સરદાર વલ્લભભાઈ પટેલની 151મી જન્મજયંતી અને રાષ્ટ્રીય એકતા દિવસ નિમિત્તે ગુજરાતના એકતાનગરમાં સાંજે 5 વાગ્યે ભવ્ય પરેડનો પ્રારંભ થયો હતો. આ વર્ષની પરેડને અગાઉની સરખામણીએ વધુ ભવ્ય અને વિવિધતાસભર બનાવવામાં આવી છે. પરેડમાં કુલ 15 ઝાંખીઓ સામેલ કરવામાં આવી છે, જ્યારે આશરે 5,000 કલાકારો ‘એક ભારત, શ્રેષ્ઠ ભારત’ની થીમ પર વિવિધ સાંસ્કૃતિક પ્રસ્તુતિઓ રજૂ કરી રહ્યા છે. આ કાર્યક્રમ દ્વારા દેશની સાંસ્કૃતિક વિવિધતા, એકતા અને રાષ્ટ્રીય અખંડિતતાનો સંદેશ આપવામાં આવી રહ્યો છે.
#WATCH | Prime Minister Narendra Modi participates in Rashtriya Ekta Diwas celebrations, commemorating the 151st birth anniversary of Sardar Vallabhbhai Patel at Parade Ground, Ekta Nagar, Gujarat
(Source: DD) pic.twitter.com/TSULWmQ4wR
— ANI (@ANI) October 31, 2026
15 ઝાંખીઓ અને 5,000 કલાકારોની પ્રસ્તુતિઓ મુખ્ય આકર્ષણ
રાષ્ટ્રીય એકતા દિવસની ઉજવણી માટે એકતાનગરમાં વિશેષ તૈયારીઓ કરવામાં આવી હતી. સાંજે 5 વાગ્યે પરેડ શરૂ થતાં જ વિવિધ ઝાંખીઓ અને સાંસ્કૃતિક કાર્યક્રમોનું આયોજન કરવામાં આવ્યું હતું. પરેડમાં સામેલ 15 ઝાંખીઓ કાર્યક્રમના મુખ્ય આકર્ષણોમાંની એક રહી હતી.
આ ઉપરાંત આશરે 5,000 કલાકારો ‘એક ભારત, શ્રેષ્ઠ ભારત’ની થીમ પર સાંસ્કૃતિક પ્રસ્તુતિઓ રજૂ કરી રહ્યા છે. આ પ્રસ્તુતિઓ દ્વારા ભારતની વિવિધ સંસ્કૃતિઓ, પરંપરાઓ અને રાષ્ટ્રીય એકતાનો સંદેશ આપવામાં આવી રહ્યો છે.
🔸પ્રધાનમંત્રી @narendramodi એ એકતા નગરના પરેડ ગ્રાઉન્ડ ખાતે રાષ્ટ્રીય એકતા દિવસની ઉજવણીમાં ભાગ લીધો@PMOIndia#PMModiInGujarat #EktaDiwas26OnDD #RashriyaEktaDiwas2026 https://t.co/6PxSogB0CK
— DD News Gujarati (@DDNewsGujarati) October 31, 2026
સ્પોર્ટ્સ થીમના ટેબ્લોએ જમાવ્યું આકર્ષણ, દેશભક્તિના રંગે રંગાયું એકતાનગર
નર્મદાના સ્ટેચ્યુ ઓફ યુનિટી ખાતે રાષ્ટ્રીય એકતા પરેડમાં વિવિધ થીમ આધારિત ટેબ્લોએ આકર્ષણ જમાવ્યું. દેશભક્તિના માહોલ વચ્ચે 15 ઓગસ્ટ અને 26 જાન્યુઆરી જેવો ઉત્સાહ જોવા મળ્યો. સાંપ્રત વિષયો અને રાષ્ટ્રીય ભાવનાને રજૂ કરતા ટેબ્લો વિશેષ આકર્ષણ બન્યા. ખાસ કરીને સ્પોર્ટ્સ થીમના ટેબ્લોમાં દેશની વિકસતી રમતગમત સંસ્કૃતિ અને વિવિધ રમતોનું પ્રદર્શન કરાયું. સમગ્ર એકતાનગરમાં ઉત્સાહનો માહોલ છવાયો.
એકતા પરેડમાં સુરતની ભવ્યતાનો અનોખો નજારો
નર્મદાના એકતાનગરમાં રાષ્ટ્રીય એકતા પરેડ દરમિયાન સુરતની ઓળખ અને ભવ્યતા દર્શાવતો આકર્ષક ટેબ્લો રજૂ કરાયો. સુરતના હીરા ઉદ્યોગની ઓળખ સમાન ડાયમંડની પ્રતિકૃતિથી ટેબ્લોને વિશેષ શણગારવામાં આવ્યો. વિવિધ કલાત્મક અને ડિઝાઇનર સાડીઓથી ટેબ્લોની સુંદર સજાવટ કરાઈ. ખાસ કરીને ડિઝાઇનર સાડીઓમાંથી તૈયાર કરાયેલું કમળનું આકર્ષક ફૂલ સૌના આકર્ષણનું કેન્દ્ર બન્યું. ટેબ્લોમાં સુરતની કલા, કારીગરી અને સમૃદ્ધ વારસાની ઝલક જોવા મળી.
‘મેડ ઇન ભારત, મેડ ઇન ગુજરાત’નો દબદબો
નર્મદાના એકતાનગરમાં રાષ્ટ્રીય એકતા પરેડ દરમિયાન ‘મેડ ઇન ભારત, મેડ ઇન ગુજરાત’ થીમ આધારિત ટેબ્લો આકર્ષણનું કેન્દ્ર બન્યો. વડોદરામાં નિર્મિત એરબસ C-295 વિમાનની પ્રતિકૃતિ રજૂ કરવામાં આવી. સાથે જ બ્રહ્મોસ મિસાઇલ સહિત ભારતમાં નિર્મિત શસ્ત્રોની પ્રતિકૃતિઓ પ્રદર્શિત કરાઈ. ટેબ્લો દ્વારા સ્વદેશી સંરક્ષણ ક્ષેત્રની સિદ્ધિઓ અને આત્મનિર્ભર ભારતની ઝલક રજૂ કરવામાં આવી. દેશની સંરક્ષણ ટેક્નોલોજીનું વિશેષ પ્રદર્શન જોવા મળ્યું.
એકતા પરેડમાં ‘નક્સલમુક્ત ભારત’ની ઝલક, મુખ્યધારામાં પરત ફરેલા લોકો બન્યા આકર્ષણનું કેન્દ્ર
નર્મદાના એકતાનગરમાં રાષ્ટ્રીય એકતા પરેડ દરમિયાન ‘નક્સલમુક્ત ભારત’ની થીમ આધારિત ટેબ્લો રજૂ કરાયો. વિવિધ રાજ્યોમાં નક્સલવાદથી દૂર રહેવાનો સંદેશ અપાયો. નક્સલ પ્રભાવિત વિસ્તારોમાંથી મુખ્યધારામાં પરત ફરેલા લોકોએ પણ પરેડમાં ભાગ લીધો. ટેબ્લો દ્વારા વડાપ્રધાન નરેન્દ્રભાઈ મોદી અને ગૃહમંત્રી અમિતભાઈ શાહના નેતૃત્વમાં નક્સલવાદ નાબૂદી માટે હાથ ધરાયેલા પ્રયાસોને દર્શાવવામાં આવ્યા. શાંતિ અને રાષ્ટ્રીય એકતાનો સંદેશ અપાયો.
વડાપ્રધાન મોદીએ વામન વૃક્ષ વાટિકાની મુલાકાત લીધી
રાષ્ટ્રીય એકતા દિવસના કાર્યક્રમો દરમિયાન વડાપ્રધાન નરેન્દ્ર મોદીએ એકતાનગર ખાતે આવેલી વામન વૃક્ષ વાટિકાની મુલાકાત લીધી હતી. મુલાકાત બાદ તેમણે સોશિયલ મીડિયા પર પોતાના અનુભવો શેર કર્યા હતા.
વડાપ્રધાન મોદીએ વામન વૃક્ષ વાટિકામાં આવેલા બોન્સાઈ વૃક્ષોના સંગ્રહ, થીમ આધારિત ગાર્ડન અને શાંત વાતાવરણની પ્રશંસા કરી હતી. તેમણે જણાવ્યું હતું કે આ સ્થળ પ્રકૃતિની સુંદરતા અને સર્જનાત્મકતાને નજીકથી સમજવાની વિશેષ તક આપે છે.
A fascinating world of bonsais in Kevadia.
Enjoyed visiting Vaman Vriksh Vatika in Ekta Nagar. With its beautiful bonsai collection, themed gardens and serene surroundings, this is a wonderful place to appreciate the beauty and creativity of nature.
What makes it even more… pic.twitter.com/72066n6VpW
— Narendra Modi (@narendramodi) October 31, 2026
‘મેક યોર ઓન બોન્સાઈ’ અનુભવની પણ પ્રશંસા
વડાપ્રધાન મોદીએ વામન વૃક્ષ વાટિકામાં પ્રવાસીઓ માટે ઉપલબ્ધ ‘Make Your Own Bonsai’ અનુભવનો પણ ઉલ્લેખ કર્યો હતો. આ પ્રવૃત્તિ દ્વારા મુલાકાતીઓ બોન્સાઈ તૈયાર કરવાની પ્રક્રિયાને નજીકથી સમજી શકે છે.
તેમણે જણાવ્યું હતું કે બોન્સાઈનો સુંદર સંગ્રહ અને થીમ આધારિત ગાર્ડન આ સ્થળને પ્રવાસીઓ માટે વિશેષ બનાવે છે. પ્રકૃતિપ્રેમીઓ અને બાગાયત ક્ષેત્રમાં રસ ધરાવતા લોકો માટે વામન વૃક્ષ વાટિકા આકર્ષણનું કેન્દ્ર બની શકે છે.
રાષ્ટ્રીય એકતા દિવસની ઉજવણીમાં સાંસ્કૃતિક વિવિધતાનો સંદેશ
સરદાર વલ્લભભાઈ પટેલની જન્મજયંતી દર વર્ષે 31 ઓક્ટોબરે રાષ્ટ્રીય એકતા દિવસ તરીકે ઉજવવામાં આવે છે. આ દિવસ દેશની એકતા, અખંડિતતા અને વિવિધતામાં એકતાના મૂલ્યોને સમર્પિત છે.
એકતાનગરમાં યોજાયેલી પરેડ અને સાંસ્કૃતિક કાર્યક્રમો દ્વારા પણ આ જ સંદેશને ઉજાગર કરવામાં આવી રહ્યો છે. વિવિધ ઝાંખીઓ અને કલાકારોની પ્રસ્તુતિઓ ભારતની સાંસ્કૃતિક સમૃદ્ધિ અને રાષ્ટ્રીય એકતાને પ્રતિબિંબિત કરે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
