UIDAI દ્વારા લોન્ચ કરાયેલ નવી Aadhaar FaceRD App હવે Google Play Store પર અર્લી એક્સેસ (ટેસ્ટિંગ ફેઝ)માં ઉપલબ્ધ છે, જેને એન્ડ્રોઇડ યૂઝર્સ ડાઉનલોડ કરીને ઉપયોગમાં લઇ શકે છે. આ એપ આધાર આધારિત ઓળખ પ્રક્રિયાને વધુ સુરક્ષિત, ડિજિટલ અને સરળ બનાવે છે. હવે હોટલ, એરપોર્ટ, સિમ ખરીદી અથવા અન્ય સેવાઓ માટે આધાર કાર્ડની નકલ આપવાની જરૂર નહીં રહે — બદલે યુઝર ડિજિટલ ફેસ ઓથેન્ટિકેશન અને QR કોડ દ્વારા પોતાની ઓળખ પૃથ્થક રીતે સાચવીને ચકાસી શકશે.
આ એપના ઉપયોગ માટે, તે તે જ મોબાઇલમાં ડાઉનલોડ કરવી પડે છે જ્યાં આધાર સાથે લિંક કરેલું મોબાઇલ નંબર છે. એપ ઇન્સ્ટોલ કર્યા પછી યુઝરને પોતાનો આધાર નંબર એડ કરવો પડે છે અને ત્યારબાદ SMS દ્વારા મળેલા OTP દ્વારા વેરિફાઇ કરવું પડે છે. ત્યારપછી ફેસ ઓથેન્ટિકેશનની પ્રક્રિયા થાય છે, જેમાં મોબાઇલના કેમેરાથી ચહેરો સ્કેન થાય છે. ત્યાર બાદ યુઝર 6 અંકનો PIN સેટ કરીને એપમાં લોગિન કરી શકે છે.
અપ્લિકેશનમાં લોગિન થયા પછી યુઝરને એક QR કોડ મળશે. આ કોડ સ્કેન કરીને અથવા શેર ID વિકલ્પ દ્વારા પોતાની ઓળખ ડિજિટલી વહેંચી શકે છે — અહીં મહત્વનું છે કે બીજા વ્યક્તિને કેવળ આધાર અસલી છે કે નકલી તે જાણવા મળશે, પણ જન્મ તારીખ, પૂરું આધાર નંબર જેવી વ્યક્તિગત વિગતો શેર નહીં થાય.
જ્યારે એરપોર્ટ કે હોટલ જેવી જગ્યાએ આધાર ચકાસવાની જરૂર પડે, ત્યારે યુઝર એપમાંથી સ્કેન માટે ઓપ્શન પસંદ કરી શકે છે અને તેણે શું માહિતી શેર કરવી છે તે પણ પસંદગીથી નિર્ધારિત કરી શકે છે — જેમ કે ફેસ વેરિફિકેશન કે સરનામું.
આ રીતે Aadhaar FaceRD App આધાર ઓળખના પરંપરાગત કાગળ આધારિત મોડેલને એક ડિજિટલ, સુરક્ષિત અને યુઝર-કંટ્રોલ્ડ વિકલ્પ આપે છે, જ્યાં યૂઝરની ડેટા પર સંપૂર્ણ નિયંત્રણ રહે છે. આ એપ હાલ એન્ડ્રોઇડ માટે ઉપલબ્ધ છે, જ્યારે iOS યુઝર્સ માટે થોડા સમયમાં આવકારાશે.
