બનાસકાંઠા પાલનપુર વિદ્યામંદિર ટ્રસ્ટ સ્કુલમાં અભ્યાસ કરતી દિયા તેજસકુમાર સોનીએ ધોરણ-12 બોર્ડ અને તાજેતરમાં જાહેર કરવામાં આવેલા CUET-UG પરીક્ષાનાં પરિણામોમાં સિદ્ધિ મેળવતાં ગૌરવ વધાર્યું

જૂન 30, 2026, 6:13 પી એમ(PM) 3 min read

થરાદની દિયા તેજસકુમાર સોની વિદ્યામંદિર ટ્રસ્ટ, પાલનપુર ઇંગ્લિશ મીડીયમમાં અભ્યાસ કરતી વિધાર્થીનીએ ધોરણ-10 બોર્ડમાં 98 PR પ્રાપ્ત કર્યા બાદ, ધોરણ-12 બોર્ડ પરીક્ષામાં Humanities Stream માં 99.92 PR મેળવી બનાસકાંઠા જિલ્લામાં General Stream (સામાન્ય પ્રવાહ) ઇંગ્લિશ મીડીયમમાં પ્રથમ સ્થાન મેળવ્યું. આ સાથે જ ગુજરાત બોર્ડ Humanities પણ ટોપ કર્યું.આ ઉપરાંત May 2026 માં યોજાયેલી CUET-UG પરીક્ષામાં પણ Political Science (રાજનીતિ શાસ્ત્ર) માં 99.15 PR, Psychology (મનોવિજ્ઞાન) માં 94.71 PR અને English Language (અંગ્રેજી ભાષા) માં 92.26 PR પ્રાપ્ત કર્યા છે.

CUET-UG એટલે કે, ‘Common University Entrance Test (Under Graduation)’. આ પરિક્ષા…NTA (National Testing Agency) દ્વારા યોજવામાં આવતી JEE અને NEETની પરીક્ષાની જેમ જ આખા દેશમાં દર વર્ષે UG તેમજ PG માટે કોલેજોમાં પ્રવેશ મેળવવા માટે યોજવામાં આવે છે. આ પરીક્ષા JEE કે NEETની જેમ માત્ર સાયન્સનાં વિદ્યાર્થીઓ પૂરતી જ સીમિત નથી; પરંતુ આ પરીક્ષા આર્ટ્સ, કોમર્સ, સાયન્સનાં દરેક પ્રવાહમાં અભ્યાસ કરતા વિદ્યાર્થીઓ અને ડ્રોપર્સ આપી શકે છે.વર્ષ 2026 માં લગભગ ૧૫,૬૮,૪૬૭ ઉમેદવારોએ ફોર્મ ભર્યું હતું. તેમજ ભારત સહિત બીજા ૧૫ દેશોમાં રહેતા ભારતીયો માટે પણ યોજવામાં આવી હતી.CUET-UG દ્વારા વિદ્યાર્થીઓ દેશની નામાંકિત કેન્દ્રિય વિશ્વવિદ્યાલયોમાં પ્રવેશ મેળવી શકે છે.

દિયા તેજસકુમાર સોનીનાં મત મુજબ, ગુજરાત અને ખાસ કરીને ઉત્તર ગુજરાતમાં વિદ્યાર્થીઓ તેમજ શિક્ષકો આ વિશે વધુ જાણકારી ધરાવતા નથી.દિયાએ GSEB ઇંગ્લિશ મીડિયમમાં અભ્યાસ કર્યો છે અને પરીક્ષાનો અભ્યાસક્રમ CBSE નો હોય છે આથી બોર્ડ તેમજ CUET-UG પરીક્ષા માટેનાં અભ્યાસક્રમ વચ્ચે ઘણો તફાવત જોવા મળે છે. આ અભ્યાસક્રમ વચ્ચેનો ભેદ સાયન્સ કે કોમર્સમાં એટલો જોવા મળતો નથી; પરંતું Humanities ના અભ્યાસક્રમમાં ઘણો તફાવત જોવા મળે છે. પરિણામે બોર્ડ તેમજ CUET-UG ની તૈયારી પણ થોડી અલગ હોય છે. આથી જ અથાગ, સખત અને સતત પરિશ્રમ સાથે દ્રઢ મનોબળએ આ પરીક્ષા ઉત્તીર્ણ કરવાની ચાવી છે.