ગુજરાત સરકારની સત્તાવાર ઇન્વેસ્ટમેન્ટ પ્રમોશન એજન્સી iNDEXTbએ વૈશ્વિક સ્તરે મોટી સિદ્ધિ મેળવી છે. સુરત ખાતે મે 2026માં યોજાયેલી Vibrant Gujarat Regional Conference – South Gujarat અંતર્ગત બિઝનેસ એક્ઝિબિશન માટે માત્ર 11 દિવસના ટૂંકા સમયમાં 350 એક્ઝિબિટર્સને એક મંચ પર લાવવા બદલ iNDEXTbને Guinness World Recordsમાં સ્થાન મળ્યું છે.
વડોદરામાં યોજાયેલી ‘વાયબ્રન્ટ ગુજરાત રિજનલ કૉન્ફરન્સ’ દરમિયાન મુખ્યમંત્રી ભૂપેન્દ્ર પટેલે iNDEXTbની ટીમને Guinness World Recordsનું પ્રમાણપત્ર એનાયત કર્યું હતું. આ સિદ્ધિને ગુજરાતની આયોજનક્ષમતા, ઔદ્યોગિક ગતિ અને રોકાણ આકર્ષણની શક્તિનું વૈશ્વિક માન્યતા પ્રાપ્ત ઉદાહરણ માનવામાં આવી રહ્યું છે. સત્તાવાર માહિતી મુજબ, આ રેકોર્ડ “11 દિવસના સમયગાળામાં એક્ઝિબિશન માટે સૌથી વધુ એક્ઝિબિટર્સ જોડવાના” ક્ષેત્રે નોંધાયો છે.
આ વર્ષે 2 મે, 2026ના રોજ સુરત ખાતે ‘વાયબ્રન્ટ ગુજરાત રિજનલ કૉન્ફરન્સ’ – South Gujarat અંતર્ગત બિઝનેસ એક્ઝિબિશનનું આયોજન કરવામાં આવ્યું હતું. આ આયોજનને સફળ બનાવવા માટે iNDEXTb અને K&D Communication Limited વચ્ચે ભાગીદારી કરવામાં આવી હતી. રાજ્યના વિવિધ ઉદ્યોગો, રોકાણકારો, MSME, સ્ટાર્ટઅપ્સ અને ઔદ્યોગિક સંસ્થાઓને એક પ્લેટફોર્મ પર લાવવાનો આ પ્રયાસ ખૂબ ઓછા સમયમાં સફળ રહ્યો.
VGRC Surat Creates Guinness World Record with 350 Exhibitors in Just 11 Days!
Hon'ble Chief Minister Shri @Bhupendrapbjp Ji presented the Guinness World Records certificate to iNDEXTb during the Vibrant Gujarat Regional Conference in Vadodara.
Achieved in collaboration with K… pic.twitter.com/ggp7ERR5sa
— Harsh Sanghavi (@sanghaviharsh) June 29, 2026
સામાન્ય રીતે મોટા ઔદ્યોગિક પ્રદર્શનો અને બિઝનેસ એક્સ્પોની તૈયારીઓમાં ઘણા અઠવાડિયા અથવા મહિનાઓનો સમય લાગતો હોય છે. પરંતુ VGRC સુરત માટે માત્ર 11 દિવસમાં 350 પ્રદર્શકોની નોંધણી પૂર્ણ કરવી એક અસાધારણ સિદ્ધિ રહી. આ ઝડપી આયોજન, સંકલન અને ઉદ્યોગ જગતના ઉત્સાહને Guinness World Records દ્વારા માન્યતા આપવામાં આવી છે.
મુખ્યમંત્રી ભૂપેન્દ્ર પટેલે આ સિદ્ધિ બદલ iNDEXTbની ટીમને અભિનંદન પાઠવ્યા હતા. રિપોર્ટ મુજબ, CMએ આ સિદ્ધિને ગુજરાતની સંગઠનાત્મક ક્ષમતા અને રાજ્યની “preferred investment destination” તરીકેની છબીને વધુ મજબૂત બનાવતી સિદ્ધિ ગણાવી હતી.
iNDEXTb ગુજરાતમાં ઉદ્યોગો અને રોકાણકારો માટે મહત્વપૂર્ણ કડી તરીકે કામ કરે છે. રાજ્યમાં રોકાણ લાવવા, રોકાણકારોને માર્ગદર્શન આપવા, નીતિઓ અંગે સહાયતા પૂરી પાડવા અને ઉદ્યોગ સ્થાપન પ્રક્રિયાને સરળ બનાવવા માટે iNDEXTb “single point of contact” તરીકે મહત્વની ભૂમિકા ભજવે છે. આ વર્લ્ડ રેકોર્ડથી ગુજરાતની રોકાણ પ્રોત્સાહન વ્યવસ્થાને વૈશ્વિક ઓળખ મળી છે.
‘વાયબ્રન્ટ ગુજરાત રિજનલ કૉન્ફરન્સ’નો હેતુ રાજ્યના વિવિધ વિસ્તારોમાં ક્ષેત્રીય ઔદ્યોગિક વિકાસને ગતિ આપવાનો છે. Vibrant Gujaratની સત્તાવાર વેબસાઈટ અનુસાર, આ રિજનલ કોન્ફરન્સો ‘વાયબ્રન્ટ ગુજરાત રિજનલ કૉન્ફરન્સ’ની સફળતા પરથી પ્રેરિત છે અને પ્રાદેશિક ઔદ્યોગિક વૃદ્ધિ, sector-specific investment તથા global engagementને મજબૂત બનાવવા માટે યોજાઈ રહી છે.
વડોદરા VGRC કાર્યક્રમ દરમિયાન રાજ્ય સરકારે ગુજરાતના ઔદ્યોગિક વિકાસને વધુ વેગ આપવા 5 જિલ્લાઓમાં 8 નવી સ્માર્ટ GIDC સ્થાપવાની જાહેરાત પણ કરી હતી. આ જાહેરાત અને iNDEXTbનો Guinness World Record—બન્ને ગુજરાતની ઉદ્યોગમૈત્રી નીતિઓ અને ઝડપી અમલીકરણ ક્ષમતાને દર્શાવે છે.
સુરતના બિઝનેસ એક્ઝિબિશન માટે રચાયેલો આ રેકોર્ડ માત્ર એક સંસ્થાની સિદ્ધિ નથી, પરંતુ ગુજરાતના ઉદ્યોગ જગત, રોકાણકારો, આયોજન તંત્ર અને સરકાર વચ્ચેના મજબૂત સંકલનનું પરિણામ છે. આ સિદ્ધિ આગામી ‘વાયબ્રન્ટ ગુજરાત રિજનલ કૉન્ફરન્સ’ માટે પણ નવી ઊર્જા અને વિશ્વાસ આપનારી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
