ગ્લાસગો કોમનવેલ્થ ગેમ્સ 2026માં શાનદાર પ્રદર્શન કરીને ભારતનું નામ રોશન કરનાર ભારતીય મેડલ વિજેતા ખેલાડીઓ સાથે વડાપ્રધાન નરેન્દ્ર મોદીએ નવી દિલ્હીમાં વિશેષ મુલાકાત કરી હતી. આ દરમિયાન વડાપ્રધાને ખેલાડીઓની સિદ્ધિઓને બિરદાવી તેમની સાથે વાતચીત કરી હતી. ખેલાડીઓ સાથેના સંવાદ દરમિયાન પીએમ મોદીએ દેશના યુવાનોને રમતગમત માટે પ્રેરિત કરતાં ‘જો ખેલશે, એ ખિલશે’નો મંત્ર આપ્યો હતો.
PM મોદીએ CWG 2026ના મેડલ વિજેતાઓને પાઠવી શુભેચ્છા
સ્કોટલેન્ડના ગ્લાસગોમાં યોજાયેલી કોમનવેલ્થ ગેમ્સ 2026માં ભારતીય ખેલાડીઓએ કુલ 39 મેડલ જીતીને શાનદાર પ્રદર્શન કર્યું હતું. ભારતના ખાતામાં 13 ગોલ્ડ, 17 સિલ્વર અને 9 બ્રોન્ઝ મેડલ આવ્યા હતા. ગેમ્સ પૂર્ણ થયા બાદ ભારત પરત ફરેલા મેડલ વિજેતા ખેલાડીઓ સાથે વડાપ્રધાન નરેન્દ્ર મોદીએ મુલાકાત કરીને તેમના પ્રદર્શનની પ્રશંસા કરી હતી.
મુલાકાત દરમિયાન વડાપ્રધાને ખેલાડીઓ સાથે તેમના અનુભવ, તૈયારી, સંઘર્ષ અને મેડલ જીતવાની સફર અંગે સંવાદ કર્યો હતો. આંતરરાષ્ટ્રીય સ્તરે ભારતનું પ્રતિનિધિત્વ કરીને દેશ માટે મેડલ જીતવા બદલ તેમણે ખેલાડીઓને અભિનંદન પાઠવ્યા હતા.
Delighted to host our outstanding medal winners from the Commonwealth Games 2026 at 7, Lok Kalyan Marg. Heard about their experiences from the Games.
Each one of them has made our nation proud through their exceptional performances. Their success will motivate many youngsters. pic.twitter.com/1zkYCKiV8r
— Narendra Modi (@narendramodi) August 9, 2026
સાક્ષી ચૌધરી સાથે PM મોદીનો ખાસ સંવાદ
ગોલ્ડ મેડલ વિજેતા બોક્સર સાક્ષી ચૌધરીએ વડાપ્રધાન સાથેની વાતચીત દરમિયાન તેમને મળવાનો આનંદ વ્યક્ત કર્યો હતો. આ મુલાકાત દરમિયાન ખેલાડીઓ અને વડાપ્રધાન વચ્ચે હળવાશભર્યો સંવાદ પણ જોવા મળ્યો હતો.
આ પ્રસંગે પીએમ મોદીએ ‘જો ખેલશે, એ ખિલશે’નો સંદેશ આપીને યુવાનોને રમતગમત સાથે જોડાવા માટે પ્રોત્સાહિત કર્યા હતા. મુલાકાતના અંતે વડાપ્રધાન અને ખેલાડીઓએ સાથે મળીને ‘ભારત માતા કી જય’નો જયઘોષ કર્યો હતો.
Glasgow Commonwealth Games 2026માં ભારતે જીત્યા 39 મેડલ
ગ્લાસગો કોમનવેલ્થ ગેમ્સ 2026માં ભારતે કુલ 39 મેડલ સાથે નોંધપાત્ર સફળતા મેળવી હતી. ખાસ વાત એ રહી કે ભારતને પરંપરાગત રીતે મોટી સંખ્યામાં મેડલ અપાવતી કેટલીક રમતો આ વખતના કાર્યક્રમનો ભાગ નહોતી. તેમ છતાં ભારતીય એથ્લેટ્સે બોક્સિંગ, વેટલિફ્ટિંગ, એથ્લેટિક્સ, પેરા એથ્લેટિક્સ અને જુડો સહિતની સ્પર્ધાઓમાં મજબૂત પ્રદર્શન કર્યું હતું.
બોક્સિંગમાં ભારતે 7 ગોલ્ડ મેડલ મેળવીને પોતાનો દબદબો બતાવ્યો હતો. મહિલા અને પુરુષ બંને કેટેગરીમાં ભારતીય બોક્સર્સે સફળતા મેળવી હતી. સાક્ષી ચૌધરી, પ્રિયા ઘાંગસ, અરુંધતિ ચૌધરી, સચિન સિવાચ, અંકુશ પાંઘલ, પ્રીતિ પવાર અને જૈસ્મિન લંબોરિયાએ ગોલ્ડ મેડલ જીત્યા હતા.
Always #Cheer4Bharat. pic.twitter.com/eSjh8o1Ris
— Narendra Modi (@narendramodi) August 9, 2026
મીરાબાઈ ચાનૂનું ગોલ્ડન પ્રદર્શન
ભારતની સ્ટાર વેટલિફ્ટર મીરાબાઈ ચાનૂએ મહિલા 48 કિલોગ્રામ કેટેગરીમાં ગોલ્ડ મેડલ મેળવી ભારતને મોટી સફળતા અપાવી હતી. વેટલિફ્ટિંગમાં ભારતે અન્ય કેટેગરીમાં પણ અનેક સિલ્વર અને બ્રોન્ઝ મેડલ મેળવ્યા હતા.
પેરા એથ્લેટિક્સમાં પણ ભારતનો દેખાવ પ્રભાવશાળી રહ્યો હતો. સોમન રાણા, શર્મિલા ધનકર અને દિલીપ ગાવિત જેવા ખેલાડીઓએ ગોલ્ડ મેડલ જીત્યા હતા. જુડોમાં અસ્મિતા ડે અને હર્ષ સિંહે ગોલ્ડ મેડલ મેળવી ભારતની મેડલ ટેલીમાં મહત્વનું યોગદાન આપ્યું હતું.
એથ્લેટિક્સમાં ભારતીય ખેલાડીઓની સફળતા
એથ્લેટિક્સમાં ભારતને અનેક મહત્વપૂર્ણ મેડલ મળ્યા હતા. નીરજ ચોપરાએ પુરુષ જેવલિન થ્રોમાં સિલ્વર મેડલ મેળવ્યો હતો, જ્યારે મુરલી શ્રીશંકરે લોંગ જમ્પ અને પ્રવીણ ચિત્રવેલે ટ્રિપલ જમ્પમાં સિલ્વર મેડલ મેળવ્યો હતો. ગુલવીર સિંહે 10,000 મીટરમાં સિલ્વર અને 5,000 મીટરમાં બ્રોન્ઝ મેડલ મેળવી બે મેડલ પોતાના નામે કર્યા હતા.
CWG 2026માં ભારતના 13 ગોલ્ડ મેડલ વિજેતા
ભારત માટે ગોલ્ડ મેડલ જીતનાર ખેલાડીઓમાં સોમન રાણા (પુરુષ શૉટ પુટ F57), સાક્ષી ચૌધરી (મહિલા 51 કિગ્રા બોક્સિંગ), પ્રિયા ઘાંગસ (મહિલા 60 કિગ્રા બોક્સિંગ), અરુંધતિ ચૌધરી (મહિલા 70 કિગ્રા બોક્સિંગ), સચિન સિવાચ (પુરુષ 60 કિગ્રા બોક્સિંગ), અંકુશ પાંઘલ (પુરુષ 80 કિગ્રા બોક્સિંગ), શર્મિલા ધનકર (મહિલા શૉટ પુટ F57), મીરાબાઈ ચાનૂ (મહિલા 48 કિગ્રા વેટલિફ્ટિંગ), દિલીપ ગાવિત (પુરુષ 100 મીટર T47), અસ્મિતા ડે (મહિલા -48 કિગ્રા જુડો), હર્ષ સિંહ (પુરુષ -60 કિગ્રા જુડો), પ્રીતિ પવાર (મહિલા 54 કિગ્રા બોક્સિંગ) અને જૈસ્મિન લંબોરિયા (મહિલા 57 કિગ્રા બોક્સિંગ)નો સમાવેશ થાય છે.
ભારતના 17 સિલ્વર મેડલ
સિલ્વર મેડલ વિજેતાઓમાં ઋષિકાંત સિંહ, મુથુપંડી રાજા, જ્ઞાનેશ્વરી યાદવ, સર્વેશ કુશારે, વલ્લુરી અજય બાબુ, હરજિંદર કૌર, ગુલવીર સિંહ, મુરલી શ્રીશંકર, મોહમ્મદ બાસિલ, લવપ્રીત સિંહ, યામિની મૌર્ય, નીરજ ચોપરા, પ્રવીણ ચિત્રવેલ, જાદુમણિ સિંહ, શુભમ જુયાલ, લવલીના બોરગોહેન અને નરેન્દ્ર બેરવાલનો સમાવેશ થાય છે.
ભારતના 9 બ્રોન્ઝ મેડલ
ભારત માટે બ્રોન્ઝ મેડલ જીતનાર ખેલાડીઓમાં ઝંડુ કુમાર, બિંદ્યારાની દેવી, ગુલવીર સિંહ, શિલ્પા, ઉન્નતિ શર્મા, તેજસ્વિન શંકર, યશ વીર સિંહ, સેલ્વા પ્રભુ અને સીમા કાલીરામનાનો સમાવેશ થાય છે.
PM Modi-CWG Athletes Meeting: યુવા ખેલાડીઓ માટે પ્રેરણાનો સંદેશ
વડાપ્રધાન મોદી અને કોમનવેલ્થ ગેમ્સના મેડલ વિજેતાઓની મુલાકાત માત્ર ખેલાડીઓના સન્માન પૂરતી સીમિત ન રહી, પરંતુ દેશના યુવાનોને રમતગમત તરફ આગળ વધવાનો સંદેશ પણ આપ્યો. ‘જો ખેલશે, એ ખિલશે’ના સંદેશ સાથે વડાપ્રધાને રમતને યુવાનોના વિકાસ સાથે જોડીને જોવાની વાત કરી.
ગ્લાસગોમાં 39 મેડલ જીતનાર ભારતીય ખેલાડીઓની સફળતાએ ફરી એક વખત આંતરરાષ્ટ્રીય રમતગમતમાં ભારતની વધતી હાજરી દર્શાવી છે. ખાસ કરીને બોક્સિંગ, વેટલિફ્ટિંગ, પેરા સ્પોર્ટ્સ, જુડો અને એથ્લેટિક્સમાં મળેલા મેડલ ભારતીય રમતગમત માટે મહત્વપૂર્ણ સિદ્ધિ બની છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
