ગુજરાતની સ્થાનિક સ્વરાજ્યની ચૂંટણી પહેલા આમ આદમી પાર્ટી (AAP) માટે વધુ એક વિવાદ સામે આવ્યો છે. જૂનાગઢ જિલ્લામાં પાર્ટીના ઉમેદવાર નિલેશ માલમ દારૂ સાથે ઝડપાતા રાજકીય ગરમાવો વધી ગયો છે.
માહિતી મુજબ, નિલેશ માલમ ઓસા ઘેડ બેઠક પરથી ચૂંટણી લડી રહ્યા છે. પરંતુ ચૂંટણી પહેલા જ તેઓ ક્રાઈમ બ્રાંચના હાથે દારૂ સાથે ઝડપાયા હતા. પોલીસએ તેમની પાસેથી અંદાજે 96 દારૂની બોટલો જપ્ત કરી છે અને તેમની સામે ગુનો નોંધીને વધુ તપાસ હાથ ધરવામાં આવી છે.
પાર્ટીમાં પહેલેથી જ ચાલી રહી હતી નારાજગી
આ ઘટના પહેલાંથી જ પાર્ટીમાં અંદરખાને નારાજગીનો માહોલ હતો. કેટલાક કાર્યકરોનો આરોપ હતો કે પાર્ટીએ ટિકિટ વિતરણમાં વિવાદાસ્પદ નામોને સ્થાન આપ્યું છે.
ખાસ કરીને, ખંડણી, ઉઘરાણી અને પોસ્ટરકાંડ જેવા આરોપો ધરાવતા કેટલાક લોકોને ઉમેદવારી આપવામાં આવી હોવાના આક્ષેપો થયા હતા, જેના કારણે મેદાનમાં મહેનત કરનાર કાર્યકરોમાં અસંતોષ ફેલાયો હતો.
ચૂંટણી પહેલાં જ પ્રતિષ્ઠા પર અસર
નિલેશ માલમની ધરપકડ બાદ પાર્ટીની છબી ઉપર ગંભીર અસર પડી છે. ચૂંટણી પહેલાં જ ઉમેદવાર બુટલેગર તરીકે ઝડપાતા વિરોધ પક્ષોએ પણ આ મુદ્દે નિશાન સાધ્યું છે. રાજકીય વિશ્લેષકો માને છે કે આવી ઘટનાઓ ચૂંટણી પરિણામો પર સીધી અસર કરી શકે છે, ખાસ કરીને જ્યારે પાર્ટી “સ્વચ્છ રાજકારણ”નો દાવો કરતી હોય.
પોલીસ તપાસ શરૂ
ક્રાઈમ બ્રાંચે આ મામલે કેસ નોંધ્યો છે અને દારૂ ક્યાંથી લાવવામાં આવ્યો, તેનો ઉપયોગ ક્યાં થવાનો હતો અને અન્ય કોણ સંકળાયેલ છે તે અંગે તપાસ શરૂ કરી છે. આ કેસમાં આગળ વધુ ખુલાસા થવાની શક્યતા વ્યક્ત કરવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
