Skip to content
સોમવાર, નવેમ્બર 23, 2026 Ahmedabad 22°C

ઓપરેશન મ્યુલ હંટ હેઠળ અમદાવાદમાંથી બે આરોપી ઝડપાયા, ફરિયાદોનો ખડકલો

ઓપરેશન મ્યુલ હંટ હેઠળ અમદાવાદમાંથી બે આરોપી ઝડપાયા, ફરિયાદોનો ખડકલો

અમદાવાદ જિલ્લામાં ઓપરેશન મ્યુલ હંટ અંતર્ગત સાયબર ફ્રોડ આચરનારી એક ટોળકીના બે મુખ્ય આરોપીઓની ચાંગોદર પોલીસે ધરપકડ કરીને કાયદેસરની કાર્યવાહી હાથ ધરી છે. આ ટોળકી મ્યુલ બેંક એકાઉન્ટનો ઉપયોગ કરીને ભારતના વિવિધ રાજ્યોમાં છેતરપિંડી આચરતી હતી. મહત્ત્વનું છે કે, ભારત સરકારના 14સી, નવી દિલ્હી તરફથી મ્યુલ બેન્ક એકાઉન્ટ અંગે મળેલી ચોક્કસ માહિતીના આધારે આ સમગ્ર તપાસ હાથ ધરવામાં આવી હતી.

શું હતી ઘટના? 

ચાંગોદર પોલીસ સ્ટેશનની ટીમ દ્વારા સમન્વય પોર્ટલ પર નોંધાયેલી ફરિયાદોની હકીકત તપાસતાં સાયબર ક્રાઇમના ગુનામાં વપરાયેલ બેન્ક ઑફ ઈન્ડિયાનું એકાઉન્ટ મળી આવ્યું હતું. આ એકાઉન્ટમાં અલગ-અલગ રાજ્યોની કુલ 4 સાયબર ફ્રોડની ફરિયાદ રજીસ્ટર થયેલી હતી અને તે જ દિવસે આ ખાતામાંથી કુલ રૂપિયા 4,01,320ની રકમ ચેક દ્વારા વિડ્રો કરી લેવામાં આવી હતી.

પોલીસ તપાસમાં ખાતાધારક વનરાજસિંહ જીતેન્દ્રસિંહ પરમાર અને સુમીત ઝા, તેમજ વોન્ટેડ આરોપી અન્યનેશ ચૌધરી અને એક અજાણ્યા માણસનો આ ગુનામાં સંડોવાયેલા હોવાનું બહાર આવ્યું છે. આરોપીઓને નાણાંકીય લાભ મેળવવા માટે આ બેન્ક એકાઉન્ટની ચેક બુક અને ATM તેમના મળતીયાઓને આપતા હતા.

એક દિવસમાં 15થી વધુ ગુના

નોંધનીય છે કે, ચાઇનીઝ ગેંગ દ્વારા કરવામાં આવતી છેતરપિંડીના નાણાંની હેરફેર કરવા માટે મ્યૂલ એકાઉન્ટ પુરા પાડતા તત્ત્વો વિરૂદ્ધ કરવામાં આવતી કાર્યવાહી અનુસંધાનમા અમદાવાદમાં એક જ દિવસમાં 15થી વધુ ગુના નોંધવામાં આવ્યા છે. જેમાં એકાઉન્ટ ભાડે આપનાર તેમજ તેમના માટે એજન્ટ તરીકે કામ કરતા યુવકોનો આરોપી તરીકે સમાવેશ થાય છે. જ્યારે નરોડામાં રહેતા શખસોએ બનાવટી ધંધાકીય પેઢી તૈયાર કરીને તેના કરંટ બેન્ક એકાઉન્ટમાં કરોડો રૂપિયા ચાઇનીઝ ગેંગને પહોંચતા કર્યા હતા. ત્યારે આગામી દિવસોમાં હજુ વધુ ગુના નોંધવાની તજવીજ કરવામાં આવી રહી છે.

વિદેશી ગેંગની સંડોવણી

ચાઇનીઝ ગેંગ દ્વારા કરવામાં આવતી સાયબર છેતરપિંડીના નાણાં ટ્રાન્સફર કરવા માટે બેન્ક એકાઉન્ટ આપનાર શખસો તેમજ એજન્ટો વિરૂદ્ધ કરવામાં આવતી કાર્યવાહી અંતર્ગત શુક્રવારે અમદાવાદમાં ક્રાઇમ બ્રાન્ચ, સાયબર ક્રાઈમ અને સ્થાનિક પોલીસ મથકોમાં 15થી વધુ ફરિયાદ નોંધવામાં આવી છે. જેમાં કરંટ એકાઉન્ટની મદદથી પૂરા પાડતી ગેંગ વિરૂદ્ધ નરોડામાં રહેતા હરીદર્શન ચાર રસ્તા બાપાશ્રી પાર્ક સોસાયટીમાં રહેતા આરતીબેન ગોહિલના નામે શિવશક્તિ એન્ટરપ્રાઈઝ નામથી નિકોલના સરનામે રજીસ્ટર્ડ હતું. શિવશક્તિ એન્ટરપ્રાઈઝરના કરંટ એકાઉન્ટ ઓનલાઈન ગેંમિંગથી આવતા નાણાં જમા કરાવવાના બદલામાં ત્રણ શખસોએ કમિશનની લાલચ આપી હતી. જેમાં પરમ વાણંદે એકાઉન્ટ ખોલાવીને કરણ પટેલ અને સરગાસણમાં રહેતા કમલેશ પટેલે સમગ્ર કૌભાંડ આચરીને ગેમિંગ અને અન્ય છેતરપિંડીથી આવતા નાણાં જમા કરાવીને બારોબાર ઉપાડીને વિદેશમાં સક્રિય ગેંગને મોકલી આપ્યા હતા.

આ ઉપરાંત, બેન્ક એકાઉન્ટ કમિશનની લાલચમાં ભાડે આપનારની અન્ય 15 ફરિયાદ ક્રાઈમ બ્રાંચ, સાયબર ક્રાઈમ, વેજલપુર પોલીસ મથકોમાં નોધવામાં આવી છે. પોલીસને આ અંગે આકુબ સૈયદ, હરીશ મલય અને પંકજ યાદવ નામના એજન્ટોના નામ ખુલ્યા છે.

અમારી યુટ્યુબ ચેનલને લાઈક કરો, શેર કરો અને સબ્સ્ક્રાઇબ કરો

Like, Share and Subscribe our YouTube channel

🔗 https://www.youtube.com/@oneindianewscom

🔗 https://www.youtube.com/@oneindianewscom-Gujarat

Filed under Ahmedabad Gujarat

Share this story

Latest News

View all
All latest news

Explore Districts

News from every corner of Gujarat.