કેન્દ્ર સરકારે લ્યુટિયન્સ દિલ્હીમાં આવેલા પ્રતિષ્ઠિત દિલ્હી જીમખાના ક્લબને પરિસર ખાલી કરવાનો આદેશ આપતા મામલો હવે કાનૂની લડાઈ સુધી પહોંચ્યો છે. ક્લબ તરફથી કોંગ્રેસ નેતા અને વકીલ અભિષેક મનુ સિંઘવીએ દિલ્હી હાઈકોર્ટમાં અરજી દાખલ કરી તાત્કાલિક સુનાવણીની માંગ કરી હતી, જેને કોર્ટે સ્વીકારી લીધી છે. આ મામલે 26 મેના રોજ સુનાવણી થશે.
શું છે સમગ્ર વિવાદ?
આ મામલો લ્યુટિયન્સ દિલ્હીના સફદરજંગ રોડ પર આવેલા 27.3 એકર વિસ્તારમાં ફેલાયેલા જિમખાના ક્લબના પરિસર સાથે સંકળાયેલો છે.
કેન્દ્ર સરકારે લીઝ ડીડની જોગવાઈનો હવાલો આપતા આદેશ આપ્યો છે કે જો જમીનનો ઉપયોગ જાહેર હેતુ માટે જરૂરી હોય, તો સરકાર તેને પરત લઈ શકે છે.
સરકારના જણાવ્યા મુજબ આ વિસ્તારનો ઉપયોગ હવે ડિફેન્સ ઈન્ફ્રાસ્ટ્રક્ચર માટે કરવો જરૂરી છે, કારણ કે આ વિસ્તાર વડાપ્રધાનના નિવાસ અને અન્ય હાઈ-સિક્યુરિટી ઝોનની નજીક આવેલો છે.
લ્યુટિયન્સ દિલ્હી: દેશનો સૌથી સુરક્ષિત વિસ્તાર
Lutyens’ Delhi ભારતની રાજધાનીનો અત્યંત મહત્વપૂર્ણ અને સુરક્ષિત વિસ્તાર માનવામાં આવે છે.
બ્રિટિશ આર્કિટેક્ટ એડવિન લ્યુટિયન્સ દ્વારા ડિઝાઇન કરાયેલા આ વિસ્તારમાં:
- રાષ્ટ્રપતિ ભવન
- વડાપ્રધાનનું નિવાસ અને કાર્યાલય
- કેન્દ્રીય મંત્રાલયોની કચેરીઓ
- વિદેશી દૂતાવાસો
સ્થિત છે, જેના કારણે આ વિસ્તાર વ્યૂહાત્મક રીતે ખૂબ જ મહત્વપૂર્ણ છે.
જિમખાના ક્લબ: ઇલાઇટ પાવર સેન્ટર
જિમખાના ક્લબનો ઈતિહાસ બ્રિટિશ શાસન સમયથી જોડાયેલો છે. જ્યારે રાજધાની કોલકાતાથી દિલ્હી ખસેડાઈ, ત્યારે અંગ્રેજોએ એક વિશિષ્ટ સામાજિક વર્ગ માટે આ ક્લબની સ્થાપના કરી હતી.
આજ સુધી આ ક્લબ એક ઇલાઇટ સર્કલ તરીકે ઓળખાય છે, જ્યાં સભ્યપદ મેળવવું અત્યંત મુશ્કેલ છે અને તેમાં નેતાઓ, ઉચ્ચ અધિકારીઓ અને ન્યાયાધીશોનો સમાવેશ થાય છે.
હવે શું થશે?
ક્લબના સભ્ય વિજય ખુરાના દ્વારા દાખલ કરાયેલી અરજી પર હાઇકોર્ટ તાત્કાલિક સુનાવણી કરવા તૈયાર થયું છે.
આ સુનાવણીમાં મુખ્ય મુદ્દા રહેશે:
- સરકારનો જમીન પરત લેવાનો અધિકાર
- ડિફેન્સ ઈન્ફ્રાસ્ટ્રક્ચર માટે જમીનની જરૂરિયાત
- ક્લબના અધિકારો અને લીઝ શરતો
આ કેસનો ચુકાદો લ્યુટિયન્સ દિલ્હીના અન્ય સંસ્થાઓ માટે પણ મહત્વપૂર્ણ બની શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
