફથી વડાપ્રધાન નરેન્દ્ર મોદીને વ્હાઇટ હાઉસ મુલાકાત માટે સત્તાવાર આમંત્રણ આપ્યું હતું. આ આમંત્રણ ભારત-અમેરિકા વચ્ચે વધતા વ્યૂહાત્મક સંબંધોની મજબૂતી દર્શાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
