તાજેતરમાં વાયરલ થયેલા એક વિડીયોમાં પક્ષકાર અબ્દુલ સમદ ગુજરાત હાઇકોર્ટની સુનાવણીમાં ટોઇલેટમાંથી જોડાયો હોવાનું જણાઈ આવતા, 22 જુલાઈના રોજ હાઇકોર્ટ દ્વારા તેના પર કડક કાર્યવાહી કરવામાં આવી છે. અદાલતે અબ્દુલને 15 દિવસ સુધી સામાજિક સેવા કરવાનું અને ₹1 લાખ દંડ ભરવાનો આદેશ આપ્યો છે. અબ્દુલના વકીલે દલીલ કરી હતી કે તે ભણેલો નથી અને અજાણતા આ ભૂલ થઈ ગઈ છે, પરંતુ ન્યાયમૂર્તિ એ.એસ. સુપેહિયા અને ન્યાયમૂર્તિ આર.ટી. વાચાણીએ આ દલીલ નકારી હતી અને જણાવ્યું કે આ પ્રકારનું વર્તન હાઇકોર્ટની ગૌરવ અને પવિત્રતાને હાનિ પહોંચાડે છે.
કોર્ટએ કહ્યું કે, “જોકે અચાનક આ આચરણ થયું હોય તો પણ તે માફી લાયક નથી. કોઈ વ્યક્તિ હાઇકોર્ટને ટોઇલેટમાં ઘસેડી રહ્યો હોય તેવો દ્રશ્ય અદાલત માટે અસહ્ય છે.” છતાં, અબ્દુલ દ્વારા બિનશરતી માફી માંગવામાં આવતા, કોર્ટે વધુ કડક સજા આપવાનું ટાળ્યું. હવે અબ્દુલ સુરતની ‘મમતા માનસિક સ્વાસ્થ્ય કેન્દ્ર’માં 15 દિવસ સુધી દરરોજ 6 કલાક સેવા આપશે અને તેનું પ્રમાણપત્ર જિલ્લા લીગલ સર્વિસ ઓથોરિટીને રજૂ કરવાનું રહેશે.
કોર્ટે સ્પષ્ટ રીતે જણાવ્યું છે કે આ એક ક્રિમિનલ કન્ટેમ્પ્ટનો ગુનો છે અને ભવિષ્યમાં આવા વર્તન માટે કાયમી માફી આપવામાં નહીં આવે.
